Genesis 16:5 - Maung A Balita Biblia

⁵ Inkuanen Sarai ed kinen Abram, “Kasalanan mo so panlelemlemew nen Agar ed siak. Siak a dili so angiter ed sika na saman ya aripen ko, tan nanlapud naamtaan ton malokun la lelemlemewen to ak. Say Katawan lay manintinsia no siopay nalilingod sikatan dua.”

Maung a Balita Biblia

⁵ Inkuanen Sarai ed kinen Abram, Kasalanan mo so panlelemlemew nen Agar ed siak. Siak a dili so angiter ed sika na saman ya aripen ko, tan nanlapud naamtaan ton malokun la lelemlemewen to ak. Say Katawan lay manintinsia no siopay nalilingod sikatan dua.

Genesis 16:5 Referans Kwoze

Genesis 31:53

Say Dios nen Abraham tan say Dios nen Nacor so manintinsiad sikatan dua.” Insan diad ngaran na Dios ya inggalang nen ama ton Isaac, sinambaan nen Jacob a tooren to yan sipan.

Exodo 5:21

Inkuandad kindi Moises tan Aaron, “Sankanengneng na Katawan yan ginawa yo. Andi-saew a dusaen to kayo, lapud sikayoy makasengeg na pamobosul ed sikami na ari tan saray opisyal to. Initdan yo ray baraan dan mamatey ed sikami.”

Saray Salmo 35:23

Liing ka pa, O Katawan, ta iyagel mo ak; bangun ka pa, Dios ko, ta italindeg moy katonungan ko.

Saray Salmo 7:8

Sikay huis na amin a katoowan. Sintinsiaan mo ak pa, O Katawan, onung ed inkatonung tan inkamaung kon too.

2 Saray Awaran 24:22

Alingwanan na ari so matoor ya impanlingkur ed sikato nen Joiada ya ama nen Zacarias, kanyan impapatey toy Zacarias. Nen ompapatey si Zacarias, inmeyag, “Nanengneng komun na Katawan so gagawaen yo tan dusaen to kayo!”

Saray Salmo 43:1

O Dios, ibawag mo pan anggapoy kasalanan ko, tan ikatonungan mo ak pad saray totoon ag mamibirbir ed Dios; iliktar mo ak pad saray totoon matitila tan maoges!

Genesis 16:4

Inakdulan nen Abram si Agar, et nanlokun. Nen naamtaan nen Agar a malokun, nagmaliw a mapasirayew tan nilemlemew toy Sarai.

Saray Huis 11:27

On, ag ta kan balut nanggawaay antokaman a makapoy. Sika so manggagaway makapoy diad pibabakal mod siak. Say Katawan so huis a manintinsia natan ed saray Israelita tan saray Ammonita.”

Jeremias 51:35

Ibaga komun na saray taga Sion, “Ebatan komun na Babilonia so duksan ginagawa tod sikatayo!” Ibaga komun na saray taga Jerusalem, “Ebatan komun na Babilonia so kairapan a nilikna tayo!”

1 Samuel 24:16

Kayari nen David a nansalita, inkuanen Saul, “Sikan talaga anak kon David?” Ginapwan toy onakis,