Genesis 23:4 - Maung A Balita Biblia

⁴ “Sangkaili ak dian miaayam ed sikayo; lakoan yo ak pa na dalin a pangipomponan kod asawak.”

Maung a Balita Biblia

⁴ Sangkaili ak dian miaayam ed sikayo; lakoan yo ak pa na dalin a pangipomponan kod asawak.

Genesis 23:4 Referans Kwoze

Saray Hebreo 11:9

Lapud pananisia, nanayam a singa sangkaili ed bansa ya insipay Dios ed sikato. Nanayam diman ed saray tulda, tan kaiba to ra di Isaac tan Jacob ya angawat met ed Dios na namparan sipan.

1 Saray Awaran 29:15

Amtam, O Katawan, a diad pambibilay mi sikamiy akar-akar a sangkaili tan totoon nibantak ed arum a bansa, a singa impanbilay na saray lalaki mi. Singa labat ondadalan ya anino iray agew mid tapew na dalin, tan ag mi napaliisan so patey.

Genesis 17:8

Sangkaili kayo natan ed sayan dalin a panaayaman yo; iter ko yan dalin ed sika tan saray kabyangay boleg mo. Say intiron dalin na Canaan kayaryanen ya anggad angga na saray kabyangay boleg mo, tan siak so Dios da.”

Saray Salmo 119:19

Magangganoy panayam ko diad tapew na dalin; ag mo pa iyaamut ed siak iray ganggan mo.

Saray Gawgawa 7:5

Ag initday Dios na anggan sankarangan a dalin dia, balet insipan ton magmaliw lamlamang a kayaryan to tan saray kabyangay boleg to. Nen insipan ya na Dios, anggapo niy anak nen Abraham.

Saray Salmo 39:12

Dengel mo pay pikakasik, Katawan, tan talineng moy tagleey ko; tulongan mo ak pa no mannangnangis ak. Magano labat a sangkailim ak a singa saray lalakik.

Levitico 25:23

Say dalin ag nepeg ya ilakon anggad angga lapud ag yo kayaryan; say Dios so akankayaryan, tan singa kayo sangkailin naabuloyan a mangikana ed dalin.

Genesis 49:30

diad Macpela a bokig na Mamre, diad dalin na Canaan. Sinaliw nen laki yon Abraham iman ya ongib tan alog ed kinen Efron a Heteo, pian pamponponan.

1 Pedro 2:11

Inararok, lapud sangkaili kayon mimiayam labat ed sayan mundo, kekerewen kod sikayo ya ibeneg yo la ray maoges a pilalek na laman a milalaban ed kamarerwa.

Ecclesiastes 12:7

Ompawil ed dabuk na dalin so laman to tan say ispiritu to ompawil ed Dios ya angiter ed sikato.

Ecclesiastes 12:5

Ontakot ka ed atagey iran pasen, tan ag mo la nayarian so manakar a mambukbukor. Ompoti so buek na olom, tan kerengkereng ka met lan manakar. Naandi lad sikay amin a pilalek. Onla itayo ed andi-anggaan a panayaman tayo tan diad saray dalan narengel iray kanta na kaermenan.

Ecclesiastes 6:3

Ibilang kon magmaung niy kipapasen na sakey ya ogaw ya inatey a nianak nen say toon sanlasus iray anak to tan mambilay na andokey, balet aliwan maliket ed bilay to tan ag napagalangan no ipompon.

Say Libro nen Job 30:23

Amtak ya iyaakar mo ak la ed patey, say pansumpalan na amin a mabilay.

Genesis 50:13

inyakar dad Canaan so bangkay to, imponpon dad ongib ed Macpela a bokig na Mamre, diad samay alog a sinaliw nen Abraham ed kinen Efron a Heteo, ta ginawa ton pasen a pomponan.

Genesis 47:9

Inmebat si Jacob, “Sanlasus tan talomplon taon lay impanbilay kon alis-alis so panayaman. Antikey tan mairap so bilay ko, ya aliwan singa saray atateng ko ya andokey so impanbilay da ya alis-alis met so nanayaman da.”

Genesis 3:19

Nakaukolan moy manlinget tan mansagput na baleg, pian makaiter so dalin na antokaman a napambilay ya anggad ipatey tan ipawil mod dalin a nanlapwan mo. Nanlapu kad dalin, tan magmaliw ka lamet a dalin.”

Saray Gawgawa 7:16

Saray bangkay da inyakar da rad Sikem tan insorub da rad lobuk a sinaliw nen Abraham ed saray anak nen Hamor.

Genesis 23:5

Inmebat ira,

Exodo 2:22

Nananak si Zipora na ogaw a laki. Nipaakar ed sayan ogaw si Moises inkuanto, “Sangkaili ak ed sayan dalin, kanyan Gersom so ngaran na sayan anak ko.”