FILIPOS 4:1 - Maung A Balita Biblia

¹ Kanyan sirin, inararon agagi, mailiw ak ed sikayo! Sikayoy liket ko tan ikikinun ta kayo! Mansiansia kayon malet ed pambibilay yod Katawan, inararok ira.

Maung a Balita Biblia

¹ Kanyan sirin, inararon agagi, mailiw ak ed sikayo! Sikayoy liket ko tan ikikinun ta kayo! Mansiansia kayon malet ed pambibilay yod Katawan, inararok ira.

FILIPOS 4:1 Referans Kwoze

FILIPOS 1:27

Kanyan, agagi, gawa yoy anggaay nayarian yon mambilay onung ed Maung a Balitan nipaakar ed Cristo. Diad ontan, makakar ak man ditan a nanengneng ta kayo o andi la, narengelan kon mansiasiansia kayod saksakey a getma tan mankakasakey kayon mangyagel ed Maung a Balita.

1 CORINTO 16:13

Manalwar kayo, mampabiskeg kid pananisia, mampakpel kayoy linawa, tan mampabiskeg kid laman yo.

FILIPOS 2:16

legan yon ipupulong ed sikaray salitan mangiter na bilay. No onyay gawaen yo, nayarian ta kin ikinun no Agew nen Cristo, ta ag adarak iray sagput tan kimey ko.

Saray Salmo 27:14

Manmatalek kad Katawan. Mampabiskeg ka, pakpel moy linawam. On, manmatalek kad Katawan.

1 CORINTO 15:58

Kanyan, inararok iran agagi, mansiansia kayon malet tan ag nagiing. Mankoli kayod panagkimey a para Katawan, ta amta yon ag nadarak so pansasagput yod Katawan.

FILIPOS 1:8

Kabat na Dios a say pampilpilalek kon makapinengneng ed sikayo et manlalapud dilin panangaro nen Cristo Jesus.

Saray Hebreo 10:23

Paeleten tayoy ilalo tayo tan ag tayo mapaga, ta matoor so Dios a nansipan ed sikatayo.

Saray Taga Roma 2:7

Saray ag ontondan manggaway kamaungan, mananap na galang, dayew, tan ag ipatey, naitdan iray bilay ya andi-anggaan.

Juan 8:31

Kanyan inkuanen Jesus ed saray Judion anisiad sikato, “No mansiansia kayon mangonur ed salitak, petepeteg kayon disipulok.

2 Timoteo 2:1

Sika, anak kon Timoteo, mampabiskeg kad panamegley na panangasin agamuran tayo diad pikakasakey ed Cristo Jesus.

FILIPOS 2:26

Makakailiw lad sikayon amin tan mapagpaga, ta nadngelan yoy impansakit to.

2 CORINTO 1:14

so ag yo natalusan a maung natan, pian diad Agew na Katawan a Jesus, et ikinon yo kami a singa pangikinon mid sikayo.

Saray Gawgawa 11:23

Nen sinmabid man tan anengneng toy pamibindision na Dios ed sikara makaliliket, tan binilin to ran amin a mansiansia ran matoor tan matwa ed Katawan diad intiron puso ra.

Saray Gawgawa 2:42

Intuloy day nanaaral ed saray apostol. Akiolup met iran sililiket ed saman ya olupan, tan akinabang irad panagpisag na tinapay, tan diad panagpikasi.

Saray Salmo 125:1

Saray manmamatalek ed Katawan et singa ra Palandey na Sion, ya ag balut nagalaw, no ag ingen mansiansia lawas.

2 Pedro 3:17

Natan ta amta yo la ya, inararon agagi, nepeg yoy manalwar, ompan nibalang kayo na saray pikewet a bangat da ray totoon maoges, tan nataynan yod satay maung a kipapasen yo.

Saray Hebreo 4:14

Kanyan pabiskegen tayo lawas so pananisia tayo, ta walay matalonggaring a Pangulon Pari tayo a linmoob ed kawalaay Dios—si Jesus ya Anak na Dios.

Saray Hebreo 3:14

Ta kaiba to itayon amin nen Cristo, no pansiansiaen tayon malet ya anggad kaonuran so panagmatalek a wala lad sikatayo nen saman.

2 TESALONICA 2:15

Kanyan agagi, mansiansia kayon malet a mangegna ed saray katwaan ya imbangat mid sikayo, diad panamegley na impanpulong o impansulat mid sikayo.

COLOSAS 4:12

Papaibanoan met so sakey nin kabyangay moyung yo, si Epafras a managlingkur nen Cristo Jesus. Masimoon ton ipipikasi lawas a magmaliw kayo komun a mabiskeg, tan ayadyari ya anggapoy panduaruwaan ed panangonur na linaway Dios.

TAGA GALACIA 5:1

Walad sikatayoy kawayangan, ta imbolus itayo nen Cristo! Pansiansia yon malet sirin yan kipapasen yo, tan ag kayo papaaripen lamet.

Saray Gawgawa 14:22

Pinabiskeg day linawa na saray disipulo, tan binilin da a mansiansia ran matoor ed pananisia. Inkuanda met ed sikara, “Dakel iray nepeg tin palabasen ya irirap diad iloob tayod Panariay Dios.”

1 TESALONICA 3:13

Pabiskegen tod satan so linawa yo, tan magmaliw kayon masanto tan anggapoy pakabalawan ed arap na Dios tan Ama tayo, no onsabiy Katawan tayon Jesus a kaiba ton amin iray totoo to.

Mateo 10:22

Lapud itotombuk yod siak, bosulen kayoy amin a totoo. Balet nilaban so toon mansiansian anggad kasamputan.

Say Libro nen Job 31:36

sililiket ko ran sakbaten ed takeb ko odino agtoen ira a singa korona.