Genesis 20:6 - Maung A Balita Biblia

⁶ Inmebat so Dios diad panamegley na kogip, “On, amtak a malinis so konsinsiam ed impamaawit mo, kanyan ag ko inyabuloy a diwiten mo, pian ag ka mankasalanan ed siak.

Maung a Balita Biblia

⁶ Inmebat so Dios diad panamegley na kogip, On, amtak a malinis so konsinsiam ed impamaawit mo, kanyan ag ko inyabuloy a diwiten mo, pian ag ka mankasalanan ed siak.

Genesis 20:6 Referans Kwoze

1 Samuel 25:34

Sinambaan ko lad ngaray mabilay a Dios na Israel a pateyen ko ray amin a totoo nen Nabal. No ag ka labat nangganat ya inmabet ed siak, ompatey iran amin komun kasakbayay kabwasan. Say Katawan so anebel ed siak ya ag to kayo napasakitan!

1 Samuel 25:26

Say Katawan so manesebel a sikan dili so ombawi tan mamatey ed saray kalaban mo. Natan sambaan ko diad ngaran na mabilay a Katawan a nadusan singa si Nabal iray kalaban mo tan amin da ray malabay a mamasakit ed sika.

Probirbio 21:1

Mainomay ya iwanwan na Katawan so kanunotan na ari, a singa kinainomay na panangiwanwan tod agos na kolus.

Genesis 35:5

Nen onsisiput si Jacob tan saray anak ton lalaki, sinmabiy baleg a takot ed saray totood kaliber-liber iran baley, kanyan ag da ra inosilan.

Genesis 31:7

Anggaman ontan, sinaol da ak tan amimpulon inooman day upak. Balet ag inyabuloy na Dios a napasakitan da ak.

2 TESALONICA 2:7

Say Mistirioy Kaogsan et mankikimey la, balet ag ni nagawa so talagan nagawa, anggad ag ni naekal so makasbel.

Saray Salmo 84:11

Say Katawan a Dios so manangyagel tan mapagalang ya ari tayo, kakasian to tayo tan iitdan to itayoy kagalangan. Ag to isisiblet so antokaman a kaabigan ed saray manggagaway kaptekan.

Exodo 34:24

Kayarik a pagiten iray totood bansan looban yo tan no apaawang ko lay dalin yo, anggapo lad satay toon manakop na bansa yo legan na taloran pista ya abitla.

2 CORINTO 6:17

Kanyan ibabagay Katawan, “Nepeg yo ran taynan tan ibatikan. Ag kayo mibabalid marotak ya antokaman, et siak so mangawat ed sikayod satan.

Saray Salmo 81:12

Kanyan inabuloyan kon mansiansiay awet na kapusoan da, tan manggawa ray labay dan dili.

Saray Salmo 51:4

Sika labat, anggapo lay arum, so nankasalananan ko, tan ginagawak iray ipapasen mon maoges. Kanyan matonung so panisintinsiam ed siak.

Genesis 39:9

Nampara lay pakaoley mi ed sayan abung tan anggapoy ag to inter ed siak, likud ed sika. Ag ko nayarian a gawaen itan a kabandayan, ta mankasalanan ak ed Dios.”

2 TESALONICA 2:11

Lapud sayan ag da impangawat ed katwaan, iyaabuloy na Dios a mankimey so pakayariy tila ed sikara, pian sisiaen day tila.

1 CORINTO 7:1

Nipaakar ed saramay bengatlan insulat yo, onyay nayarian kon ibaga: maung ed sakey a laki no ag mangasawa.

Levitico 6:2

Nakaukolan so pangisaklang na sakey a bagat no say sakey a too et nankasalanan ed Katawan lapud ag to impangipawil na indipositod sikato na kapara ton Israelita, odino lapud impanakew tod sikato na bangatla odino lapud impansaol tod sikato,

Genesis 26:11

Pinasakbayan nen Abimelec iray amin a totoo, “Pateyen so siopaman a mandiwit ed sayan too o say asawa to.”

Genesis 3:3

likud ed bunga to may kiew a walad pegley to. Imbagay Dios ed sikami ya ag mi kanen odino diwiten so bunga to man a kiew; no kanen mi o diwiten mi, ompatey kami.”

Mateo 27:19

Aliwan satan labat. Nen wadman ya akayorung si Pilato ed panagsintinsiaan, impaibaga na asawa to, “Ag ka mibabalid satan a toon anggapoy kasalanan, ta diad kugip ko kalabyan nairapan ak a maung lapud sikato.”

Genesis 31:24

Diad kogip nen Laban ed saman a labi, linmay Dios ed sikato tan inkuanto, “Manalwar ka! Ag mo didiwiten a balut si Jacob.”

Probirbio 6:29

Onya so nagawa no miakdul so sakey a laki ed asawa na arum a laki. Nadusa so siopaman a manggawa ed saya.