Genesis 19:2 - Maung A Balita Biblia

² tan inkuanto, “Wadya ak a manlingkur ed sikayo. Tuloy kayod abung ko. Diman ki la manoras na sali yo tan onogip. Diad kabwasan, nayarian yoy ombangon a masakbay, insan ki la onsiput.” Balet inmebat ira, “Andi, dia lad plasay ogipan mi.”

Maung a Balita Biblia

² tan inkuanto, Wadya ak a manlingkur ed sikayo. Tuloy kayod abung ko. Diman ki la manoras na sali yo tan onogip. Diad kabwasan, nayarian yoy ombangon a masakbay, insan ki la onsiput. Balet inmebat ira, Andi, dia lad plasay ogipan mi.

Genesis 19:2 Referans Kwoze

Genesis 18:4

Abuloyan yo ak a mangalay danum a panoras yoy sali yo; nayarian yoy mampainawad silong to yan kiew.

Saray Hebreo 13:2

Ag yo lilingwanay mamatuloy na saray sangkaili ed abung yo. Wala ray nanggawa ya, et ag da amtan saray anghil so pinatuloy da.

Saray Gawgawa 16:15

Nampabinyag si Lydia tan say intiron pamilya to. Insan to kami inimbitaan ya inkuanto, “Diman ki la mipundod abung ko, no ipapasen yo ak a matoor ed Katawan.” Mapilit so impangimbita to, kanyan linma kami.

Lucas 7:44

Insan to nilingaw imay bii tan inkuantod kinen Simon, “Nanenengneng mo yan bii, anto? Linmoob ak ed abung mo, et ag mo ak labat initdan na danum a panoras ko ray salik. Balet sayan bii inorasan to ray salik na lua to, tan pinonasan to ra na buek to.

Juan 13:5

Angibales na danum ed palanggana, ginapoan ton orasan iray sali da ray disipulo, insan to ra pinonasan na tualyan akabariber ed awak to.

Genesis 19:1

Nen sinmabid saman a labi ed Sodoma ira may duaran anghil, manyodyorung si Lot ed puirtay siudad. Kanengneng tod sikara, inmalagey tan inabet to ra. Dinmakmomo ya anggad dalin so lupa to

Genesis 19:3

Pinilit to ran ondawes ed abung to, kanyan akila rad sikato. Ingganggan nen Lot iray aripen to a manggawa ray tinapay tan mangiparaan ira na maung a pandeman na saray bisita; nen nisaklang lay lamisaan, angan ira.

Genesis 24:31

Inkuanto, “Mila kad siak ed abung mi. Sakey kan too a binindisionay Katawan. Akin et manalalagey ka dia? Walay kuartod abung mi ya akaparaan ed sika, tan walay pasen met na saray kamilyom.”

Genesis 43:24

Samay aripen inyakar tod abung ira may sanaagi. Initdan to ray danum a panoras day sali ra, tan pinakan to ray asno ra.

Kanta nen Solomon 5:3

Nanlakseb ak la; akin et mankawes ak ni lamet? Nilinisan ko la ray salik; akin et dotakan ko ra lamet?

2 Samuel 11:8

Insan to inkuan ed kinen Urias, “Sempet ka, ta mampainawa kan magano.” Tinmaynan si Urias, tan walay rigalon impaiyakar nen David ed abung to.

Say Libro nen Job 31:32

Ag ko inabuloyan ya onogip ed saray dalan iray managbiahi, no ag ingen pinarawes ko rad abung ko.

Probirbio 25:17

Ag ka mabetbet ya ondadalaw ed kaabay mo, ta ompan onsawad sika, et bosulen to ka.