FILIPOS 4:6 - Maung A Balita Biblia

⁶ Ag yo pampapagaay antokaman a bengatla. Kerew yo ingen ed Dios iray amin a nakaukolan yo diad panamegley na pikakasin tinekepay pisasalamat.

Maung a Balita Biblia

⁶ Ag yo pampapagaay antokaman a bengatla. Kerew yo ingen ed Dios iray amin a nakaukolan yo diad panamegley na pikakasin tinekepay pisasalamat.

FILIPOS 4:6 Referans Kwoze

1 Pedro 5:7

Imatalek yod sikato ray amin a kapagaan yo, ta asikasoen to kayo.

Saray Salmo 55:22

Imatalek mod Katawan iray gunigon mo, et iyagel to ka; ag ton balut aabuloyan a natalo iray totoon matonung.

Mateo 6:8

Ag yo ra aaligen! Amta la na Ama yo iray nakakaukolan yo, kasakbayan yo ran kerewen.

Jeremias 33:3

“Tawag kad siak, et ebatan ta ka; ibagak ed sika ray makapakelaw tan niamut a bengatlan ag mo ni ra akabatan.

Probirbio 16:3

Kerew mod Katawan a bindisionan to ray planom, et nagawam ira.

Saray Salmo 62:8

Sikayon totook, manmatalek kayod Dios diad amin a panaon. Ibaga yod sikatoy amin a gunigon yo, ta sikatoy salimbeng tayo.

COLOSAS 4:2

Ag yo totondaay mampikasi. No mampikasi kayo, gawa yon masimoon tan tekepan yoy pisasalamat ed Dios.

TAGA-EFESO 6:18

Gawa yo ra yan amin diad panamegley na pikakasi tan mikerew kayoy tulong na Dios. Mampikasi kayo lawas diad panangiwanwan na Ispiritu. Kanyan mamparaan kayo lawas tan ag ki ontotonda; ituloy yon ipikasi ray amin a totooy Dios.

COLOSAS 3:17

Antokaman sirin a gawaen o salitaen yo, gawa yo ran amin diad ngaran na Katawan a Jesus, tan diad panamegley to, misalamat kayod Dios Ama.

Lucas 18:1

Tinongtong nen Jesus so sakey ya alimbawan pangibangat tod sikara a nepeg day mampikasi lawas tan ag ira nanaekalay ilalo.

Lucas 12:22

Inkuanen Jesus ed saray disipulo to, “Sikato yay makasengeg na pangibabagaan kod sikayo ya ag kayo mapagpagad pambilay yo, no antoy kanen yo, o antoy ikawes yo.

Saray Salmo 51:15

Tulongan mo ak pa a mansalita, O Katawan, et idayew ta ka.

COLOSAS 3:15

Panoley yod puso yo so kareenan ya iter nen Cristo, ta sikato yay anawagay Dios ed sikayon amin pian magmaliw kayon kabyangay saksakey a laman. Misalamat kayo met.

1 Samuel 30:6

Agunigon a maung si David, ta ansakit a maung so linawa da ray totoo to lapud inkabalang na saray anak da, tan pantotongtongan da lan tupaken. Balet pinabiskeg na Katawan a Dios to so linawa to.

TAGA-EFESO 5:20

Lapud amin a bengatla, misalamat kayo lawas ed Dios Ama, diad ngaran na Katawan tayon Jesu-Cristo.

Saray Salmo 55:17

Kabwasan, kaagwan, tan labi so panririklamo tan paney-ey kod sikato, et dengelen toy bosis ko.

Lucas 10:41

Inmebat so Katawan, “Sika, Marta, amayamay a bengatla so pampapagaan tan pansasakitan moy olo.

Lucas 18:7

Say Dios balet ey? Ag to kasi iter so kanepegan da ray dilin totoo to ya agew-labin mikasi? Ag to ra kasi tulongan a tampol?

