Genesis 21:6 - Maung A Balita Biblia

⁶ Inkuanen Sara, “Makapagayaga tan makapalek so ginaway Dios ed siak; siopamay makadngel ed saya mielek met ed siak.”

Maung a Balita Biblia

⁶ Inkuanen Sara, Makapagayaga tan makapalek so ginaway Dios ed siak; siopamay makadngel ed saya mielek met ed siak.

Genesis 21:6 Referans Kwoze

Isaias 54:1

Jerusalem, singa ka biin lepes, balet natan makapankanta tan makapaneyag ka lapud liket. Nawalaan ka natan na saray anak a dakel ni nen saray anak na biin ag balut tinaynan na asawa to.

Saray Salmo 126:2

Agaylay impaneelek-elek tan impankankanta mi lapud liket! Insan inkuan na saray arum a bansa, “Matalonggaring iray ginagawa na Katawan para sikara!”

Genesis 17:17

Dinmakmomo si Abraham ya anggad dalin so lupa to, balet akalek nen ninunot tod sikaton dili, “Makaanak ni kasiy sakey a lakin mantaon lay sanlasus? Mananak ni kasiy Sara, anta siamaplo lay taon to?”

Lucas 1:58

Abalitaan da ray kakaabay tan kakanayon to so baleg a panangasi na Katawan ed sikato, kanyan akiliket irad sikato.

Lucas 1:14

Agaylay panliket tan panggayagam, tan agaylay panliket na amayamay a totoo ed kianak to!

Isaias 49:21

Insan mo ibaga satan ed sikan dili, ‘Siopay angyanak ed sarayan anak a para siak? Abalang ko ray anak ko tan ag ak la makaanak. Nibantak tan apataynan ak ed arawin dalin— siopay amabaleg ed sarayan anak? Atilak ak a bukbukor— iner so nanlapwan na sarayan anak?’”

Saray Salmo 113:9

Papagalangan tod abung, na asawan anggapoy anak; paliliketen to diad pangiter to ray anak ed sikato. Idayew yoy Katawan!

Saray Taga Roma 12:15

Miliket kayod saray manliliket, tan minangis kid saray mannanangis.

Saray Hebreo 11:11

Lapu met ed pananisia, akapanlokun si Sara, anggaman ya akolakolaw la, ta anisian say Dios sumpalen toy insipan to.

1 Samuel 1:26

Inkuanen Ana ed kinen Eli, “Nabirbir yo ak ni? Siak imay biin anengneng yon manalalagey dian mampipikasi ed Katawan.

Isaias 49:15

Kanyan say Katawan oneebat, “Nalingwanan ta na ina so mansususon anak to tan ag to aroen so ogaw ya inyanak to? Anggan nalingwanan na ina so anak to, siak ag ta kayon balut nalingwanan.

Jeremias 20:15

Nisamba komun so lakin pinaliket toy amak, nen imbawag tod amak so balita, “Laki! Laki so anak mo!”