Genesis 15:1 - Maung A Balita Biblia

¹ Kasumpal to yan inkagawa, walay pasingayew ed kinen Abram tan arengel ton inkuan na Katawan ed sikato, “Ag ka natatakot, Abram. Salimbengan ta kad kaatapan tan itdan ta kay baleg a tumang.”

Maung a Balita Biblia

¹ Kasumpal to yan inkagawa, walay pasingayew ed kinen Abram tan arengel ton inkuan na Katawan ed sikato, Ag ka natatakot, Abram. Salimbengan ta kad kaatapan tan itdan ta kay baleg a tumang.

Genesis 15:1 Referans Kwoze

Isaias 41:10

Ag kayo natatakot—wala ak ed sikayo! Siak so Dios yo—ag yo aabuloyan a taktakoten kayo na antokaman! Pabiskegen tan tulongan ta kayo; iyagel tan ilaban ta kayo.

Saray Salmo 119:114

Sikay manangyagel ko tan manangasikasok; maniilalo ak ed sipan mo.

Saray Salmo 84:11

Say Katawan a Dios so manangyagel tan mapagalang ya ari tayo, kakasian to tayo tan iitdan to itayoy kagalangan. Ag to isisiblet so antokaman a kaabigan ed saray manggagaway kaptekan.

Genesis 26:24

Diad saman a labi na intaynan to pinmayawar ed sikato so Katawan tan inkuanto, “Siak so Dios nen amam ya Abraham. Ag ka natatakot; kaiba ta ka. Bindisionan ta ka tan itdan ta kay amayamay a kabyangay boleg, lapud samay sipan kod kinen Abraham ya aripen ko.”

Isaias 41:14

Say Katawan kuanto, “Daiset may makapoy kayon Israelita, ag kayo natatakot, tulongan ta kayo. Siak, say masanton Dios na Israel, so mangyaagel ed sikayo.

Saray Tagleey 3:24

Say Katawan labat so walad siak, kanyan diad sikato so kawalaay ilalok.

Lucas 12:32

“Ag kayo natatakot, sikayon pigaran papastolan ko, ta maliket so Ama yon mangiter ed sikayo na Panarian.

Saray Salmo 5:12

Bibindisionan mo ray mangoonur ed sika, Katawan; say panangarom, singa samper a mangyaagel ed sikara.

Saray Salmo 18:2

Say Katawan so manangilaban ko; sikatoy mabiskeg a tirinsirak. Say Dios ko so manangyagel ko; tan no kaibak anggapoy pagpagak. Sikatoy singa samper a manasanib ed siak; iyaagel to ak tan iyaarawi to ak ed kaatapan.

Ruth 2:12

Tumangan ka komun na Katawan lapud saray ginagawam. Nawalaan ka komuy nagnap a tumang manlapud Katawan a Dios na Israel a nanmatalkan mon mangyagel ed sika!”

Lucas 1:13

Inkuanto may anghil, “Ag ka natatakot, Zacarias, ta dinengel na Dios so pikakasim! Si Elizabet ya asawam et mananak na sakey a laki. Juan so pangingaran mod sikato.

Isaias 43:5

Ag ka natatakot—wala ak ed sika! “Manlapud bokig tan sagur pasempeten ko ray totoom.

Saray Salmo 142:5

Katawan, onkekerew ak ed sika na tulong; sika, Katawan, so manangyagel ko; sika labat so nakaukolan kod sayan bilay.

Saray Salmo 3:3

Balet sika Katawan, sasalimbengan mo ak lawas, pian niarawi ak ed kaatapan; panataloen mo ak tan pabibiskegen moy linawak.

Genesis 21:17

Arengel na Dios so panaakis na samay ogaw, tan manlapud tawen inkuan na sakey ya anghil na Dios ed kinen Agar, “Antoy panggugunigonan mo, Agar? Ag ka natatakot. Arengel na Dios so panaakis na ogaw.

Lucas 1:30

Inkuan na anghil, “Ag ka natatakot, Maria, ta pinalaboan kay Dios.

Saray Salmo 58:11

Ikuay katoowan, “Tuan natutumangan iray matonung; tuan walay Dios a manisintinsiad sankamundoan.”

