Genesis 25:10 - Maung A Balita Biblia

¹⁰ Saya may alog a sinaliw nen Abraham ed saray Heteo; nipompon irad man di Abraham tan Sara ya asawa to.

Maung a Balita Biblia

¹⁰ Saya may alog a sinaliw nen Abraham ed saray Heteo; nipompon irad man di Abraham tan Sara ya asawa to.

Genesis 25:10 Referans Kwoze

Genesis 23:16

Inmabuloy si Abraham tan sinimbang to may bili ya imbaga nen Efron a sankarengel na saray totoo—apat a lasus a kuartan pilak, onung na panagsimbang na saray nigosianti.

Genesis 49:31

Diman so angipomponan dad kindi laki Abraham tan di asawa ran Sara; diman so angipomponan ed kindi laki Isaac tan di asawa ran Rebeca; tan diman met so angipomponan kod kinen Lea.

Genesis 10:15

Say pangulowan ya anak nen Canaan et si Sidon, tan say kumadwa si Het.

Genesis 23:3

Tinaynan toy pasen a kawalaay bangkay nen asawa to, linmad saray Heteo, tan inkuanto,

Genesis 47:30

Labay koy nipompon ed kawalaan da ray atateng ko; ipaway mo ak ed Egipto tan ipompon mo ak ed angipomponan ed sikara.” Inmebat si Jose, “Gawaen koy imbaga yo.”

Genesis 23:9

ta ilako tod siak so Ongib na Macpela, a walad samput na alog to. Bayaran koy intiron bili to, diad arap yo, pian nakayaryan kon para panangipomponan.”

Genesis 23:17

Onya so impakakayaryan nen Abraham ed samay alog nen Efron ed Macpela, diad nibokig na Mamre. Kaiba toy ongib tan amin a kiew diman.

Genesis 23:20

Kanyan samay alog tan samay ongib a wadman, a kayaryan nen saman na saray Heteo, et nagmaliw a kayaryan nen Abraham tan ginawa ton panangipomponan.