Genesis 27:1 - Maung A Balita Biblia

¹ Masiken lay Isaac tan bulag la. Impatawag toy Esau ya anak ton pangulowan tan inkuanto, “Anak ko!” “Wadya ak, ama,” ebat to.

Maung a Balita Biblia

¹ Masiken lay Isaac tan bulag la. Impatawag toy Esau ya anak ton pangulowan tan inkuanto, Anak ko! Wadya ak, ama, ebat to.

Genesis 27:1 Referans Kwoze

Genesis 48:10

Korarap la ray mata nen Jacob, lapud masiken la, tan ngalngali la ag makanengneng. Inyasingger nen Jose ira may ogogaw ed sikato, nilakap to ra tan inanguban to ra.

1 Samuel 3:2

Aminsan a labi si Eli a ngalngali la bulag et naogip ed dilin kuarto to.

Juan 9:3

Inmebat si Jesus, “Nianak a bulag yan too, aliwan lapud sikatoy nankasalanan odino saray atateng to, no ag ingen pian nipatnag ed sikato so pakapanyariy Dios.

Ecclesiastes 12:3

Diad satan, onggiwgiw la ray taklay mon angyaagel na bilay mo nen saman, tan onkalug la ray pueg mo. Nangileb-ngileb ka met lad satan kanyan ag mo la nagatgat so kanen mo, tan onkuyep met lay pakanengneng mo.

Genesis 25:33

Inmebat si Jacob, “Sambaan mo ni ya iter mon talagad siak so kanepegan mo.” Nansamba si Esau tan inter tod kinen Jacob iray kanepegan to.

Deuteronomio 34:7

Sanlasus tan duamploy taon nen Moises nen inatey; ag angoman so biskeg to, tan maung niy pakanengneng to.

1 Saray Arari 14:4

Kanyan linmad abung nen Ahias diad Silo imay asawa nen Jeroboam. Ag la makanengneng si Ahias lapud kinamasiken to la.