Mateo 8:26

“Akin et ontan lay takot yo?” kuanen Jesus. “Agaylay kapoy na pananisia yo!” Inmalagey ed satan si Jesus, tan ingganggan ton ontonday bagyo tan saray daluyon. Tinmondan tuay bagyo tan dinmeen so dayat.

Isaias 51:12

Say Katawan kuanto, “Siak so mamapabiskeg ed sikayo. Akin et takotan yoy too ya ompatey, ya ag mambayag a mambilay a singa dika?

Saray Salmo 27:1

Say Katawan so silew tan kilalaban ko, kanyan anggapoy tatakotan ko. Say Katawan so mangyaagel ed siak ed antokaman a kaatapan; ag ak balut ontakot.

Probirbio 11:18

Saray totoon maoges anggapon tuay nagonggona ran kaabigan, balet no gawaen moy kaptekan andi-saew sikay natumangan.

Saray Salmo 91:4

Sayakopen to kad saray payak to; arawi kad kaatapan diad silong na panangasikaso to; iyagel tan ilaban ka na inkatoor to.

Deuteronomio 31:6

Pabiskeg yoy linawa yo tan manmatalek kayo. Ag yo ra tatakotan. Olupen kayo na Katawan a Dios yo. Ag to kayo paolyan o ikaindan.”

Ezekiel 3:4

Insan inkuan na Dios, “Sika a toon ompatey, lakad saray totood Israel tan salitam ed sikara so antokaman a paibagak ed sika.

Isaias 44:2

Siak so Katawan ya amalsad sika; nanlapud inkianak mo, tinutulongan ta ka. Ag ka natatakot; sika so aripen ko, say toon pinilik tan inarok.

Isaias 43:1

Say Katawan ya amalsad sika, Israel, kuanto, “Ag ka natatakot—iyagel ta ka. Tinawag ta kad ngaran mo—kayaryan ta ka.

Isaias 35:4

Ibaga yod balang sakey a toon nakalay biskeg na linawa, “Mampabiskeg kayo tan ag kayo natatakot! Onsasabiy Dios a mangyagel ed sikayo; onsasabin manusad saray kalaban yo.”

Exodo 14:13

Inmebat si Moises, “Ag kayo natatakot! Pakpel yoy linawa yo, et nanengneng yo no antoy gawaen na Katawan a pangilaban tod sikayo ed sayan agew; ag yo la napidwan nanengneng ira yan Egipsio.

Puyan 1:17

Kanengneng kod sikato, singa ak inatey ya alokbub ed saliyan to. Balet intapew toy kawanan a lima tod siak tan inkuanto: “Ag ka natatakot! Siak so sankaonaan tan say sankasamputan.

Saray Hebreo 1:1

Nen saman, nansalitay Dios ed saray lalaki tayo diad panamegley da ray propita. Amimpiga-piga to yan ginagawa, tan diad nandoroman pamaakaran.

1 CORINTO 3:22

Si Pablo, si Apolos, tan si Pedro; say intiron mundo, say bilay, say patey, say natan tan say arapen; kayaryan yo ra yan amin.

Saray Gawgawa 10:22

Inmebat ira, “Imbaki kami dia nen Kapitan Cornelio. Maung iman a too, manangigalang ed Dios, tan igagalang na amin a Judio. Imbagad sikato na sakey a masanton anghil a paawit to kad abung to, tan ondengel ed antokaman ya ibagam.”

Probirbio 30:5

“Susumpalen na Dios so balang sipan to. Say Dios aliling toy sakey a samper ed amin da ray papaiyagel ed sikato.

Saray Salmo 84:9

Bindisionan mo pay ari mi, O Dios, say ari a pinilim!

1 Samuel 9:9

Inmebat si Saul, “Maung itan! Tala.” Kanyan linma rad baley a panaayaman to may masanton too. Nen ontatatdang iran onlad baley, nabet da ray pigaran bibii ya onlan onasul. Tinepet dad saramay bibii, “Wadya may managparles?” (Diad saman a panaon, managparles so tawag dad sakey a propita, kanyan no walay malabay ya ontepet ed Dios, ikuanto, “Onla tayod managparles.”)

Ezekiel 11:24

Diad sayan pasingayew, inyatagey ak na ispiritu na Dios tan impawil to ak ya inyakar ed Babilonia a nibantakan mi. Insan naandi la may pasingayew.

