FILIPOS 3:1 - Maung A Balita Biblia

¹ Kaonuran, agagi, manliket kayo ed Katawan. Ag ak onsawan mangolit-olit a mangisulat ed sikayo ra yan bengatla; andi bali ta pankaabigan yo met lamlamang.

Maung a Balita Biblia

¹ Kaonuran, agagi, manliket kayo ed Katawan. Ag ak onsawan mangolitolit a mangisulat ed sikayo ra yan bengatla; andi bali ta pankaabigan yo met lamlamang.

FILIPOS 3:1 Referans Kwoze

FILIPOS 4:4

Manliket kayo lawas ed Katawan. Oliten ko: manliket kayo!

Saray Taga Roma 5:11

Aliwan saya labat, makaliliket itayo nid Dios diad panamegley nen Jesu-Cristo a Katawan tayo, ta lapud sikato nagmaliw ti lan kakaaroy Dios.

Santiago 1:2

Agagi, panliketan yo so panlilikna yoy nandoroman subsubok na bilay,

1 Pedro 4:13

Ingen, manliket kayo ta minanabang kayod saray kairapan nen Cristo, pian napano kayoy liket no nipaamta lay kagalangan to.

1 TESALONICA 5:16

Manliket kayo lawas.

FILIPOS 4:8

Kaonuran ni, agagi, nepeg a pinunot yo ray bengatlan maabig tan nepeg ya itanduro: saray matwa, masimpit, maptek, malinis, makaayayat, tan mapagalang.

1 Pedro 3:8

Kaonuran, nepeg a mankakasakey kayod kanunotan tan liknaan. Nepeg a panaaroway sanaagi so panaarowan yo; mapangasi tan mapaabeba kayo.

2 CORINTO 13:11

Salaya, agagi, tan mampatanir ak la. Panseetan yoy pagmaliw yon ayadyari, onur yo ray bangat ko, mankakasakey kayod kanunotan, tan mambilay kayon mareen. Diad ontan, say Dios na aro tan kareenan so niwalad sikayo.

2 Pedro 3:1

Inararon agagi! Kumadwa la yan sulat kod sikayo. Diad sarayan duan sulat, sinalik ya ipaliing ed sikayo ray malinis a kanunotan diad panamegley na pangipanunot kod sarayan bengatla.

TAGA-EFESO 6:10

Kaonuran, mampabiskeg kayo diad pikakasakey yod Katawan tan diad tulong na mabiskeg a pakayari to.

Lucas 1:47

tan manliket so ispirituk lapud Dios a Manangilaban ko,

Zacarias 10:7

Magmaliw a mabiskeg a singa saray sondalo iray totood Israel, magmaliw iran maliket a singa totoon maniinom na alak. Nanunotan na saray kabyangay boleg da yan pananalo tan manliket ira lapud saray ginawa na Katawan.

Sofonias 3:17

Walad sika so Katawan a Dios mo; panaloen ka na pakayari to. Manliket so Katawan ed sika, tan lapud panangaro to itdan to kay balon bilay Mankanta tan manliket ed sika,

Sofonias 3:14

Mankanta tan eyag kayod liket, sikayon totood Israel! Manggaya kayod intiron puso yo, sikayon totood Jerusalem!

Joel 2:23

“Manliket kayo, sikayon totood Sion, manliket kayod saray ginagawad sikayo na Katawan a Dios yo. Initdan to kayo na nagnap ya oran ed tiagew, impelag toy oran a para sikayo no panaoy ambetel tan pinaoran ton singa gendat no nepnep.

Saray Salmo 37:4

Say Katawan so pananapan moy liket mo, et iter tod sika ray pampipilalekan na pusom.

Saray Salmo 32:11

Sikayo ran totoon matonung, manliket tan manggayaga kayo, lapud saray ginagaway Katawan! Amin yon matoluk ed sikato, iyeyag yoy liket yo!

Say Libro nen Job 22:26

Diad ontan manmatalek ka lawas ed Dios tan narumog mo a sikatoy sobul na gayagam.

