Genesis 22:7 - Maung A Balita Biblia

⁷ inkuanen Isaac, “Ama!” “Anto man, anak?” ebat to. Tinepet nen Isaac, “Nanenengneng kon walay ngalab tan kiew, balet kawalaay kordiron ibagat?”

Maung a Balita Biblia

⁷ inkuanen Isaac, Ama! Anto man, anak? ebat to. Tinepet nen Isaac, Nanenengneng kon walay ngalab tan kiew, balet kawalaay kordiron ibagat?

Genesis 22:7 Referans Kwoze

Saray Taga Roma 8:15

Ta say Ispiritu ya inter na Dios ed sikayo et ag to kayo gawaen ya aripen tan pagmaliwen a matakot, no ag ingen pagmaliwen to kayon anak na Dios tan tulongan to itayon ontawag ed Dios na “Ama! Ama mi!”

Juan 18:11

Inkuanen Jesus ed Pedro, “Ikaluban mo tay ispadam. Ag ko ta nepeg ya inomen so kupay kairapan ya inter na Ama ed siak?”

Mateo 26:42

Pinmidwan inmarawi si Jesus tan nampikasi, “Amak, no ag nipaliis yan kupay kairapan likud ya inomen ko, say linawam so nasumpal.”

Mateo 26:39

Kaarawi toy daiset, dinmakmomo a sinmabid dalin so lupa to tan nampikasi, “Amak, no nayari komun, ipaliis mo siak yan kupay kairapan! Balet aliwan say linawak, no ag ingen say linawam, so nasumpal.”

Exodo 12:3

Iter mo ra yan bilin ed amin ya Israelita: Diad kumaplon agew na sayan bulan say balang ateng a laki et nepeg a mamili na sakey a kordiro odino sakey a kilaw na kanding a para pamilya to.

Genesis 8:20

Nanggaway Noe na altar a para Katawan; angalay sakey ed balang klasi na saray manok tan saray ayayep a malinis onung ed ganggan tan insaklang to ran bagat a popoolan ed altar.

Juan 1:29

Diad kaimbwasan, anengneng nen Juan si Jesus ya ondaragod sikato. Inkuanto, “Nia so Kordiro na Dios a mangekal na kasalanay sankamundoan.

Juan 1:36

Nen anengneng ton manaakar si Jesus inkuanto, “Niay Kordiro na Dios!”

Puyan 13:8

Mangigalang ed sikatoy amin a mambibilay ed tapew na dalin, a salanti saray totoon ag nisulat so ngaran da, kasakbayay inkapalsa na mundo, ed libro na bilay a kayaryay Kordiro a pinatey.

Genesis 22:8

Inmebat si Abraham, “Say Dios a dili so mangiter na kordiro ya ibagat.” Intuloy day panaakar da.

Exodo 29:38

“Inagew-agew ed anggan kapigan a panaon, mangibagat kayo na duaran kordiro ya ataonan la.