Genesis 13:8 - Maung A Balita Biblia

⁸ Inkuanen Abram ed kinen Lot, “Sankanayon ita, tan ag nepeg a mansebeg iray totook tan saray totoom.

Maung a Balita Biblia

⁸ Inkuanen Abram ed kinen Lot, Sankanayon ita, tan ag nepeg a mansebeg iray totook tan saray totoom.

Genesis 13:8 Referans Kwoze

Saray Gawgawa 7:26

Nen ontombuk ya agew, anengneng toy duaran Israelita a manlalaban, tan pankakaaroen to ra. ‘Kakaaro,’ inkuanto, ‘akin et manlalaban kayo anta sanagi kayo?’

Saray Salmo 133:1

Agaylay abig tan makapaliket ed saray totooy Dios a mambilay iran mankakasakey!

2 Pedro 1:7

inaagin panangasi ed inkatoor yod Dios, tan panangaro ed inaagin panangasi yo.

1 Pedro 4:8

Manonad amin, manaarowan kayon maung, ta sakuban na aro so dakerakel a kasalanan.

1 Pedro 3:8

Kaonuran, nepeg a mankakasakey kayod kanunotan tan liknaan. Nepeg a panaaroway sanaagi so panaarowan yo; mapangasi tan mapaabeba kayo.

Saray Taga Roma 12:10

Manaarowan kayo na malet, a singa dilin sanaagi; manoonaan kayo ed pangiter na dayew ed sakey tan sakey.

Probirbio 20:3

Kagalangan na sakey a too so ompaliis ed golo; balet magolo ray makulang-kulang.

Probirbio 15:1

Say mapalnan ebat pakekepaen toy pasnuk, balet say ansakit ya ebat palolooren to.

Genesis 45:24

Pinasiput to ray agagi to tan binilin to ra, “Ag kayo mansesebeg ed dalan.”

1 Juan 4:7

Inararo, manaarowan itayo, ta say aro manlalapud Dios. Siopamay mangaaro et anak na Dios tan kabat toy Dios.

1 Pedro 2:17

Pagalangan yo ray amin a katoowan tan aro yo ray kapara yon mananisian agagid Cristo. Mambilay kayon walay takot ed Dios tan walay panangigalang ed Impirador.

1 Pedro 1:22

Natan ta alinisan yo lay sikayon dili lapud itotoluk yod katwaan, tan diad ontan et wala lad sikayoy puron panangaro ed saray agagi yod pananisia, papetang tan manlapud otel na puso yoy panaarowan yo.

Saray Hebreo 13:1

Ituloy yoy panaarowan yon sanaagi ed Cristo.

Saray Hebreo 12:14

Gawa yoy anggaay nayarian yo a mikaarod amin a too tan mampasanto kayo, ta no ag ya gawaen na siopaman, ag to nanengneng so Katawan.

1 TESALONICA 4:9

Nipaakar ed pangarod agagid pananisia, ag la nakaukolan ya isulat ed sikayo, ta imbangat lad sikayo na Dios no panoy panaarowan yo.

FILIPOS 2:14

Gawa yo ray amin a kimey ya anggapoy ngorongoro tan sangsangan,

Mateo 5:9

“Maliket iray manggagaway polaing na mareen a panoolup da ray katoowan, ta ibilang iray Dios ya anak to!

Probirbio 15:18

Say toon mapetang na olo igagapo toy sangsangan, balet say toon maanos mangiiter na kareenan.

Exodo 2:13

Diad ontombuk ya agew pinmaway si Moises tan anengneng to ray duaran Hebreo a manlalaban. Inkuantod samay nankasalanan, “Akin et kakabilen moy kaparam a Hebreo?”

Genesis 13:9

Say maung, mansiyan ita la. Pilim so labalabay mon dalin. Lakad sakey a pasen; onla ak balet ed sananey.”

Genesis 46:34

ag yo lilingwanan ya ibagan managkomponi kayoy ayayep a nanlapud gapo, a singa saray lalaki yo. Diad ontan, panayamen to kayod dalin na Gosen.” Imbaga ya nen Jose, ta ag labay a kaamung na saray taga Egipto iray pumapastol.

Genesis 14:14

Nen nadngelan nen Abram ya adakep si kaanakan to, tinawag ton amin iray totoo ton sarag day mibakal tan akatipon na talon lasus tan labinwalon lalaki. Inosilan to ya anggad Dan ira may apatiran arari.

Saray Huis 9:26

Insan si Gaal a lakin anak nen Ebed et linmad Sikem a kaiba to ray agagi ton lalaki, tan nanmatalek ed sikato iray totoo ed Sikem.