Genesis 1:31 - Maung A Balita Biblia

³¹ Ninengneng na Dios iray pinalsa to, et maung a tuloy iran amin. Linmabas so labi tan sinmabiy kabwasan—sikato ya so kumanem ya agew.

Maung a Balita Biblia

³¹ Ninengneng na Dios iray pinalsa to, et maung a tuloy iran amin. Linmabas so labi tan sinmabiy kabwasansikato ya so kumanem ya agew.

Genesis 1:31 Referans Kwoze

1 Timoteo 4:4

Ta amin a pinalsa na Dios et maung; anggapoy nepeg ya ipolisay dapot no kanen a katekep toy pikakasi na pisasalamat,

Saray Salmo 104:24

Katawan, amayamay iray pinapalsam a bengatla! Diad panamegley na ontan lan kakabatan mo, ginagawam ira! Say dalin napno na saray pinalsam.

Exodo 20:11

Diad loob na anemiran agew siak a Katawan et pinalsak so tawen tan dalin, saray dayat tan amin a logan da, balet diad kumapiton agew nampainawa ak. Sikato yay makasengeg a siak a Katawan et binindisionan koy Agew na Panagpainawa tan ginawak a masanto.

Saray Salmo 104:31

Mansiansian anggad angga komuy kagalangan na Katawan! Panliketan komun na Katawan iray ginagawa to!

Saray Tagleey 3:38

Diad panangiganggan na Sankatageyan a Dios, nagawa so maung tan say makapoy.

Say Libro nen Job 38:7

Diad saman a palbangon nankakasakey a nankanta ray bibitewen, tan inmeeyag ed liket iray anghil.

Genesis 2:2

Diad loob na anem agew asumpal na Dios a pinalsa ira yan amin, insan diad kumapiton agew nampainawa ed amin a kimey to.

Genesis 1:23

Linmabas so labi tan sinmabiy kabwasan—sikato ya so kumaliman agew.

Genesis 1:8

Tinawag to na “Tawen” so liwang. Linmabas so labi tan sinmabiy kabwasan—sikato ya so kumadwan agew.

Genesis 1:5

tinawag to na “Agew” so liwawa tan “Labi” so bilonget. Linmabas so labi tan sinmabiy kabwasan—sikato ya so onaan ya agew.

Genesis 1:19

Linmabas so labi tan sinmabiy kabwasan—sikato ya so kumapat ya agew.

Genesis 1:13

Linmabas so labi tan sinmabiy kabwasan—sikato ya so kumatlon agew.

1 Timoteo 4:5

lapud lilinisan la na salitay Dios tan samay pikakasi.

Exodo 31:17

Sakey yan mansiansian tanda na sipanan ed saray Israelita tan siak, lapud siak a Katawan et pinalsak so tawen tan say dalin ed loob na anemiran agew, tan diad kumapiton agew tinmonda ak a nankimey tan nampainawa ak.”

Saray Salmo 104:28

Iitdan mo ra, et kakanen da; iiter moy tagano ra, et napepesel ira.

Saray Salmo 119:68

Agaylay kamaungan mo tan panangasim! Ibangat mo pad siak iray ganggan mo.

Probirbio 16:4

Amin a ginawa na Katawan walay pansumpalan da; et saray totoon maoges deral so kasumpalan da.

Ecclesiastes 3:11

Inggetar toy manepeg a panaon na amin a bengatla. Initdan to tayo na pilalek a mangamta na arapen, balet ag ton balut iter ed sikatayoy kapenek na ayadyarin pakatalus ed saray gagawaen to.

Genesis 2:3

Binindisionan na Dios yan kumapiton agew tan imbiig ton sakey a masanton agew, ta diad sayan agew asumpal toy impamalsa tod ganagana tan nampainawa.

Deuteronomio 32:4

“Say Katawan so makapanyarin manangyagel yo, ayadyari tan matonung ya amin so gagawaen to; Matoor tan matwa so Dios yo; say katonungan tan kaptekan so gagawaen to.