Genesis 11:31 - Maung A Balita Biblia

³¹ Tinmaynan si Tare ed baley na Ur na Babilonia, a kaiba toy anak ton Abram, si apo ton Lot ya anak nen Haran, tan si manugang ton Sarai ya asawa nen Abram. Linma rad dalin na Canaan, et nen asabi ray dalin na Haran, diman la ra nanayam.

Maung a Balita Biblia

³¹ Tinmaynan si Tare ed baley na Ur na Babilonia, a kaiba toy anak ton Abram, si apo ton Lot ya anak nen Haran, tan si manugang ton Sarai ya asawa nen Abram. Linma rad dalin na Canaan, et nen asabi ray dalin na Haran, diman la ra nanayam.

Genesis 11:31 Referans Kwoze

Nehemias 9:7

Sika, Katawan a Dios, sika so amili ed kinen Abram tan impaway mo manlapud baley na Ur diad Babilonia; sinalatan mo so ngaran to na Abraham.

Genesis 24:10

Samay aripen, a makaoley ed kayaryan nen Abraham, angala na samploran kamilyo nen amo to, pinano toy beneg da na mabmabli ran rigalo, insan linmad siudad a nanayaman nen Nacor diad baybay na Mesopotamia.

Genesis 12:4

Nen mantaon na pitomplo tan lima si Abram, tinaynan toy Haran, onung na imbagay Katawan ed sikato.

Genesis 15:7

Insan inkuan ed sikato na Katawan, “Siak so Katawan ya amataynan ed sika manlapud Ur na Babilonia, pian niiter kod sika yan dalin.”

Genesis 11:32

Inatey diman si Tare nen mantaoy duan lasus tan lima.

Genesis 10:19

Say nasasakopan dan dalin, manlapud Sidon, et nampaabalaten ya anggad Gerar, diad abay na Gaza, tan nampabokig ya anggad Sodoma, Gomorra, Adma, tan Zeboim, diad abay na Lasa.

Saray Hebreo 11:8

Lapud pananisia, inmonur si Abraham nen say Dios et tinawag ton onlad bansa ya insipan ton iter ed sikato. Tinaynan toy nianakan ton dalin, anggaman ya ag to amtay laen to.

Genesis 27:43

Natan, anak ko, gawam so ibagak ed sika. Mamparaan ka tan lakan tampol ed kinen Laban ya agik, diad Haran.

Genesis 24:15

Kasakbayan ton asumpal so pikakasi to, sinmabiy Rebeca a sankasakbat toy boyug. Anak ya nen Betuel a lakin anak nen Milca ya asawa nen Nacor a lakin agi nen Abraham.

Genesis 12:5

Inawit nen Abram si Sarai ya asawa to, si Lot a kaanakan to, tan amin iray kayamanan tan saray aripen ya atipon da nen wala rad Haran, insan ira amaarap ed dalin na Canaan. Nen sinmabi rad Canaan,

2 Saray Arari 19:12

Dinederal na saray lalakik iray siudad na Gozan, Haran, Rezef, tan pinapatey da ray totoon taga Eden a manaayam ed Telasar, et anggapod saray diriyos da so akapangyagel ed sikara.

Say Libro nen Job 1:17

Mansasalita ni nen sinmabi so sakey nin aripen tan kuanto, “Dinogpaan kami na taloran grupo na saray Caldeo, imbatik da ray kamilyom. Pinatey day amin ya aripen mo likud labat ed siak. Siak labat so akabatik, kanyan wadya ak a mangibalitad sika.”

Isaias 37:12

Dinederal na saray lalakik iray siudad na Gozan, Haran, Rezef, tan pinapatey da ray totoon taga Eden a manaayam ed Talassar, et anggapod saray diriyos da so akapangyagel ed sikara.

Genesis 14:12

Manaayam diman si Lot a kaanakan nen Abram, kanyan inala ra met tan amin a kayaryan to.

Genesis 28:10

Tinmaynan ed Beer-seba si Jacob tan amaarap ed Haran.