Genesis 1:2 - Maung A Balita Biblia

² say mundo anggapoy oksuy tan nengneng to. Ambilbilonget so tapew na manungol a dayat a nilanayapan toy ganagana tan mansiplug so pakayari na Dios ed tapew na danum.

Maung a Balita Biblia

² say mundo anggapoy oksuy tan nengneng to. Ambilbilonget so tapew na manungol a dayat a nilanayapan toy ganagana tan mansiplug so pakayari na Dios ed tapew na danum.

Genesis 1:2 Referans Kwoze

Jeremias 4:23

Ninmengneng ak ed mundo—anggapoy nengneng odino kakanaan to; tinmangay ak ed tawen—anggapoy liwawa.

Saray Salmo 104:30

Balet no itdan mo ra na ingas mo, napalsa ra; papasimbaloen moy bilay na dalin.

Isaias 45:18

Say Katawan pinalsa toy katawenan— sikato so Dios! Tinibokel tan ginawa toy mundo— ginawa ton malet tan mansiansia lawas. Ag to ginawan anggapoy kabaliksan to, no ag ingen ginawa ton pasen a panayaman na saray totoo. Sikato so angikuan, “Siak so Katawan, tan anggapo lay arum.

Saray Salmo 33:6

Pinalsa na Katawan iray katawenan diad panamegley na ganggan to; pinalsa toy agew, bulan, tan saray bitewen diad panamegley na salita to.

Say Libro nen Job 26:7

Impanat na Dios so baybay a tawen, tan imbitin tod liwang so mundo.

Say Libro nen Job 26:14

Melag labat ira yan kabyangan na pakayari to; esaes labat so nadngel tayo. Siopay makapikabat no kaonungay kabaleg na pakayariy Dios?

Nahum 2:10

Aderal la so Ninive, ataynan lan begtebegtew! Napoponaw ed takot iray kapusuan, mankalog iray pueg, naandi lay biskeg; mampotiy bosaleg iray kalupaan.

2 CORINTO 4:6

Ta say Dios ya angibaga, “Ompaway a manlapud kabilongetan so liwawa!” et sikato lamlamang so angiwandag na liwawad saray puso mi, pian nakabatan miy kagalangay Dios a mandarlang ed lupa nen Cristo.

Deuteronomio 32:11

Say Katawan pansiansiaen ton ag napelag so Israel, singa sakey ya agilan babangatan ton ontikyab so sibong to, sasampaten to rad saray akabuskag a payak to.

Say Libro nen Job 38:9

Siak so anakbung na saray lorem ed dayat tan amalkut na bilonget.

Saray Salmo 104:6

Intapew mon singa kawes so dayat ed mundo, tan sinakubay danum iray kapalandeyan.

Saray Salmo 136:6

impasen toy dalin ed tapew na saray danum; andi-anggaan so panangaro to.

Saray Salmo 148:7

Manlapud dalin idayew yoy Katawan, sikayon dragon ed dayat tan amin yon dalem na dayat;

Probirbio 8:24

Nianak ak la kasakbayan a wala ray dayat, nen anggapo ni ray sobusobul.

Isaias 31:5

No panoy pambabantay na manok ed tagey ed obung to pian niagel to ray sibong to, ontan met so pankawanan tan pangyagel kod Jerusalem.”

Say Libro nen Job 41:32

Onsisilong so dinalan to; pagmamaliwen ton singa bora so dayat.