Mateo 10:19

No iyakar da kayod korti, ag kayo mapaga no antoy ibaga yo, o no panoy pangibaga yo. Diad satan ya oras, onsabid kanunotan yoy ibaga yo.

Probirbio 15:8

Makaliliket so Katawan no mampikasi iray totoon maptek, balet kabosul to ray bagat ya iyaakar ed sikato na saray totoon maoges.

Lucas 12:29

Kanyan ag kayo mapagpaga lawas no antoy kanen tan inomen yo.

1 Samuel 1:15

Inmebat, “Aliwak ak pan abuek. Ag ak inminom na alak no ag ingen maermen ak a maung. Mampipikasi ak tan ibabagak ed Katawan iray gunigon ko.

2 CORINTO 1:11

diad tulong na impangipikasi yod sikami. Diad ontan dakel iray misalamat ed Dios lapud saray bindision tod sikami, a pinagkaebat na pikakasi da ray dakerakel a totoo.

1 CORINTO 7:32

Labay ta kayon iyarawi ed saray kapagaay bilay. Say lakin anggapoy asawa et mapaga ed saray kimey a nipaakar ed Katawan, no panoy pamaliket tod Katawan.

1 Pedro 4:7

Asingger lay anggaay amin a bengatla, kanyan nepeg a manadya tan mamparaan kayo, pian nayarian yoy mampikasi.

Mateo 13:22

Saramay ilik a dinmapod kasabitan aliling day salitay Dios a dedengelen na totoo, balet kabebekta dederalen na saray kapagaan na panagbilay tan say inkaagum ed kayamanan, kanyan ag ira mambunga.

Daniel 3:16

Inmebat ira di Sadrac, Mesac, tan Abednego, “Ag mi iyagel so sikamin dili, Kagalang ya Ari.

2 Saray Awaran 32:20

Insan si Ari Ezekias tan si propita Isaias a lakin anak nen Amoz nampikasi rad Dios tan kinmerew iray tulong to.

1 Samuel 7:12

Insan angalay Samuel na sakey a bato, tan inyan tod ketegan na Mizpa tan Sen, tan inngaran to na Ebenezer, ta inkuanto, “Tinulongan itayo na Katawan.”

Kanta nen Solomon 2:14

Singa ka malapatin onaamut ed lengat na baleg a bato. Nengnengen ko pa tay malimgas a lupam tan dengelen ko pay masamsamit a bosis mo.

1 CORINTO 7:21

Aripen ka nen tawagen kay Dios? Anggapoy walad satan, balet no walay pankanawnawam a nabolus, ag mo papalabasen.

1 Saray Arari 8:28

Katawan a Dios ko, dengel mo pay pikakasik tan saray kerew ko natad sayan agew, siak ya aripen mo.

Jeremias 32:16

Kayarik ya inter imay kasulatay saliwan ed kinen Baruc nampikasi ak,

Daniel 6:10

Nen naamtaan nen Daniel ya apirmaan la may ganggan, sinmempet lad abung. Diad sakey a kuartod tagey na abung to, wala ray bintana ya akaarap ed Jerusalem. Onung na gagawaen to lawas, mamitlod sanagew a tinmalimukor a nampikasi tan akisalamat ed Dios to.

Mateo 6:34

Ag kayo sirin mapaga ed nakaukolan yo nabwas, ta say ontombuk ya agew makaoley lad saray dilin kapagaan to. Ag yo la iyaarum ed sayan agew iray kapagaan nabwas.”

1 Timoteo 2:1

Manonad amin, sirin, ipupurek ko a nisaklang komun ed Dios iray pikekerew, pikakasi, tagleey, tan pisasalamat para amin a katoowan.

1 Timoteo 5:5

Say tuan balo et say biin mambukbukor lad bilay to. Say Dios labat so kawalaay ilalo to, tan agew-labin itutuloy toy mampikasi tan mankerew.