Genesis 24:1 - Maung A Balita Biblia

¹ Masikesiken lay Abraham, tan binindisionay Katawan ed amin a ginagawa to.

Maung a Balita Biblia

¹ Masikesiken lay Abraham, tan binindisionay Katawan ed amin a ginagawa to.

Genesis 24:1 Referans Kwoze

TAGA GALACIA 3:9

Anisiad Dios si Abraham, kanyan sikatoy abindisionan. Ontan met a nabindisionan ya amin iray manisiad Dios.

Mateo 6:33

Sikayo, balet, anap yon onona so Panarian na Dios tan say pambilay yon onung ed linawa to, et iter tod sikayoy amin a nakaukolan yo.

Probirbio 10:22

Say bindision na Katawan so mamapayaman ed sika. Say pinasyan kimey ag to ka napayaman.

Genesis 13:2

Mayamyaman lay Abram, ta amayamay la ray karniro, kanding, baka, pilak tan balituk to.

Genesis 18:11

Mataktakken la ra di Abraham tan Sara, tan ag la naliliberay Sara.

TAGA-EFESO 1:3

Nagalang komuy Dios tan Ama na Katawan tayon Jesu-Cristo, ta initdan to itayo na amin a maispiritun bindision ed katawenan, lapud pikakasakey tid Cristo.

Genesis 12:2

Itdan ta kay amayamay a kabyangay boleg mo, tan magmaliw iran sakey a bansan matalonggaring. Bindisionan ta ka tan pagmaliwen kon bantug so ngaran mo, pian sikay pakabindisionan na arum a totoo.

1 Timoteo 4:8

Walay kaabigan ya iiter na pangipasal na laman. Balet say pangipasal ed masanton panagbilay et lalon maabig so iter to, ta isipan toy bilay a para natan tan diad arapen.

Isaias 51:2

Nunot yoy laki yon Abraham, tan si Sara a sikaray sengeg na boleg yo. Anggapoy anak nen Abraham nen tinawag ko, balet binindisionan ko tan initdan ko na saray anak; pinarakel ko ray kabyangay boleg to.

Lucas 1:7

Anggapoy anak da, ta lepes si Elizabet; insan sakey ni, mataktakken la ran dua.

1 Saray Arari 1:1

Masikesiken lay Ari David. Ag la napepetangan so laman to anggan nanlalatup so iyooles dad sikato.

Genesis 49:25

Say Dios na amam so ontutulong ed sika, Say Makapanyarin-amin a Dios a mamibindision ed sika, Na saray bindision ya oran a manlalapud tawen Tan aralem iran sobul a manlalapud dalem na dalin, Saray bindision ya amayamay a baka tan amayamay ya anak,

Genesis 25:20

Mantaoy apataplo si Isaac nen asawaen toy Rebeca ya agi nen Laban tan anak nen Betuel, sakey ya Arameo a taga Mesopotamia.

Genesis 24:35

“Binindisionan a maung na Katawan so amok tan ginawa ton mayaman. Initdan toy amayamay a karniro, kanding, baka, pilak, balituk, lalaki tan bibiin aripen, kamilyo, tan asno.

Genesis 21:5

Sanlasus taon la nen Abraham nen nianak si Isaac.

Genesis 26:12

Tinaneman nen Isaac iman a dalin, tan diad saman a taon akaani na maminlasus a kinarakel ed samay intanem to, lapud binindisionan na Katawan.