Genesis 15:4 - Maung A Balita Biblia

⁴ Arengel to lamet ya inkuan na Katawan, “Ag tawiren nen Eliezer ya aripen mo iray kayaryan mo; say dilin anak mo so manawir.”

Maung a Balita Biblia

⁴ Arengel to lamet ya inkuan na Katawan, Ag tawiren nen Eliezer ya aripen mo iray kayaryan mo; say dilin anak mo so manawir.

Genesis 15:4 Referans Kwoze

Genesis 17:16

Bindisionan ko tan makaanak kad sikato na sakey a laki. Bindisionan ko, et magmaliw ya ina na saray bansa, tan wala ray magmaliw ya arari ed saray kabyangay boleg to.”

TAGA GALACIA 4:28

Agagi, singa si Isaac, anak itayoy Dios onung ed sipan.

2 Samuel 7:12

No ompatey ka tan nipompon kad kawalaan da ray lalakim, gawaen kon ari so sakey ed saray anak mo tan pabiskegen koy nanarian to.

2 Saray Awaran 32:21

Say Katawan angibaki na sakey ya anghil ya amatey ed saray masesebeg a sondalo tan saray opisyal na saray sondalo na Asiria. Naplag ed kababaingan a pinmawil ed Asiria so impirador. Aminsan ya agew nen sikatoy walad timplo na dios to, pinatey na pigaran anak ton lalaki diad panamegley na ispada.

Genesis 21:12

Balet inkuan na Dios ed sikato, “Ag mo panggugunigonan so ogaw tan say aripen mon si Agar. Gawam so antokaman ya ibabaga nen Sara, ta si Isaac so panlapwan na saray kabyangay boleg mon insipan kon iter ed sika.

Filemon 1:12

Papapawilen ko natan ed sika tan singak impitaruk ed sikato so pusok.

2 Samuel 16:11

Insan inkuanen David ed kinen Abisai tan saray amin ya opisyal to, “No say dilin anak ko et labay to ak a pateyen, ag kasi nagkalalo ed satan a Benjaminita? Imbaga na Katawan a manayew; kanyan paolyan yon gawaen to.

Genesis 15:1

Kasumpal to yan inkagawa, walay pasingayew ed kinen Abram tan arengel ton inkuan na Katawan ed sikato, “Ag ka natatakot, Abram. Salimbengan ta kad kaatapan tan itdan ta kay baleg a tumang.”