Genesis 21:25 - Maung A Balita Biblia

²⁵ Nanriklamoy Abraham ed kinen Abimelec nipaakar ed bobun a sinamsam na saray aripen nen Abimelec.

Maung a Balita Biblia

²⁵ Nanriklamoy Abraham ed kinen Abimelec nipaakar ed bobun a sinamsam na saray aripen nen Abimelec.

Genesis 21:25 Referans Kwoze

Mateo 18:15

“No mankasalanan ed sika so agim, lakad sikato tan tawag moy imano to. Balet gawam yan anggapoy makaimatun. No dengelen to ka, apapawil moy agim.

Probirbio 27:5

Magmaung nin peteken mo so kaparam a too ed arap na totoo, nen say palpaolyan mo ya abaloan ton ag mo inaro.

Probirbio 25:9

No sika tan say kaabay mo et walay ag yo pantatalusan, arigloan yo lan dua tan ag mo ibabawag so antokaman ya iyaamut.

Probirbio 17:10

Say toon walay pakatalus, dakel niy naaral to ed sakey a pasnuk nen say naaral na toon makulang-kulang ed sanlasus a lewet.

Saray Huis 1:15

Inmebat si Acsa, “Rigaloan yo ak pa na dalin a walay sobul to. Samay inter yod siak a dalin ed bandad baybay et amaga tan araldalem so sobul.” Kanyan inter nen Caleb ed sikato so sobul ed bandad tulo tan leksab.

Genesis 29:8

Inmebat ira, “Ag mi tan nagawaan ya anggad wadya la ran amin so karniro tan nakal lay bato; insan mi la rad satan painomen.”

Genesis 13:7

Lapud saya mabetbet so siblangan da ray pumapastol nen Abram tan saray pumapastol nen Lot. (Diad saman a panaon, manaayam nid man iray Cananeo tan saray Perezeo.)

Genesis 21:24

Inkuanen Abraham, “On, sambaan ko.”

Genesis 21:26

Inkuanen Abimelec, “Ag ko amta no siopay nanggawad saya. Ag mo met imbagad siak, tan natan ko ya labat nadngelan.”