Genesis 21:30 - Maung A Balita Biblia

³⁰ Inmebat si Abraham, “Awat mo pa yan pitoran kordiro. Diad pangawat mo akoen mon siak so nankotkot ed sayan bobun.”

Maung a Balita Biblia

³⁰ Inmebat si Abraham, Awat mo pa yan pitoran kordiro. Diad pangawat mo akoen mon siak so nankotkot ed sayan bobun.

Genesis 21:30 Referans Kwoze

Genesis 31:52

Sayan bunton na bato tan sayan baton pakanudnunotan et sikaray manangipanunot. Ag kon balut onlad labas to yan bunton a dogpaan ta ka, tan ag kan balut oonlad labas to yan bunton o labas to yan baton pakanudnunotan a dogpaan mo ak.

Josue 24:27

Inkuantod saray amin a totoo, “Sayan bato et tasi tayo. Nadngel to ray amin a sinalita na Katawan ed sikatayo. Kanyan sayan bato et tasi a sumpad sikayo, pian ag kayo onsumlang ed Dios.”

Genesis 21:28

Angibiig si Abraham na pitoran kordiron kabatyan ed saray karniro to,

Genesis 21:29

kanyan tinepet nen Abimelec, “Akin et ginawam itan?”

Genesis 26:15

Kanyan tinabunan da ray amin a bobun a ginawa na saray aripen nen Abraham nen mabilay ni.

Genesis 26:18

Kinotkotan to lamet ira may bobun ya agawa nen panaon nen Abraham, tan tinabunan na saray Filisteo nen andi lad bilay si Abraham. Say impangingaran nen Isaac ed sarayan bobun et kapara na saramay impangingaran nen ama to.