Genesis 21:9 - Maung A Balita Biblia

⁹ Aminsan ya agew si Ismael a lakin anak nen Agar ya Egipsia ed kinen Abraham et migagalaw ed kinen Isaac ya anak nen Sara.

Maung a Balita Biblia

⁹ Aminsan ya agew si Ismael a lakin anak nen Agar ya Egipsia ed kinen Abraham et migagalaw ed kinen Isaac ya anak nen Sara.

Genesis 21:9 Referans Kwoze

Genesis 16:15

Nananak si Agar na sakey a laki, tan inngaran to na Ismael.

TAGA GALACIA 4:29

No panoy impamapairap nen saman na inanak onung ed panaganak na karaklan ed inanak onung ed Ispiritu na Dios, ontan met natan.

TAGA GALACIA 4:22

Ibabaga to a duaran lalaki ray ilalak nen Abraham, say sakey diad biin aripen tan say sakey diad biin aliwan aripen.

Genesis 16:1

Anggapoy anak nen Sarai ya asawa nen Abram. Walay aripen ton bii ya Egipsia a manngaray Agar,

Saray Tagleey 1:7

Natan ta aderal-deral lay Jerusalem, nudnunoten toy kagalangan to nen saman. Anggapoy ontulong ed sikato nen sikatoy naplag ed lima da ray kalaban; Elek-elekan na saray anakep ed sikato lapud inkatalo to.

Probirbio 20:11

Anggan say ogaw ipapanengneng toy inkasikato diad panamegley na saray gawgawa to; nibagam no sikato kasi et matwa tan maung.

Saray Salmo 42:10

Makapkapoy ak lad panagpabaing da, ta tepet la ran tepet ed siak, “Iner so kawalaay Dios mo?”

Saray Salmo 22:6

Balet aliwa ak lan sakey a too; sakey ak lan alumbayar, a balbalawen tan pabpabaingan na saray totoo!

2 Saray Awaran 36:16

Balet niludlurey da ray totoon imbabaki na Dios, ag da dinengel iray salita to, tan inelek-elekan da ray propita to. Diad kaonuran, ontan lay pasnuk na Katawan ed sikara kanyan ag la ra makapaliis.

2 Saray Awaran 30:10

Saramay ibabaki linma ra ed balang siudad na dalin na tribu di Efraim tan Manases, tan asabi ra so dalin na tribu nen Zabulon diad baybay, balet inelek-elekan ira na saray totoo tan niluludlurey da ra.

Saray Hebreo 11:36

Wala rad sikaray sinisiplatan tan niluludlurey, tan wala ra met ed sikaray binabalur tan impripriso.

Genesis 17:20

Dinengel koy kerew mo nipaakar ed kinen Ismael, kanyan bindisionan ko tan itdan koy amayamay ya anak tan amayamay a kabyangay boleg. Magmaliw ya ama na labinduan prinsipi, tan pagmaliwen kon sakey a bansa iray kabyangay boleg to.

Say Libro nen Job 30:1

Balet saray malangwer nen say siak a lalaki luludlureyen da ak natan! Andi kakanaan iray kaamaan da, kanyan ag ko ra labay ya anggan pangibaen ed saray asok a mangguardiad saray karniro.

Genesis 21:8

Binmaleg imay ogaw tan diad agew ya impamaksod sikato, nantaryay baleg a ponsia si Abraham.

Probirbio 22:10

Paarawim so toon managpaatagey, et ontonda so sangsangan, kolkolan, tan pampapabaingan.