1 Saray Awaran 29:22

Kanyan diad saman ya agew malikeliket ira legan dan nanaakan tan naniinom diad arap na Katawan. Imbawag dan manari si Solomon; kumadwa la yan impangibawag da. Diad ngaran na Katawan nilanaan da a manoley ed sikara tan nilanaan da met a mampari si Sadoc.

FILIPOS 3:3

Ta aliwan sikara, no ag ingen sikatayo so angawat na tuan segat, ta igagalang tayoy Dios diad panangiwanwan na Ispiritu to, tan manliliket itayod pikakasakey tid Cristo Jesus. Ag tayo panmamatalekan iray nanengneng a totontonen.

Mateo 5:12

Manliket tan manggayaga kayo, ta balbaleg so tumang yod tawen. Onya met so impampapairap na totood saray propita ya akaonan nambibilay nen sikayo.”

Isaias 61:10

Manliket so Jerusalem lapud ginagawa na Katawan. Sikatoy singa nubian akasolung na kawes a para kasal to. Say Dios kinawesan to na kilalaban tan pananalo.

Isaias 41:16

Ibontuk yo ra ed tagey; ibatik ira na dagem, tan itaytayak ira na bagyo. Diad satan manliket kayo ta siak so Dios yo; idayew yo ak, say masanton Dios na Israel.

Saray Salmo 149:2

Israel, manggayaga ka lapud Manamalsam; totoo na Sion, manliket kayo lapud ari yo!

Saray Salmo 97:1

Ari so Katawan! Manggayaga ka, O dalin! Manliket kayo, amin yon isla na saray dayat!

Saray Salmo 42:4

Onsasakit so pusok kapag nanununotan ko ray agawa nen saman, nen kaibak iray karaklan a linmad abung na Dios, tan inwanwan ko rad panaakar da; malikeliket iran mankankanta tan maneeyag na dayew ed Dios.

Saray Salmo 5:11

Balet manliket ya amin iray sinmalimbeng ed sika; lapud liket da makapankanta ra lawas. Iyagel mo pa ray mangaarod sika; lapud sika tuan maliket ira.

Nehemias 8:10

Sempet ki la ta mampista kayo. Iyapag yod saray kulang so paraan iray kakanen tan alak yo. Masanto yan agew ed Katawan tayo, kanyan ag kayo maneermen. Pabiskegen kayo na liket ya iter ed sikayo na Katawan.”

1 Saray Awaran 16:10

Manggayaga kayo, ta kayaryan to itayo; manliket komun ya amin iray mangigagalang ed Katawan!

1 Saray Awaran 15:28

Kanyan amin da ray Israelita inolup da ya anggad Jerusalem imay Kaban na Sipanan a kataruk day eyag na liket, tanul na saray trumpita, tambuyog, piangpiang, tan togtog na saray arpa.

1 Samuel 2:1

Nampikasi si Ana: “Say Katawan pinano toy liket so pusok; agaylay liket ko lapud ginawa to. Elekan ko ray onlalaban ed siak; agaylay gayagak ta tinulongan ak na Dios.

Deuteronomio 16:11

Manliket kayo ed arap na Katawan a pati saray anak yo, saray aripen yo, tan saray Levita, saray sangkaili, saray olila, tan saray balon bibii a manaayam ed saray baley yo. Gawa yo yad samay pasen a panangigalangan.

Deuteronomio 12:18

Sikayo tan saray anak yo, a pati saray aripen yo tan saray Levitan manayam ed saray baley yo, et kanen yo ra yan bagat dia labat ed arap na Katawan a Dios yo, diad saksakey a pasen a panangigalangan a pilien na Katawan a Dios yo. Panliketan yod man iray saray ginagawa yo.

1 TESALONICA 4:1

Kaonuran, peteg a mambibilay kayon makapaliket ed Dios onung na naaralan yod sikami. Natan balet, kerewen tan simbawaen mi kayo diad ngaran na Katawan a Jesus, a lalon mambilay kayon makapaliket ed Dios.

Isaias 65:14

Mankanta rad liket, balet manakis kayo lapud sakit na pagew.

Saray Salmo 33:1

Sikayo ran totoon matonung, iyeyag yoy liket yo, lapud saray ginagaway Katawan; idayew yo, sikayo ran matoluk ed sikato.