Genesis 11:6 - Maung A Balita Biblia

⁶ insan inkuanto, “Natan, saksakey ira yan totoo tan saksakey so salita ra. Gapo labat ya na getma ran gawaen. Ag mabayag, nagawaan da lay labalabay dan gawaen.

Maung a Balita Biblia

⁶ insan inkuanto, Natan, saksakey ira yan totoo tan saksakey so salita ra. Gapo labat ya na getma ran gawaen. Ag mabayag, nagawaan da lay labalabay dan gawaen.

Genesis 11:6 Referans Kwoze

Genesis 3:22

Insan inkuan na Katawan a Dios, “Nagmaliw la a singa sakey ed sikatayo so too, tan wala lay pakaamta tod maung tan maoges. Nakaukolan a sebelan a mangala na bungay kiew na bilay, ta no mangala tan mangan, mambilay ya anggad angga.”

Genesis 11:1

Nen saman saksakey so salita tan panagbalikas na amin a katoowan ed intiron mundo.

Lucas 1:51

Impakana toy biskeg da ray taklay to, binuybuyak to ray mapaatagey tan saray getma ra.

Ecclesiastes 11:9

Tobun-balo, manliket kayo legan a wala kayo nid kalangweran. Gawa yo labat so labay yo tan tombuk yoy kaliktan yo. Balet nunot yo a say Dios sintinsiaan to kayod saray amin a gagawaen yo.

Genesis 6:5

Nen anengneng na Katawan so ontan lan kaogsan na amin a totoo ed tapew na dalin, say ontan lan kinaoges lawas na kanunotan da,

Genesis 8:21

Akapaliket ed Katawan so naangub ton balingit na samay bagat, kanyan inkuantod sikaton dili, “Ag ko lan balut isambay dalin lapud saray gagawaey too; amtak a manlapud ogaw ni, maoges lay kanunotan to. Ag ko lan balut deralen ya amin iray pinalsan mabilay a singa ginawak.

Genesis 9:19

Sarayan taloran anak nen Noe et sikaray sengeg na amin a totoo ed tapew na dalin.

Saray Gawgawa 17:26

Manlapud saksakey a too, pinalsa toy katoowan ed amin a bansa tan impanayam to ra diad tapew na dalin. Sikaton diliy angigana ed saray panaon tan saray ketegan na panayaman da.

Saray Huis 10:14

Laka yon ontawag ed saray diriyos a pinili yo. Paiyagel kayod sikara no wala kayod gunigon.”

1 Saray Arari 18:27

Nen kaagewan la ginapwan nen Elias a lureyen ira, “Ikasil yoy mampikasi! Sikatoy sakey a dios! Ompano mankokogip, odino mampapainawa, odino walay nila to! Odino ompan nanaogip, kanyan nepeg yon bangonen!”

Amos 4:7

Ag ko pinaoran nen nakaukolan lan mapalalo na saray tanaman yo so danum. Angipelag ak na oran ed sakey a siudad, balet ag ko pinaoran ed arum a siudad. Inmoran ed sakey ya alog, balet andi ed arum.