FILIPOS 2:29 - Maung A Balita Biblia

²⁹ Manliket ki sirin ed pangawat yod sikato a singa pangawat yod sakey ya agid Katawan. Pagalangan yo ray totoon singa sikato,

Maung a Balita Biblia

²⁹ Manliket ki sirin ed pangawat yod sikato a singa pangawat yod sakey ya agid Katawan. Pagalangan yo ray totoon singa sikato,

FILIPOS 2:29 Referans Kwoze

1 Timoteo 5:17

Nakaukolan a dobli so upa ya awaten da ray mamatakken a marakep so pangipapangulo ra, lautlad saray mamapasyan mampupulong tan mambabangat.

1 TESALONICA 5:12

Kerewen mid sikayo, agagi, a pagalangan yo ray kumikimey a kaiba yo, ta sikaray pinili na Katawan tan sikaray manangiwanwan tan managsimbawa yo.

1 CORINTO 16:18

Niligliwa da ak, a singa impanligliwa rad sikayo. Manepeg a birbiren yo ray ontan a totoo.

Saray Taga Roma 16:2

Lapud Katawan, awat yo onung na kanepegan a gawaen da ray totooy Dios, tan iter yo pay antokaman a nakaukolan tod sikayo, ta amayamay iray tinulongan to, tan siak so sakey ed sikara.

2 CORINTO 10:18

Aliwan say toon ipasirayew toy sikaton dili so manepeg, no ag ingen say toon itanduro na Katawan.

1 CORINTO 16:10

No onsabid tay Timoteo, paliket tan pabiskeg yoy loob to diad pilimug tod sikayo, ta kaparak a manlilingkur ed Katawan.

3 Juan 1:10

Kanyan no onla ak ditan, tawagen koy imano to nipaakar ed saray ginagawa to: saray maoges a salitan impantatalobutob tod sikami. Ag ni apera ed sayan ginagawa to. Anta ag to la awaten iray agagin onsabi, sesebelan to ray malabay a mangawat ed sikara tan papaekalen to ni ra ed iglisia!

Saray Hebreo 13:17

Toluk kayod saray pangulo yo tan sumpal yo ray ganggan da. Aasikasoen da ray kamarerwa yo, ta ebatan dad Dios yan panlilingkur dad sikayo. No onuren yo ra, maliket iran manumpal na kanepegan da; no andi, maermen iran manumpal, tan anggapoy kamaungan a niiter to yad sikayo.

COLOSAS 4:10

Papaibanoay Aristarco a kaibak dian apriso, tan si Marcos a kapinsan nen Bernabe. (Wala la may bilin kod sikayon nipaakar ed kinen Marcos—maliket kayo komun a mangawat ed sikato.)

2 CORINTO 7:2

Itdan yo kamiy pasen ed puso yo. Kapigan man, anggapod sikayoy nanggawaan miy kaogsan, dineral, o sinaol mi.

Saray Taga Roma 10:15

Tan panon a makapampulong iray Maung a Balita, no ag ira imbaki? Onung na ibabagay Masanton Sulat, “Agaylay abig a nengnengen so isabi da ray managpulong na Maung a Balita!”

Saray Gawgawa 28:10

Amayamay so inririgalo rad sikami, et, nen onla kami la, inyakar dad barko ray nakaukolan mi.

Saray Gawgawa 8:8

Kanyan awalaay baleg a liket iman a siudad.

Saray Gawgawa 2:46

Inagew-agew iran nantitipon ed Timplo, nampipisag iray tinapay ed saray abung da, tan nandorongo ran maliket tan mapaabeba so puso ra.

Juan 13:20

Ibagak ed sikayoy katwaan: say mangawat ed siopaman ya imbakik awaten to ak met, tan say mangawat ed siak awaten to met so angibakid siak.”

Lucas 9:5

No ag kayo awatey totoo ed sakey a baley, taynan kid man tan pokpok yoy dabuk ed saray sali yo, a tanda na maoges a ginawa ra.”

Isaias 52:7

Agaylay abig a nengnengen so ibabaki ya onsasabin bebeltangen toy kapalandeyan a taruk toy maung a balita, say balita na kareenan! Ibabawag toy pananalo tan kuantod Sion, “Ari so Dios mo!”

FILIPOS 2:28

Kanyan maseet ak a mangibakid sikatod tan, pian makaliliket kin makanengneng ed sikato lamet. Maung met pian nabawasay pagak.