Genesis 15:17 - Maung A Balita Biblia

¹⁷ Nen sinmelek lay agew tan ambilonget la, biglan walay banga a manasasewek tan kiew a mandarlang a dinmalan ed nanleetan na saramay pinalduan laman na ayayep.

Maung a Balita Biblia

¹⁷ Nen sinmelek lay agew tan ambilonget la, biglan walay banga a manasasewek tan kiew a mandarlang a dinmalan ed nanleetan na saramay pinalduan laman na ayayep.

Genesis 15:17 Referans Kwoze

Saray Huis 6:21

Inyonat na samay anghil na Katawan so lima to, insan to indiwit so ngoroy bislak a sankabembenan to ed saramay karni tan tinapay. Pinmaway so apoy ed samay bato tan inoput ton pinoolan ira may karni tan tinapay. Insan naandipat imay anghil.

Jeremias 11:4

Sayan sipanan et ginawak ed saray lalaki ra nen impaway ko rad Egipto, say dalin a singa palbaan na balatyang ed sikara. Imbagak ed sikara ya onuren da ak tan sumpalen da ray ingganggan kod sikara. Imbagak ed sikara a no ontoluk ira magmaliw iran totook tan siak so Dios da.

1 Saray Awaran 21:26

Insan nanggaway altar a para Katawan tan angisaklang na saray bagat a popoolan tan saray bagat a para kareenan. Nampikasi, et inebatan na Katawan diad panamegley na impangibaki toy apoy a nanlapud tawen ya amool ed saramay imbagat ed tapew na altar.

Isaias 62:1

Mansalita ak a pamabiskeg kod linawa na Jerusalem; Ag ak mampainawa ya anggad sikatoy nilaban, Tan onsinag a singa baleg a silew ed labi so pananalo to.

2 Samuel 22:9

Pinmaway so asewek ed eleng to, pinmaway so manliub ya apoy tan mandarlang a ngalab ed sangi to.

Saray Huis 13:20

Legan a mamapaatagey manlapud samay altar so apoy, anengneng Manoa tan samay asawa to imay anghil na Katawan dimad apoy a nampaatagey ed tawen. Abirbir ed satan nen Manoa a samay laki et anghil na Katawan, kanyan tinmikleb iran duad dalin nen asawa to. Ag da lan balut anengneng imay anghil.

Deuteronomio 4:20

Balet sikayo ray totoon inyagel tod Egipto ya aliling toy manliub a palbaan. Impaway to kayod man pian pagmaliwen to kayon dilin totoo to a sikatoy kipapasen yo natan.

Genesis 15:10

Inawit nen Abram ira yan ayayep ed Dios, pinaldua to ra likud ed saramay manok, insan to ra impandarasig a nampepetekan so balang kapaldua.

Exodo 19:18

Akobutan na asewek so Palandey na Sinai, lapud inmakseb diman ed nengneng na apoy so Katawan. Inmatagey so asewek a singa asewek na palbaan, et yinmegyeg na makmaksil so palandey.

1 Saray Arari 18:38

Angipelag na apoy so Katawan, tan pinoolan to may bagat, saramay kiew, tan saramay bato, tan tinektek toy dalin tan pinamaga to may banawang a kawalaay danum.

Exodo 20:18

Nen nadngel na saray totoo so karul tan say tanul na trumpita tan anengneng day kirmat tan manasasewek a palandey, manggiwgiw irad takot da tan nanalagey irad arawdawin pasen.