FILIPOS 3:5 - Maung A Balita Biblia

⁵ Asegat ak nen kumawalon agew na inkianak ko. Talagan Israelita ak, nanlapu ak ed boleg nen Benjamin, tan nianak ak a Hebreo. No nipaakar ed pananumpal na ganggan so pantotongtongan, sakey ak a Pariseo.

Maung a Balita Biblia

⁵ Asegat ak nen kumawalon agew na inkianak ko. Talagan Israelita ak, nanlapu ak ed boleg nen Benjamin, tan nianak ak a Hebreo. No nipaakar ed pananumpal na ganggan so pantotongtongan, sakey ak a Pariseo.

FILIPOS 3:5 Referans Kwoze

2 CORINTO 11:22

Hebreo ta ra? Hebreo ak met. Israelita ta ra? Israelita ak met. Anak ira nen Abraham? Anak to ak met.

Saray Taga Roma 11:1

Onyay tepet ko natan sirin: Impolisay na Dios kasi ray totoo ton dili? Andi! Sakey ak met ya Israelita, kabyangan ak na boleg nen Abraham tan say tribu nen Benjamin.

Saray Gawgawa 23:6

Nen anengneng nen Pablo a wadman iray pigaran Saduseo tan saray arum a Pariseo, inkuantod maksil a bosis, “Agagi, sakey ak a Pariseo tan anak na saray Pariseo. Iimbistigaen da ak natan, lapud ilalok ya onolid bilay iray inaatey.”

Saray Gawgawa 22:3

“Sakey ak a Judio, nianak ak ed Tarso ed Cilicia, balet dia ak binmaleg ed Jerusalem. Nanaral ak ed kinen Gamaliel, tan malet so inkabangat kod Ganggan da ray lalaki tayo. Maseseg so impanlilingkur kod Dios, a singa gagawaen yon amin a wadya natan.

Lucas 1:59

Nen waloy agew to la may ogaw, dinmago ray totoon manegat ed sikato. Zacarias komuy pangingaran dad sikato pian iboloy dad kinen ama to,

Saray Gawgawa 6:1

Ag abayag, nen ondarakel la ray mananisia, saray Judio a Grigo so salita ra et nanriklamo ra sumpad saray Judion nianak lad man. Napapaolyanan ira konoy bibiin balo ed sikara diad inagew-agew a panagbunog na pambilay.

Lucas 2:21

Kasabiy kumawalon agew, sinegat da may ogaw tan Jesus so impangingaran dad sikato. Saya may ngaran ya inter na anghil kasakbayan a ninginew imay ogaw.

Jonas 1:9

“Sakey ak a Hebreo,” ebat nen Jonas. “Mangigagalang ak ed Katawan a Dios na tawen, say nanggawad dalin tan say dayat.”

1 Samuel 4:6

Nadngel na saray Filisteo so eyagan, tan kuanda, “Dengel yoy maksil ya eyagan ed kampo da ray Hebreo! Anto kasiy kabaliksan to?” Nen naamtaan da a sinmabid kampo da ray Hebreo so Kaban na Sipanan na Katawan,

Genesis 40:15

Diad tuay tua, inala ak labat ed dalin da ray Hebreo, tan anggan diad Egipto anggapoy ginawak a makasengeg na kaprisoan ko.”

Genesis 14:13

Balet walay toon akabatik tan imbaga to ra yan amin ed kinen Abram a Hebreo, a manaayam ed abay na saray masanton kiew nen Mamre ya Amorreo. Si Mamre tan di Escol tan Aner ya agagi to et kagampi ray Abram.

Genesis 41:12

Walad may kaiba min sakey a Hebreon malangwer ya aripen na kapitan da ray guardia. Imbaga mid sikato ra may kogip mi, insan to ra impatalus.

Lucas 5:38

Nepeg a say balon alak ikargad balo met a pananginan!