Genesis 1:5 - Maung A Balita Biblia

⁵ tinawag to na “Agew” so liwawa tan “Labi” so bilonget. Linmabas so labi tan sinmabiy kabwasan—sikato ya so onaan ya agew.

Maung a Balita Biblia

⁵ tinawag to na Agew so liwawa tan Labi so bilonget. Linmabas so labi tan sinmabiy kabwasansikato ya so onaan ya agew.

Genesis 1:5 Referans Kwoze

Saray Salmo 74:16

Pinalsam so agew tan say labi; inliram so agew tan say bulan ed kawalaan da;

Isaias 45:7

Papalsaen ko so liwawa tan kabilongetan; iiter koy bindision tan ipapadalan koy deral. Siak a Katawan so manggagawa ed sarayan amin.

1 TESALONICA 5:5

Anak na liwawa tan anak na agew kayon amin. Aliwa tayon anak na bilonget o anak na labi.

Saray Salmo 104:20

Ginawam so labi, et no ambilonget la, ompaway iray ayayep ed katakelan.

Genesis 8:22

Anggad wala niy mundo, walan walay panaon na panagtanem tan panaon na panagani, walay panaon na ambetel tan say panaon na ampetang, say tiagew tan say nepnep, say agew tan say labi.”

Saray Salmo 19:2

Say balang agew ibabaga toy kagalangay Dios ed ontombuk ya agew; say balang labi ipapaamta to ed ontombuk a labi.

Jeremias 33:20

“Akisipanan ak ed agew tan say labi, kanyan onsabi ra lawas ed manepeg a panaon; et ag yan balut naderal a sipanan.

TAGA-EFESO 5:13

No amin a bengatla et niparontal ed silew, nanengneng so petepeteg a kipapasen da;

1 CORINTO 3:13

Naamtaan so klasiy kimey na balang too no ipatnag la na Agew nen Cristo. Ta say apoy na satan ya Agew so manubok tan mangipatnag na klasiy kimey na balang too.

Genesis 1:8

Tinawag to na “Tawen” so liwang. Linmabas so labi tan sinmabiy kabwasan—sikato ya so kumadwan agew.

Genesis 1:31

Ninengneng na Dios iray pinalsa to, et maung a tuloy iran amin. Linmabas so labi tan sinmabiy kabwasan—sikato ya so kumanem ya agew.

Genesis 1:23

Linmabas so labi tan sinmabiy kabwasan—sikato ya so kumaliman agew.

Genesis 1:19

Linmabas so labi tan sinmabiy kabwasan—sikato ya so kumapat ya agew.

Genesis 1:13

Linmabas so labi tan sinmabiy kabwasan—sikato ya so kumatlon agew.

Saray Bilang 20:29

Akabatan ed satan na amin ya Israelita ya inatey si Aaron, kanyan talomploy agew a nanermen ira.

Saray Salmo 65:8

Natatakot so intiron mundo, lapud saray makapakelkelaw a ginagawam. Lapud saray gawgawam, wala ray malikeliket ya eyag ed inerman a pasen.