FILIPOS 3:17 - Maung A Balita Biblia

¹⁷ Mankakasakey kayon onalig ed siak, agagi. Imano yo ray totoon ontotombuk ed oliran ya intilak mid sikayo.

Maung a Balita Biblia

¹⁷ Mankakasakey kayon onalig ed siak, agagi. Imano yo ray totoon ontotombuk ed oliran ya intilak mid sikayo.

FILIPOS 3:17 Referans Kwoze

FILIPOS 4:9

Gawa yo ray bengatla onung na naaral, naawat, nadngel tan anengneng yod siak. Diad ontan, niwalad sikayoy Dios a manangiter na kareenan.

1 CORINTO 4:16

Kerewen ko sirin ya alig yo ak.

1 Pedro 5:3

Ag yo aaripenen iray nipaliman asikasoen yo, no ag ingen magmaliw kayon oliran na poluk na saray karniroy Dios.

2 TESALONICA 3:9

Aliwan say anggapoy kanepegan min mangawat, balet ginawa mi man pian aligen yo kami.

Saray Hebreo 13:7

Nunot yo ray inmoonan pangulo yo a nampulong ed sikayoy salita na Dios. Nunot yo no antoy nansumpalay bilay da, tan alig yoy pananisia ra.

1 Timoteo 4:12

Ag mo aabuloyan a lemlemewen kay siopaman lapud kinaogaw mo. Ingen, sika komuy oliran da ray mananisia diad panagsalitam, kagagawam, panangarom, pananisiam, tan malinis a panagbilay mo.

2 TESALONICA 3:7

Kabkabat yo a nepeg yo kamin aligen ed saray ginagawa mi. Makokoli kami nen wadtan kami.

1 CORINTO 10:32

Mambilay kayo ya aliwan sikayoy panlapwan na pankasalanay siopaman—saray Judio, saray Grigo, o saray kabyangay iglisia na Dios.

2 TESALONICA 3:14

No wala bilang so ag mangonur ed saray ibabaga mid sayan sulat, tandaan yo tan ag yo pipiolupan, pian ombaing.

1 TESALONICA 1:6

Inalig yo kami tan say Katawan. Diad impangawat yoy Maung a Balita, nanlikna kayoy ontan lan kairapan; balet anggaman ontan, walad sikayoy liket a manlalapud Ispiritu Santo.

Saray Taga Roma 16:17

Kerewen kod sikayo, agagi, alwaran yo ray manangigapoy pansisian da ray kabyangay iglisia, a dederalen day pananisiay totoo tan susumlangen day bangat ya inawat yo. Paliisan yo ra.

Saray Salmo 37:37

Imanom so toon maung, asikasom so toon matonung; say toon maarod kareenan et wala ray kabyangay boleg to,

1 CORINTO 11:1

Alig yo ak sirin, a singa pangaalig kod Cristo.