Genesis 12:1 - Maung A Balita Biblia

¹ Inkuan na Katawan ed kinen Abram, “Taynan moy baley mo, saray kakanayon mo, tan say abung na amam, insan ka onlad bansan ipanengneng kod sika.

Maung a Balita Biblia

¹ Inkuan na Katawan ed kinen Abram, Taynan moy baley mo, saray kakanayon mo, tan say abung na amam, insan ka onlad bansan ipanengneng kod sika.

Genesis 12:1 Referans Kwoze

Saray Hebreo 11:8

Lapud pananisia, inmonur si Abraham nen say Dios et tinawag ton onlad bansa ya insipan ton iter ed sikato. Tinaynan toy nianakan ton dalin, anggaman ya ag to amtay laen to.

Nehemias 9:7

Sika, Katawan a Dios, sika so amili ed kinen Abram tan impaway mo manlapud baley na Ur diad Babilonia; sinalatan mo so ngaran to na Abraham.

Isaias 51:2

Nunot yoy laki yon Abraham, tan si Sara a sikaray sengeg na boleg yo. Anggapoy anak nen Abraham nen tinawag ko, balet binindisionan ko tan initdan ko na saray anak; pinarakel ko ray kabyangay boleg to.

Genesis 15:7

Insan inkuan ed sikato na Katawan, “Siak so Katawan ya amataynan ed sika manlapud Ur na Babilonia, pian niiter kod sika yan dalin.”

Ezekiel 33:24

Inkuanto, “Siak a toon ompatey, saray totoon manaayam ed saray aderal-deral a siudad na dalin na Israel et ibabaga ra: ‘Saksakey a too si Abraham, et niiter ed sikatoy intiron dalin. Amayamay itayo la, kanyan natan kayaryan tayo la yay dalin.’

2 CORINTO 6:17

Kanyan ibabagay Katawan, “Nepeg yo ran taynan tan ibatikan. Ag kayo mibabalid marotak ya antokaman, et siak so mangawat ed sikayod satan.

Isaias 41:9

Inala ta kayon manlapud saray samput na dalin; tinawag ta kayod saray sankaarawian a sokung na mundo tan kuantod sikayo, ‘Sikayo ray aripen ko.’ Ag ta kayo impolisay, no ag ingen pinili ta kayo.

Puyan 18:4

Nadngel kon nanlapud tawen so sakey nin bosis ya inkuanto, “Paway kayod sikato, totook, paway kayo! Ag kayo nepeg a mibiang ed saray kasalanan to; ag kayo nepeg a nadusan kaiba to!

Genesis 20:13

Kanyan nen say Dios et pinataynan to ak ed abung di amak tan pinaonla to ak ed sananey iran dalin, inkuankod kinen Sara, ‘Nipanengneng moy katooran mod siak diad pangibagam ed siopaman ya agi mo ak.’”

Genesis 24:4

Nakaukolan ya onla kad bansan nianakan ko, ta iyalaan moy Isaac ya anak ko na asawaen to diad saray kakanayon ko.”

Genesis 26:2

Pinmayawar so Katawan ed kinen Isaac tan inkuanto, “Ag ka oonlad Egipto; manayam kad pasen ya ibagak ed sika.

Isaias 37:12

Dinederal na saray lalakik iray siudad na Gozan, Haran, Rezef, tan pinapatey da ray totoon taga Eden a manaayam ed Talassar, et anggapod saray diriyos da so akapangyagel ed sikara.

Genesis 24:7

Say Katawan a Dios na tawen pinaekal to ak ed abung di amak tan diad dalin da ray kakanayon ko, tan sinambaan tod siak ya iter to yan dalin ed saray kabyangay boleg ko. Mangibaki na anghil to ya ononan onla nen say sika, pian makala kad man na asawaen na anak ko.

Genesis 24:38

Ingen, lakad saray totoo nen amak, diad saray kakanayon ko, tan ipilian mo may anak ko na asawaen to.’

Saray Bilang 10:30

Inmebat si Hobab, “Ag ak la mila; ompawil ak lad dalin kon nianakan.”