Genesis 25:34 - Maung A Balita Biblia

³⁴ Initdan nen Jacob na tinapay tan samay agayep ya inlambung to. Angan tan inminom si Esau, insan inmalagey tan linma la. Ag kinawanan nen Esau sirin iray kanepegan na inkapangulowan to.

Maung a Balita Biblia

³⁴ Initdan nen Jacob na tinapay tan samay agayep ya inlambung to. Angan tan inminom si Esau, insan inmalagey tan linma la. Ag kinawanan nen Esau sirin iray kanepegan na inkapangulowan to.

Genesis 25:34 Referans Kwoze

1 CORINTO 15:32

No say getmay too labat so makasengeg na impilaban ko diad Efeso, a singa ak milalaban ed masebesebeg iran ayayep, antoy nagunggonak? No ag met lamlamang naolid bilay iray inaatey, lalon maung nin onuren tayo may kuanda, “Mangan tan oninom itayo, ta nabwas ompatey itayo.”

Isaias 22:13

Balet naneelek tan nanliliket kayo la laingen. Nampapatey kayo na saray karniro tan saray baka a kinakakan yo, tan naniinom kayo na alak. Inkuanyo, “Maung la laingen no mangan tan maninom tayo, ta nabwas ompatey itayo.”

Saray Gawgawa 13:41

‘Nengneng yo, sikayon mabalaw! Onkelaw tan ompatey kayo! Ta say kimey a gagawaen kod panaon yo et ag yon balut napanisiaan, anggan walay mangipaliwawad sikayo!’”

Mateo 26:15

tan inkuanto, “Antoy iter yod siak no iyawat koy Jesus ed sikayo?” Imbilangan day talomplon kuartan pilak tan inter dad sikato.

Mateo 22:5

Balet ag ni yan siansia inasikaso na saramay naimbitaan, ta saray kimey da so inarap da. Walay linmad daralusan a dalin to, walay linmad panninigosioan to.

Zacarias 11:13

Say Katawan inkuantod siak, “Yan mod panagsinupan na kayamanan ed Timplo ira tay kuarta.” Kanyan inalak ira may kuarta—say kuartan mapagalang ya abaloan dan manepeg ya upak—tan inyan ko ra ed panagsinupan na kayamanan ed Timplo.

Ecclesiastes 8:15

Kanyan atibokel ed kanunotan ko a nepeg a manliket so sakey a too, ta say panliketan to labat ed sayan bilay et say pangan, say paninom to, tan say pamaliket tod laman ton dili. Nagawaan toy onya no mankikimey legan na inggetar na Dios a pambilay to diad tapew na dalin.

Saray Salmo 106:24

Insan impolisay da so balibalin dalin, ta ag da sinisia so sipan na Dios.

Genesis 25:29

Aminsan ya agew a manlalambung si Jacob na ambalangan bokel na agayep, nitan lay Esau a nanlapud anupan. Narasan, kanyan

Genesis 25:33

Inmebat si Jacob, “Sambaan mo ni ya iter mon talagad siak so kanepegan mo.” Nansamba si Esau tan inter tod kinen Jacob iray kanepegan to.

Genesis 26:1

Wala lamet so sinmabin eras ed Canaan, likud ed samay sinmabi la nen panaon nen Abraham. Linmay Isaac ed kinen Abimelec ya ari na Palestina, diad Gerar.

Genesis 27:32

“Siopa ka?” tepet nen Isaac. Inmebat, “Siak si Esau, say pangulowan ya anak yo.”