Genesis 24:14 - Maung A Balita Biblia

¹⁴ Ikuankod sakey ed sikara, ‘Iyepas mo pay boyug mo, ta miinom ak.’ No ikuanto, ‘Inom ka, tan painomen ko met iray kamilyom,’ sikato komuy pinilim a para aripen mon si Isaac. No onyay nagawa, naamtaan kon tinoor mo so sipan mod kinen amok.”

Maung a Balita Biblia

¹⁴ Ikuankod sakey ed sikara, Iyepas mo pay boyug mo, ta miinom ak. No ikuanto, Inom ka, tan painomen ko met iray kamilyom, sikato komuy pinilim a para aripen mon si Isaac. No onyay nagawa, naamtaan kon tinoor mo so sipan mod kinen amok.

Genesis 24:14 Referans Kwoze

Saray Huis 6:37

Ontan sirin, mangyan ak na lanan abel ed dalin a panagilikan mi na trigo. No diad kabwasan et alinaewan labat so lanan abel balet andid dalin, naamtaan kod satan ya ikana mo ak ed pangyagel ed Israel.”

Saray Huis 6:17

Inmebat si Gedeon, “No tuan inaro mo ak, ipanengneng mod siak so pakapatnagan a sikan tuay Katawan.

Genesis 15:8

Balet tinepet nen Abram, “Katawan a DIOS, panoy pakaamtak a nakayaryan ko yan dalin?”

Isaias 7:11

“Kerew mod Katawan a Dios mo ya itdan to kay sakey a tanda. Nayarin manlapud pasen a panaayaman da ray inaatey itan a tanda odino manlapud tagey ed tawen.”

Probirbio 19:14

Say sakey a laki nayarin natawir tod atateng to so abung tan kuarta, balet say Katawan labat so makaiter ed sikato na makalakal ya asawa.

2 Samuel 5:24

No narengel mod tagey na kakiewan so tanul na panaakar da ray sondalo, dogpa ka, ta wala ak ed onaan mo a mibakal ed saray sondalo na Filistia.”

Saray Huis 18:5

Inkuandad sikato, “Tepet mo pad Dios no maaligwas kami ed sayan kurang mi.”

Saray Taga Roma 1:10

Ipipikasik ed Dios ya iyabuloy to komun natan a makakar ak lad tan.

2 Samuel 20:9

Inkuanen Joab ed kinen Amasa, “Antoy bilay, kaaro?” insan to binembenan ed kawanan a lima to so balbas nen Amasa, ta anguban to.

1 Samuel 20:7

No ikuanto, ‘Andi bali,’ andi ak ed kaatapan; balet no mampasnuk, naamtaan mo a talagan walay maoges a getma tod siak.

Genesis 24:44

No piinomen to ak tan painomen to ni ray kamilyok, sikato komuy pinilim ya asawaey anak na amok.’

Genesis 24:13

Wadya ak ed abay na bobun, a diay asulan na saray mamarikit ed siudad.

Genesis 24:15

Kasakbayan ton asumpal so pikakasi to, sinmabiy Rebeca a sankasakbat toy boyug. Anak ya nen Betuel a lakin anak nen Milca ya asawa nen Nacor a lakin agi nen Abraham.

Genesis 24:18

“Nayari,” inkuanto may marikit, insan to inepas so boyug a sankasakbat to tan binembenan to leleg ya oniinom imay aripen.

Genesis 24:19

Kasumpal ton inminom, inkuanto may marikit, “Iyalaan ko met na danum iray kamilyom, tan painomen ko ra ya anggad kapenek da.”

Genesis 24:43

Wadya ak natan ed abay na bobun. No walay biin onla dian onasul, kerewen kon piinomen to ak ed boyug to.