Genesis 19:38 - Maung A Balita Biblia

³⁸ Nananak met na laki may yogtan, tan inngaran to na Benami; sikatoy sengeg ya anggad natan na saray Ammonita.

Maung a Balita Biblia

³⁸ Nananak met na laki may yogtan, tan inngaran to na Benami; sikatoy sengeg ya anggad natan na saray Ammonita.

Genesis 19:38 Referans Kwoze

Deuteronomio 2:19

Asingger kayo lad satan ed dalin da ray Ammonita, saray kabyangay boleg nen Lot. Ag yo ra gugunigonen; ag yo igagapoy mibakal ed sikara, lapud ag ta kayon balut itdan na parti na dalin ya inter ko lad sikara.’” (

Sofonias 2:9

Legan a siak so mabilay a Katawan a Dios na Israel, sambaan ko a say Moab tan say Ammon et naderal iran singa say Sodoma tan say Gomorra. Magmaliw iran sakey a pasen ya abut na asin tan andi-anggaan a deral-deral tan atubo-tubuan na saray dika. Saray totook ya akapaliis ed patey et alaen day antokaman a kayamanan da tan kayaryanen day dalin da.”

Isaias 11:14

Mankakasakey ira ya ondogpa ed saray Filisteo diad sagur tan samsaman da ray totoon manaayam ed bokig. Dakepen da ray totood Edom tan Moab, tan onuren ira na saray totood Ammon.

Saray Huis 10:6

Nankasalanan lamet ed Katawan iray Israelita diad impangigagalang dad saray Baal tan diad saray Astarot, ontan met ed saray diriyos na Siria, Sidon, Moab, tan Filistia. Inkaindan day Katawan tan tinondaan day angigalang ed sikato.

Deuteronomio 23:3

“Ag nayarin mikasakey ed saray totoo na Katawan so siopaman ya Ammonita odino Moabita odino siopaman a kabyangan na boleg da ya anggad kumaplon kailalakan.

Deuteronomio 2:9

Say Katawan kuantod siak, ‘Ag yo gugunigonen iray totood Moab, saray kabyangay boleg nen Lot; ag yo igagapoy mibakal ed sikara. Inter ko lad sikara so siudad na Ar, tan ag ta kayo itdan na anggan anton parti na dalin da.’” (

Genesis 20:1

Manlapud Mamre inmalis si Abraham ed bandad abalaten a parti na Canaan, tan nanayam ed nanleetay Cades tan Sur. Ag abayag, nen manaayam ed Gerar,

1 Samuel 14:47

Nen ari lad Israel si Saul, nilabanan to ray kalaban tod inerman a pasen: saray totood Moab, Ammon, tan Edom, saray ararid Zoba, tan saray Filisteo. Analo ed inerman ya akibakalan to.

Saray Salmo 83:9

Gawam pad sikaray ginawam ed saray Madianita, tan diad kindi Sisera tan Jabin, diad Ilog na Kison.

Sofonias 2:8

Say Katawan a Makapanyarin-amin kuanto, “Nadngel kon saray totood Moab tan Ammon et babalawen tan leleglemewen da ray totook, tan matangtangsit iran mangibabaga a nalooban day dalin da.