Genesis 24:48 - Maung A Balita Biblia

⁴⁸ Tinmalimukor ak tan inggalang koy Katawan. Indayew koy Katawan a Dios na amok ya Abraham ya angiwanwan ed siak a tampol ed kanayon na amok, a walay biin anak ton nalmok a para anak na amok.

Maung a Balita Biblia

⁴⁸ Tinmalimukor ak tan inggalang koy Katawan. Indayew koy Katawan a Dios na amok ya Abraham ya angiwanwan ed siak a tampol ed kanayon na amok, a walay biin anak ton nalmok a para anak na amok.

Genesis 24:48 Referans Kwoze

Saray Salmo 48:14

“Sayan Dios et Dios tayo ya anggad angga; iwanwan to itayo ed amin a panaon ya arapen.”

Saray Salmo 32:8

Kuay Katawan, “Iwanwan ta kad dalan a nepeg mon tombuken; ibangat tan simbawaan ta ka.

Isaias 48:17

Say masanton Dios na Israel, say Katawan a Mananondon yo, kuanto: “Siak so Katawan a Dios yo, say Dios a mangibangat ed sikayo ed pankaabigan yo tan sikatoy mangiwanwan ed dalan na panagbilay a nepeg yon tombuken.

Genesis 24:52

Nen nadngel ya na samay aripen nen Abraham, dinmakmomo tan inggalang toy Katawan.

Probirbio 4:11

Imbangat kod sikay kakabatan tan inwanwan ta kad dalan na matonung a panagbilay.

Saray Salmo 107:7

Inwanwan to rad maptek a dalan a mamaarap ed sakey a siudad a napanayaman da.

Esdras 8:21

Diad abay na Ilog na Ahava ingganggan kon manayuno kamin amin tan mampaabeba kamin amin ed arap na Dios mi. Ingganggan ko met a kerewen min iwanwan to kami ed pambiahi mi tan iyagel to kamid kaatapan, sikami, saray anak mi tan amin a kayaryan mi.

Exodo 18:20

Nepeg mon ibangat ed sikara iray ganggan na Dios tan ipaliwawam ed sikara no panoy pambilay da tan no antoy nepeg dan gawaen.

Genesis 22:23

(Si Betuel so ama nen Rebeca.) Inaanak nen Milca ra yan walon lalaki ed kinen Nacor ya agi nen Abraham.