Genesis 1:3 - Maung A Balita Biblia

³ Insan inkuan na Dios, “Onlesa so liwawa”—et linmesay liwawa;

Maung a Balita Biblia

³ Insan inkuan na Dios, Onlesa so liwawaet linmesay liwawa;

Genesis 1:3 Referans Kwoze

2 CORINTO 4:6

Ta say Dios ya angibaga, “Ompaway a manlapud kabilongetan so liwawa!” et sikato lamlamang so angiwandag na liwawad saray puso mi, pian nakabatan miy kagalangay Dios a mandarlang ed lupa nen Cristo.

Juan 1:5

Onsisindag ed kabilongetan so silew tan ag balut naerep na kabilongetan.

Isaias 45:7

Papalsaen ko so liwawa tan kabilongetan; iiter koy bindision tan ipapadalan koy deral. Siak a Katawan so manggagawa ed sarayan amin.

Isaias 60:19

“Diad satan aliwa lan agew so manliwawad sika no agew Odino say bulan so silew mo no labi; Ta siak a Katawan so magmaliw ya andi-anggaan a silew mo; Onsinag ed sika so silew na kagalangan ko.

1 Juan 1:5

Saya so balitan nadngel mid Anak to, tan ipapakabat mid sikayo: Silew so Dios tan anggapon balut so kabilongetan ed sikato.

TAGA-EFESO 5:8

Wala kayo nen saman ed bilonget, balet lapud totoo ki lay Katawan, wala ki lad silew. Kanyan mambilay kayo ed nepeg a pambilay da ray totoon walad silew.

Juan 1:9

Onsasabi diad mundo so tuan silew tan sikatoy mangiiter na liwawa ed saray katoowan.

Juan 3:19

Onyay impakaawat day sintinsian dusa: sinmabiy silew ed mundo, balet say kabilongetan so inaroy totoo, aliwan say silew, lapud maoges iray gawa ra.

Saray Salmo 33:6

Pinalsa na Katawan iray katawenan diad panamegley na ganggan to; pinalsa toy agew, bulan, tan saray bitewen diad panamegley na salita to.

Saray Salmo 148:5

Igalang dan amin komuy ngaran na Katawan! Nangganggan et apalsa ra;

Saray Salmo 97:11

Onsisinag so silew ed saray totoon matonung, ta onsisinag so gayaga ed saray maung a totoo.

Saray Salmo 33:9

Nen nansalita, apalsay mundo; nen nangganggan, linmesay amin a bengatla.

1 Juan 2:8

Bangbalet say ganggan ya isusulat kod sikayo et balo, tan anengneng so katwaan to ed Cristo tan ontan met ed sikayo. Ta nanaandi lay kabilongetan tan onsisindag lay petepeteg a silew.

TAGA-EFESO 5:14

ta amin a naliliwawaan et magmamaliw a silew. Kanyan onyay kuanda, “Bangon ka, sikan nanaogip, bangon kan manlapud patey, silewan to ka nen Cristo.”

Saray Salmo 104:2

tan nilimbus moy sikan dili na liwawa. Inyaplag mon singa tulda iray katawenan,

Say Libro nen Job 38:19

Amtam no iner so panlalapwan na liwawa, odino iner so panlalapway bilonget?

1 Timoteo 6:16

Sikato labat so ag ompatey; manaayam ed liwawan anggapoy makaasingger. Anggapo niy akanengneng, anggapo ingey nayarin makanengneng ed sikato. Diad sikato labat komuy kawalaay galang tan andi-anggaan a pakayari! Amen.

Saray Salmo 118:27

Say Katawan et Dios; inimisan to tayo. Bembenan yo ray sangasangay kiew, ta igapo yo lay pista tan liber-liber yoy altar.

Say Libro nen Job 36:30

Pakirmaten to ed intiron tawen, balet siansian andeket so kaaraleman na dayat.

Juan 11:43

Kasumpal ton imbaga ya, inmingal na maksil a kuanto, “Lazaro, paway ka!”

Mateo 8:3

Inyonat nen Jesus so lima to, diniwit to tan inmebat, “Labay ko. Abig ka la!” Inmabig a tampol imay toon akating.

Genesis 2:4

Onya so istoria na inkapalsa na sansinakuban. Nen kayari na Katawan a Dios a pinalsa so tawen tan dalin,