Genesis 19:29 - Maung A Balita Biblia

²⁹ Balet nen dineral na Dios iray siudad na saman a patar a panaayaman nen Lot, ag to nilingwanay Abraham, kanyan inabuloyan ton nibatikan nen Lot so deral.

Maung a Balita Biblia

²⁹ Balet nen dineral na Dios iray siudad na saman a patar a panaayaman nen Lot, ag to nilingwanay Abraham, kanyan inabuloyan ton nibatikan nen Lot so deral.

Genesis 19:29 Referans Kwoze

Deuteronomio 9:5

Say Katawan et pakakayaryan tod sikayo so dalin da, aliwan lapud maung kayon totoo tan gagawaen yo so katunongan. Pataynanen to ra lapud maoges ira tan lapud labay ton tooren imay insipan tod saray lalaki yo ya Abraham, Isaac, tan Jacob.

Genesis 8:1

Ag alingwanan na Dios si Noe tan amin ya ayep a kaiba tod dalem na biong; pinasiplug na Dios so dagem, et ginmapon inmabebay danum.

Saray Salmo 25:7

Pirdonam pa ray kasalanan tan saray lingok nen wala ak nid kalangweran. Lapud ag mangoman a panangarom tan kaabigan mo, Katawan, nunot mo ak pa!

2 Pedro 2:7

Balet inyagel na Dios si Lot, sakey a toon matonung ya agunigon a maung lapud makapabaing iran gawgawa da ray totoon maoges.

Oseas 11:8

“Panon toy isawak ed sika, Israel? Panoy pangikaindan kod sika? Nayarian ta ka kasin deralen a singa ginawak ed Adma, tan Zeboim? Ag iyabuloy na pusok a gawaen ko ya! Lalon onlalaknab so panangarok ed sika.

Saray Salmo 145:20

Iyaagel to ray amin a maarod sikato, balet deralen to ray amin a totoon maoges.

Saray Salmo 136:23

Ag to itayo nilingwanan nen atalo itayo; andi-anggaan so panangaro to;

Saray Salmo 106:4

Nunot mo ak pa, Katawan, no tulongan mo ray totoom; ag mo ak met lilingwanan no ilaban mo ra.

Saray Salmo 105:42

Anunotan toy masanton sipan to ed kinen Abraham ya aripen to.

Nehemias 13:22

Ingganggan ko ray Levita a linisan day sikaran dili onung ed ganggan, insan ira onlan mangguardiad saray puirta pian naasikaso ran masanto lawas so Agew na Panagpainawa. Nudnunot mo ak pa, O Dios, lapu met ed saya, tan ag mo ak papaolyan lapud kabaleg na ag mangoman a panangarom.

Nehemias 13:14

O Dios ko, nudnunot mo pa ra yan amin a ginagawak a para Timplom tan say panangigalang a nagawad dalem to.

Genesis 30:22

Anunotan na Dios si Raquel; inebatan toy pikakasi to, kanyan inyabuloy ton makaanak.

Genesis 12:2

Itdan ta kay amayamay a kabyangay boleg mo, tan magmaliw iran sakey a bansan matalonggaring. Bindisionan ta ka tan pagmaliwen kon bantug so ngaran mo, pian sikay pakabindisionan na arum a totoo.

Saray Salmo 105:8

Sumpalen toy impisipanan to ya anggad angga, saray sipan to ya anggad nilibon kailalakan.

Genesis 11:27

Sikara yay kabyangay boleg nen Tare: si Tare so ama di Abram, Nacor, tan Haran. Si Haran so ama nen Lot,

Deuteronomio 7:8

Pinili to kayo lapud inaro to kayo tan labay ton tooren imay sipan tod saray lalaki yo. Kanyan inlaban to kayo diad panamegley na baleg a pakapanyari to tan imbolus to kayod impakaaripen yod ari na Egipto.

Deuteronomio 9:27

Nudnunot mo pa ray aripen mon di Abraham, Isaac, tan Jacob, tan palabas mo lay inkaawet na olo da ra yan totoo, say inkaoges da, tan say kasalanan da.

Ezekiel 14:16

et anggan bilang manaayam diman ira may taloran lalaki—legan a siak so mabilay a Katawan a Dios—anggapoy duaruwa ya ag da niagel iray dilin anak da. Say bilay dan talo labat so nilaban da, tan magmaliw a kalawakan so bansa.

Say Libro nen Job 35:8

Saray kaparam a totoo so manirap lapud saray kasalanan mo, tan sikaray natulongan lapud kaabigan mo.