Genesis 25:6 - Maung A Balita Biblia

⁶ balet legan ton mabilay, iniitdan toy rigalo ray anak tod saray arum ya asawa to. Insan imbaki to ra yan anak to ed dalin a bandad bokig, pian niarawi rad kinen anak ton Isaac.

Maung a Balita Biblia

⁶ balet legan ton mabilay, iniitdan toy rigalo ray anak tod saray arum ya asawa to. Insan imbaki to ra yan anak to ed dalin a bandad bokig, pian niarawi rad kinen anak ton Isaac.

Genesis 25:6 Referans Kwoze

Genesis 21:14

Diad kabkabwasan ed ontombuk ya agew, initdan nen Abraham si Agar na kakanen tan supot a katat a napnoy danum. Inlira to ra ya tan samay ogaw ed beneg nen Agar, insan to la ra pinasiput. Tinmaynan si Agar, insan nanakar-akar ed kalawakan na Beer-seba.

Saray Huis 6:3

Kapag mantanem iray Israelita, dogpaan ira na saray Madianita a kaiba da ray Amalecita tan saray tribu ed kalawakan.

Saray Gawgawa 14:17

Balet ag tinmondan mangiter na pakabirbiran yod sikato, diad panamegley na kamaungan a gagawaen to. Iitdan to kayoy oran a manlalapud tawen tan maung a panagani ed niganan panaon to. Iitdan to kayoy nakan, tan papanoen toy liket iray puso yo.”

Mateo 5:45

pian nibilang kayon tuan anak na Ama yon walad tawen. Ta say agew to ipapasinag tod saray maoges tan diad saray maung a totoo, tan mangiiter na oran ed saray manggagaway kaogsan tan diad saray manggagaway kaabigan.

Say Libro nen Job 1:3

piton libo so karniro to, talon libo so kamilyo, sanlibo so baka, tan liman lasus so asno. Amayamay met so aripen to tan sikatoy sankayamanan ed Bokig.

Say Libro nen Job 1:1

Walay sakey a lakin manngaray Job a manaayam ed dalin na Uz. Anggapoy pakabalawan ed sayan too, matonung, walay takot to ed Dios, tan aarawian toy kaogsan.

Saray Huis 19:4

Pinilit na samay ama a manayam nid man imay Levita, kanyan nanayam diman a taloy agew. Nanaakan tan inmoogip irad man.

Genesis 35:22

Nen manaayam si Jacob ed saman a pasen, inakdulan nen Ruben si Bilha, sakey ed saray asawan inamung nen ama to. Nadngelan nen Jacob, et mapalaloy pasnuk to. Labinduan amin iray lalakin anak nen Jacob.

Genesis 32:22

Diad saman lamlamang a labi, binmangon si Jacob, intagar to ra may duaran asawa to, saramay duaran inamung ton aripen a bibii, tan saramay labinsakey ya anak to, insan da binaliw so Ilog na Jabok.

Genesis 25:1

Angasaway Abraham na sananey a bii a manngaray Ketura.

Genesis 16:3

kanyan inter nen Sarai ed sikato si Agar a piakdulan to. (Agawa ya nen samploy taon lan manaayam ed Canaan si Abram.)

Genesis 30:9

Nen anengneng nen Lea ya ag la mananak, inter tod kinen Jacob si Zilpa ya aripen to.

Genesis 30:4

Kanyan inter toy Bilha ed kinen Jacob, insan inakdulan to.

2 Saray Awaran 11:21

Labinwalon amin iray asawa nen Roboam tan anemaplo ray inyaamung ton bibii. Duamplo tan walon lalaki tan anemaplon bibii iray ilalak to. Si Maaca so sankainaroan to ed amin da ray asawa to.

Genesis 29:1

Intuloy nen Jacob so akar to tan amaarap ed dalin a bandad Bokig.