Genesis 13:11 - Maung A Balita Biblia

¹¹ Kanyan pinili nen Lot a betang to so intiron Patar na Jordan, insan amaarap diman ed bokig. Onyay impansian dan dua.

Maung a Balita Biblia

¹¹ Kanyan pinili nen Lot a betang to so intiron Patar na Jordan, insan amaarap diman ed bokig. Onyay impansian dan dua.

Genesis 13:11 Referans Kwoze

Genesis 13:9

Say maung, mansiyan ita la. Pilim so labalabay mon dalin. Lakad sakey a pasen; onla ak balet ed sananey.”

1 Pedro 2:17

Pagalangan yo ray amin a katoowan tan aro yo ray kapara yon mananisian agagid Cristo. Mambilay kayon walay takot ed Dios tan walay panangigalang ed Impirador.

Saray Hebreo 10:25

Ag tayo nepeg a paolyay pantitipon tayo, a singa gagawaen da ray arum. Ingen, mampapabiskegan tayoy linawa, lautla ni met ta nanenengneng yon asingger lay isabiy Agew na Katawan.

Probirbio 27:10

Ag mo lilingwanan iray kakaarom, odino saray kakaaro nen amam. No wala kad gunigon ag ka onkekerew na tulong ed agim; natulongan ka ni na kaabay mo nen say agim a walad arawi.

Saray Salmo 119:63

Kaaro ak na amin da ray manlilingkur ed sika, amin da ray mangoonur na saray ganggan mo.

Saray Salmo 16:3

Agaylay inkamaung da ray matoor a totoo na Katawan! Pakaliliketan kon maung a nakaiba ra.

Genesis 13:14

Kasiput nen Lot, inkuan na Katawan ed kinen Abram, “Manlapud tan ed kawalaan mo, nengneng mon maung so kaliber-liber mo;

Genesis 19:17

Insan inkuan na sakey ed saramay anghil, “Ilaban yoy bilay yo! Ag kayo onlilingaw ed nanlapwan yo tan ag kayo ontotondad patar. Batik kayod kapokdulan, pian ag kayo ompatey.”

Genesis 13:10

Ninengneng sirin nen Lot so kaliber-liber tan abantag ton say patar na Jordan ya anggad Zoar et dakel so danum to, a singa Tanamanan na Katawan o singa dalin na Egipto. (Diad saman a panaon, ag ni dineral na Katawan so siudad na Sodoma tan say siudad na Gomorra.)

Genesis 13:12

Tinmilak si Abram ed Canaan, balet nanayam si Lot ed saray siudad diad patar ya asingger ed Sodoma.

Ezekiel 47:18

“Say ketegan ed bokig et mampaabalaten a manlapud sakey a tanda a walad nanleetan na dalin na Damasco tan say dalin na Hauran, tan say Ilog na Jordan so ketegan ed nanleetan na dalin na Israel diad sagur tan say dalin na Galaad diad bokig, ya anggad Tamar diad Inatey a Dayat.