Genesis 24:27 - Maung A Balita Biblia

²⁷ Inkuanto, “Nadayew komuy Katawan a Dios na amok ya Abraham; tinoor toy sipan tod kinen amok. Say Katawan inwanwan to ak a linma ed saray dilin kakanayon nen amok.”

Maung a Balita Biblia

²⁷ Inkuanto, Nadayew komuy Katawan a Dios na amok ya Abraham; tinoor toy sipan tod kinen amok. Say Katawan inwanwan to ak a linma ed saray dilin kakanayon nen amok.

Genesis 24:27 Referans Kwoze

Genesis 24:48

Tinmalimukor ak tan inggalang koy Katawan. Indayew koy Katawan a Dios na amok ya Abraham ya angiwanwan ed siak a tampol ed kanayon na amok, a walay biin anak ton nalmok a para anak na amok.

Saray Salmo 98:3

Sinumpal toy insipan tod saray totood Israel, a katekep toy ag mangoman a panangaro tan say inkatoor tod sikara. Anengneng na amin a katoowan so impanalo na Dios tayo.

Genesis 32:10

O matoor a Katawan, ag ak manepeg a mangawat na panangarom tan panangasim ya impatnag mod siak a mapaabeban aripen mo. Binaliw koy Jordan ya anggapoy awit ko no ag say baston labat, balet natan pinmawil ak a kaibak ira yan duaran olup.

Genesis 24:12

Nampikasi may aripen, “Katawan a Dios nen amok ya Abraham, maung komun so pansumpalan to yan akar ko natan, tan toor mo pay sipan mod amok.

1 Samuel 25:32

Inkuanen David ed sikato, “Nagalang so Katawan, say Dios na Israel, ya angibakid sikan mangabet ed siak natan!

Ruth 4:14

Inkuan na saray bibii ed kinen Noemi. “Nagalang komun so Katawan! Inyabuloy natan na Katawan a nawalaan kay apo a manasikasod sika. Magmaliw komun a bantug yan ogaw ed Israel!

Exodo 18:10

tan kuanto, “Nadayew so Katawan ya angyagel ed sikayo ed ari tan diad saray Egipsio. Nadayew so Katawan ya angilaban ed saray totoo to ed impakaaripen.

Lucas 1:68

“Nagalang komuy Katawan a Dios na Israel! Ta nila ton tinulongan tan inyagel so bansa to.

Probirbio 3:6

Diad amin a gawaen mo nunot mo lawas so Katawan, et iwanwan to kad maptek a dalan.

Saray Salmo 100:5

Maung so Katawan; ando lan ando so panangaro to tan anggad angga so inkatoor to.

2 Samuel 18:28

Insan inkulyaot nen Ahimaaz ed ari, “Maung ya amin so agawa.” Tinmiblak ed dalin ed arap na ari, tan kuanto, “Nagalang komun so Katawan a Dios mo ya angiter ed sika na pananalo ed saray totoon sinmumpa ed sika, Kagalang kon Ari!”

1 Timoteo 1:17

Diad andi-anggaan ya Ari, ag ompatey, tan ag nanengneng, say saksakey a Dios so kawalaan komuy dayew tan galang ed ando lan ando! Amen.

TAGA-EFESO 1:3

Nagalang komuy Dios tan Ama na Katawan tayon Jesu-Cristo, ta initdan to itayo na amin a maispiritun bindision ed katawenan, lapud pikakasakey tid Cristo.

Juan 1:17

Inter na Dios so Ganggan ed panamegley nen Moises, balet say aro tan katwaan sinmabid panamegley nen Jesu-Cristo.

Mikias 7:20

Ipanengneng moy inkatoor tan say ag mangoman a panangarom ed saray totoom, saray kabyangay boleg di Abraham tan Jacob, onung na insipan mod saray lalaki mi, nen saman nin panaon.

Probirbio 8:20

Pankukurangan koy dalan na katunongan; totombuken ko ray basbas na kaptekan;

Saray Salmo 68:19

Idayew tayoy Katawan, a manasakbat ya inagew-agew na saray kairapan tan saray gunigon tayo; sikatoy Dios a mangilalaban ed sikatayo.

1 Samuel 25:39

Nen nadngelan nen David ya inatey si Nabal, inkuanto, “Nagalang so Katawan! Binmawid kinen Nabal lapud impamabaing tod siak. Say Katawan so angipaliis ed siak ya aripen to ed panggawak na maoges. Dinusa na Katawan si Nabal lapud kaogsan to.” Insan angibakiy David na mangibagan labay ton asawaen si Abigail.

Exodo 2:13

Diad ontombuk ya agew pinmaway si Moises tan anengneng to ray duaran Hebreo a manlalaban. Inkuantod samay nankasalanan, “Akin et kakabilen moy kaparam a Hebreo?”

Exodo 2:11

Nen baleg lay Moises dinalaw to ray agagi ton Hebreo, et naimatunan toy kakairapan da. Anengneng nen Moises so sakey ya Egipsio a mamapatey ed sakey a Hebreo a kadalaan to.

Genesis 24:42

“Nen sinmabi ak ed bobun diad sayan agew, impikasik, ‘Katawan a Dios nen amok ya Abraham, iyabuloy mo pan maung so pansumpalan na sayan gagawaen ko.

Genesis 24:21

Mamambantay imay aripen tan ag oneseesel, ta labay ton amtaen no kasin say Katawan et inyabuloy to a maung so pansumpalan na sayan akar to odino andi.

Genesis 24:4

Nakaukolan ya onla kad bansan nianakan ko, ta iyalaan moy Isaac ya anak ko na asawaen to diad saray kakanayon ko.”

Genesis 14:20

Nagalang komun so Sankatageyan a Dios ya angiter ed sikay pananalod saray kalaban mo.” Inter nen Abram ed kinen Melkisedek so kakaplo na amin ya asamsam to.

Genesis 13:8

Inkuanen Abram ed kinen Lot, “Sankanayon ita, tan ag nepeg a mansebeg iray totook tan saray totoom.

Genesis 9:26

Nagalang komun so Katawan, say Dios nen Sem! Magmaliw ya aripen nen Sem si Canaan.

Genesis 32:11

Kerewen kod sika ya iyagel mo ak ed kinen Esau. Antakot ak ta ompan onla dian ondogpad sikami et pateyen to kamin amin, pati saray bibii tan saray ogogaw.

Exodo 34:6

Say Katawan ed satan linmabas ed arap nen Moises tan imbawag to, “Siak a Katawan so sakey a Dios a maaro tan mapangasi; aliwa ak a maipapasnuk tan napno ak na baleg a panangaro tan katooran.