FILIPOS 4:18 - Maung A Balita Biblia

¹⁸ Nia natan so pakaamtaay masolusoluk ya inter yod siak. Wala lan amiy nakaukolan ko, natan ta wadya lay tulong yo ya awit nen Epafrodito. Singa ra ambalbalingit a bagat ed Dios, marakep tan makapaliket ed sikato.

Maung a Balita Biblia

¹⁸ Nia natan so pakaamtaay masolusoluk ya inter yod siak. Wala lan amiy nakaukolan ko, natan ta wadya lay tulong yo ya awit nen Epafrodito. Singa ra ambalbalingit a bagat ed Dios, marakep tan makapaliket ed sikato.

FILIPOS 4:18 Referans Kwoze

Saray Hebreo 13:16

Ag yo lilingwanay manggaway kamaungan tan mantutulongan kayo, ta sikara yay bagat a makapaliket ed Dios.

FILIPOS 4:12

Asalik lay walad pankaukolan tan walad daakan. Naaral ko lay sikritoy panagbilay ed anggan anton kipapasen: napsel o narasan, daakan o kulang so walad siak.

2 CORINTO 9:12

Ta say tulong ya iter yo et ag labat manambut ed pankaukolan da ray totooy Dios, no ag ingen mambunga met na dakel a pisasalamat ed Dios.

TAGA-EFESO 5:2

Mambilay kayon maaro a singa si Cristo; lapud panangaro tod sikatayo, inter ton para sikatayo so bilay to, sakey ya ambalingit a bagat tan rigalo a makapaliket ed Dios.

1 Pedro 2:5

Singger kayon singa mabilay iran bato, tan paikana kayo ed panggaway maispiritun timplo. Magmaliw kayon masanto a papari ed sayan timplo tan mangyapay kayoy maispiritu tan makapaliket iran bagat ed Dios diad panamegley nen Jesu-Cristo.

2 TESALONICA 1:3

Nepeg kamin misalamat lawas ed Dios lapud sikayo, agagi. Manepeg a gawaen mi ya, ta ombibiskeg a maung so pananisia yo tan ombabaleg so panaarowan yo.

Saray Taga Roma 12:1

Kanyan, agagi, lapud ontan lan panangasi na Dios, kerewen kon isaklang yon mabilay a bagat ed Dios so bilay yo, bagat a masanto tan makapaliket ed sikato. Sikato yay panangigalang yod Dios.

Exodo 29:18

Poolan mod tapew na altar so intiron karniro a sakey a bagat a popoolan. Makapaliket ed siak so balingit na sayan bagat.

Saray Bilang 15:3

Say bakan kalakyan, say karniron kalakyan, say karniron kabatyan, odino say kanding et nayarin iyapay ed Katawan a sakey a bagat a popoolan, odino sakey a bagat a panumpal na sipan, odino sakey a bagat a manlapud mabolus a linawa, odino sakey a bagat no silibraan yo ray niganan pista yo; makapaliket ed Katawan so balingit na sarayan bagat.

Saray Gawgawa 10:4

Ninengneng ton maung imay anghil tan agaylay takot ton inmebat, “Antoman?” Inmebat imay anghil, “Binirbir na Dios so panagpikasim tan panagtulong mod kaparam a too, tan anunotan to ka.

2 CORINTO 11:8

Sananey iran iglisia so naniiter na nakaukolan ko nen manlilingkur ak ed sikayo. Singa tinakewan ko ra, pian natulongan ta kayo.