Genesis 20:3 - Maung A Balita Biblia

³ Aminsan a labi pinmayawar ed kogip to so Dios a kuanto, “Ompatey ka, ta inalam so biin wala lay asawa to.”

Maung a Balita Biblia

³ Aminsan a labi pinmayawar ed kogip to so Dios a kuanto, Ompatey ka, ta inalam so biin wala lay asawa to.

Genesis 20:3 Referans Kwoze

Mateo 27:19

Aliwan satan labat. Nen wadman ya akayorung si Pilato ed panagsintinsiaan, impaibaga na asawa to, “Ag ka mibabalid satan a toon anggapoy kasalanan, ta diad kugip ko kalabyan nairapan ak a maung lapud sikato.”

Genesis 20:7

Ipawil mo la sirin imay bii ed dilin asawa to; say asawa ton propita ipikasi to kan ag ompatey. Balet no ag mo ipawil, pasakbayan ta kan ompatey ka, sika tan saray totoom.”

Saray Salmo 105:14

Balet ag inyabuloy na Dios a pairapen ira na anggan siopa, tan diad panangyagel tod sikara, pinapasakbayan to ray arari.

Say Libro nen Job 33:15

Mansasalitay Dios ed panamegley na saray kogip tan saray pasingayew, diad labi no nanaogip iray totoo.

Mateo 1:20

Balet nen nununoten to ya, pinmayawar so sakey ya anghil na Katawan ed kugip to a nankuan: “Jose, a kabyangay boleg nen David, ag ka natatakot ya ituloy mon ikasal si Maria, ta nanlapud pakayari na Ispiritu Santo so lokun to.

Genesis 28:12

Akogip to ya akanengneng na sakey a takayan a say balitang to et manlapud dalin ya anggad tawen, tan wala ray anghil ya onlalasur tan onsesegep ed samay takayan.

Jonas 3:4

Ginapwan nen Jonas so nanakar ed siudad tan kalabas na sanagew ya impanakar to, imbawag to, “Naderal so Ninive kalabas na apataplon agew manlapud natan!”

Genesis 40:8

Inmebat ira, “Walay kogip na balang sakey ed sikami, et anggapo diay makapangipatalus.” “Say Dios so manangipatalus,” inkuanen Jose. “Ibaga yod siak ira tay kogip yo.”

Genesis 37:9

Insan nankogip lamet si Jose tan inkuantod saray agagi to, “Nankogip ak lamet. Anengneng koy agew, bulan, tan labinsakey a bitewen a tinmuek irad siak.”

Genesis 37:5

Aminsan a labi nankogip si Jose, et tinongtong to ya ed saray agagi to.

Genesis 31:24

Diad kogip nen Laban ed saman a labi, linmay Dios ed sikato tan inkuanto, “Manalwar ka! Ag mo didiwiten a balut si Jacob.”

Genesis 12:17

Balet lapud inalay ari si Sarai, say Katawan impansakit to na ambelat so ari tan saray totood palasio.

Genesis 12:18

Impaawit na ari si Abram tan tinepet to, “Antoy ginawam ed siak? Akin et ag mo imbagad siak ya asawam manaya si Sarai?

Saray Bilang 22:9

Linmad kinen Balaam so Dios tan tinepet to, “Siopa ra yay totoon kaibam natan?”

1 Saray Awaran 16:21

Balet ag inyabuloy na Dios a pairapen ira na anggan siopa, tan diad pangyagel tod sikara, pinapasakbayan to ray arari.

Genesis 40:5

Aminsan a labi, diman ed prisowan, nankogip imay inkargadoy alak tan samay pangulon panadiro; nandomaan iray kogip.

Genesis 46:2

Akisalitay Dios ed sikato diad panamegley na sakey a pasingayew ed labi tan inkuanto, “Jacob, Jacob!” “Wadya ak! Anto man?” ebat to.

Say Libro nen Job 33:17

Mansasalitay Dios pian napatonda ton mankasalanan iray totoo, tan ag la ra mampaatagey.