1 Saray Awaran 28:20

Inkuanen Ari David ed anak ton Solomon, “Pabiskeg moy linawam tan ag ka natatakot. Igapom so kimey tan ag mo aabuloyan so antokaman a manebel ed sika, ta walad sika so Katawan a Dios a panlilingkuran ko. Ag to ka ikaindan; mansiansiad sika ya anggad pakasumpal moy kimey ed Timplo to.

Ezekiel 1:1

Siak, si Ezekiel a pari a lakin anak nen Buzi, et kaibak iray kaparak a Judion nibantak ed Babilonia. Diad kumaliman agew na kumapat a bulan na kumatalomplon taon na panaayam mi ed gilig na Ilog na Kebar, linmokas so tawen, et akanengneng ak na pasingayew a nanlapud Dios. (

Mateo 28:5

Akisalita may anghil diad saramay bibii, “Ag kayo natatakot. Kabat kon aanapen yoy Jesus ya impasak ed krus.

Isaias 44:8

Ag kayo natatakot, totook! Amta yo a nanlapud saman a panaon ya anggad natan impasakbay koy amin ya agawa, et sikayo ray tasik. Wala ta niy arum a Dios? Wala ta niy makapanyarin dios ya ag kon balut akabatan?”

Saray Bilang 12:6

tan say Katawan kuanto, “Dengel yo natan so ibagak! No walad sikayo ray propita, ipaamtak ed sikara so siak a dili diad panamegley na saray pasingayew tan misalita ak ed sikara diad panamegley na saray kogip.

Genesis 15:2

Balet inkuanen Abram, “Katawan a DIOS, antoy kaabigan ya iter ed siak na tumang mo, anta anggapo met so anak ko. Si Eliezer labat a taga Damasco so tumatawir ko.

Genesis 15:4

Arengel to lamet ya inkuan na Katawan, “Ag tawiren nen Eliezer ya aripen mo iray kayaryan mo; say dilin anak mo so manawir.”

Genesis 31:7

Anggaman ontan, sinaol da ak tan amimpulon inooman day upak. Balet ag inyabuloy na Dios a napasakitan da ak.

Saray Bilang 18:20

Say Katawan kuantod kinen Aaron, “Ag ka mangaawat na antokaman a kayaryan a nayarin tawiren, tan anggapoy nepeg ya ipabetang ed sikan parti na dalin. Siak a Katawan labat so nakaukolan mo.”

Saray Bilang 24:4

A narerengel to so ibabaga na Dios, Alukbok ak lapud inloob na ispiritu ed siak, Balet siansian lokas iray matak tan anengneng ko So pasingayew na Dios a Makapanyarin-amin.

1 Samuel 15:10

Inkuan na Katawan ed kinen Samuel,

2 Samuel 22:3

Say Dios ko so manangyagel ko, tan no kaibak anggapoy pagpagak. Sikatoy singa samper a manasanib ed siak; iyaagel to ak tan iyaarawi to ak ed kaatapan. Sikatoy manangilaban ko; iyaagel to ak ed antokaman a maoges ya onsabid siak.

Genesis 22:1

Ag abayag, sinubok na Dios si Abraham; tinawag to, “Abraham!” “Wadya ak,” ebat nen Abraham.

Genesis 22:20

Ag abayag nadngelan nen Abraham a si Milca et walay waloran anak ton lalaki ed kinen Nacor ya agi nen Abraham:

Deuteronomio 18:2

Ag ira nepeg a mangayaryan na dalin, aliwan singa saray arum a tribu; say betang da et say kanepegan dan pari na Katawan, onung na insipan na Katawan.

2 Saray Arari 1:15

Inkuan na anghil na Katawan ed kinen Elias, “Mila kad sikato, tan ag ka natatakot.” Kanyan akilay Elias ed samay opisyal tan linma rad ari.

Saray Salmo 3:4

Ontatawag ak na maksil a patulongan ed Katawan, tan manlapud masanton palandey to, eebatan to ak.

Saray Salmo 115:10

Manmatalek kayod Katawan, sikayon papariy Dios. Tutulongan tan iyaagel to kayo.

Isaias 40:10

Onsasabi so Katawan a Dios a makapanyarin manoley, onsasabin kaiba to ray totoon inyagel to.

Jeremias 39:17

Balet, siak, say Katawan, iyagel ta ka tan ag ka nipalimad saray totoon tatakotan mo.