Genesis 2:8 - Maung A Balita Biblia

⁸ Insan say Katawan a Dios nanggawa na sakey a tanamanan diad bandad bokig a sakop na Eden, tan diman to impanayam imay toon minoli to.

Maung a Balita Biblia

⁸ Insan say Katawan a Dios nanggawa na sakey a tanamanan diad bandad bokig a sakop na Eden, tan diman to impanayam imay toon minoli to.

Genesis 2:8 Referans Kwoze

Ezekiel 28:13

Nanayam kad Eden a tanamanan na Dios, tan nanalahas ka na nandoroman klasin mabmablin bato: rubi, diamanti, topasio, birilo, karnilia, jaspi, sapiro, ismiralda, tan garnita. Wala ra met so ates mon balituk. Agawa ran para sika nen agew ya apalsa ka.

Genesis 3:24

Diad bandad bokig na tanamanan na Eden angipasen na saray kirubin tan sakey a mandarlang ya ispada a manwasiwas ed amin a dapag, pian anggapoy makaasingger ed samay kiew na bilay.

Genesis 13:10

Ninengneng sirin nen Lot so kaliber-liber tan abantag ton say patar na Jordan ya anggad Zoar et dakel so danum to, a singa Tanamanan na Katawan o singa dalin na Egipto. (Diad saman a panaon, ag ni dineral na Katawan so siudad na Sodoma tan say siudad na Gomorra.)

Joel 2:3

Singa panagtemek na apoy so pangan dad saray tanaman. Singa Tanamanan na Eden so dalin a walad arap da, balet sakey a begtebegtew a kabueran so dalin ed beneg da. Anggapon balut so nalabsanan dan tanaman.

Isaias 51:3

“Kasian ko so Jerusalem saray amin a manaayam ed saray deral-deral to. Anggaman a kalawakan so dalin to, gawaen ko a sakey a tanamanan, singa samay tanamanan a ginawak ed Eden. Niwalad man so liket tan gayaga, tan saray kantan pangidayew tan pisalamat ed siak.

2 Saray Arari 19:12

Dinederal na saray lalakik iray siudad na Gozan, Haran, Rezef, tan pinapatey da ray totoon taga Eden a manaayam ed Telasar, et anggapod saray diriyos da so akapangyagel ed sikara.

Genesis 4:16

Tinmaynan si Cain ed arap na Katawan tan nanayam ed dalin a tatawagey “Akar-akar,” diad bokig na Eden.

Ezekiel 31:16

No iyakar kod pasen a panaayaman da ray inaatey, nayegyeg iray bansa lapud biskeg na tanul na kapelag to. Manliket ed kapelag to iray amin a kiew ed Eden tan amin da ray pinili, a maung so inkasalug dan kakiewan ed Libano, a wala la rad pasen a panaayaman da ray inaatey.

Ezekiel 31:18

“Samay kiew et say Egipto tan amin da ray totoo to. Anggan saray kiew ed Eden ag ira ontalona ed kaatagey tan karakpan to. Balet natan, singa saray kiew ed Eden, onla may kiew ed pasen a panaayaman da ray inaatey tan mikasakey ed saray maoges tan saray inaatey ed bakal. Siak so nansalita,” kuay Katawan a Dios.

Ezekiel 27:23

Akinigosio ed sika iray siudad na Haran, Cannel, Eden, Seba, Assur tan Kilmad.

Genesis 3:23

Kanyan say Katawan a Dios pinataynan tod tanamanan na Eden imay too, pian nadalusan toy dalin a nanlapwan na laman to.