FILIPOS 2:14 - Maung A Balita Biblia

¹⁴ Gawa yo ray amin a kimey ya anggapoy ngorongoro tan sangsangan,

Maung a Balita Biblia

¹⁴ Gawa yo ray amin a kimey ya anggapoy ngorongoro tan sangsangan,

FILIPOS 2:14 Referans Kwoze

1 Pedro 4:9

Balang sakey ed sikayo nepeg a sililiket a mamatuloy ed abung to na agi to.

1 CORINTO 10:10

Ag itayo nepeg a manriklamo, a singa ginagaway arum ed sikara, kanyan pinapatey iray Anghil na Patey.

FILIPOS 2:3

Ag kayo manggagaway antokaman lapu labat ed siblet yo o lapud labay yoy mampasirayew; mampaabeba kayo ingen tan ipasen yo ray arum a totoo a maung ira nen say sikayon dili.

Santiago 5:9

Agagi, ag kayo mansasalitay maoges a sumlang ed sakey tan sakey, pian ag kayo sintinsiaay Dios. Maganggano lan onsabiy Huis!

Saray Taga Roma 12:18

No nayari, diad anggaay nayarian yo, piolupan yon amiy too.

1 TESALONICA 5:15

Ag kayo ombabawid saray nanggaway maoges ed sikayo, no ag ingen manggawa kayo lawas na pankaabigay sakey tan sakey ed sikayo tan amin a katoowan.

Santiago 1:20

Ta say pasnuk na too ag makatulong ed panumpal na matonung a getmay Dios.

TAGA GALACIA 5:26

Ag tayo nepeg so mampasirayew, mankokolkol, odino maniimonan.

TAGA GALACIA 5:15

Balet no singa kayo ayayep a mankeketketan tan mampapasakitan, manalwar kayo ta ompan naoput kayo.

Santiago 3:14

Balet no manarid puso yoy ampait ya imon tan pantatalonaan, ag yo nepeg itan ya ipasirayew, tan ag kayo mantitila sumpad katwaan.

Saray Taga Roma 14:1

Awat yoy agi yon makapoy ed pananisia, balet ag kayo la misasangsangan ed sikato nipaakar ed dilin pakatalus to.

Saray Salmo 106:25

Ngorongoro rad dalem na saray tulda ra, tan ag ira dinmengel ed Katawan.

Judas 1:16

Mariklamo ra yan totoo tan managtetel irad saray arum; oonuren day maoges a pilalek na laman, mapaatagey irad panagsalita, tan papalingoen da ray arum, pian naala ray labay da.

1 Pedro 3:11

Nepeg to lan ibeneg so kaogsan tan manggawa lay kamaungan; nepeg to met lan anapey kareenan tan pampilalekay pambilay a mareen.

Saray Hebreo 12:14

Gawa yoy anggaay nayarian yo a mikaarod amin a too tan mampasanto kayo, ta no ag ya gawaen na siopaman, ag to nanengneng so Katawan.

Saray Taga Roma 16:17

Kerewen kod sikayo, agagi, alwaran yo ray manangigapoy pansisian da ray kabyangay iglisia, a dederalen day pananisiay totoo tan susumlangen day bangat ya inawat yo. Paliisan yo ra.

Saray Gawgawa 15:2

Sinumlang ya nen Pablo tan Bernabe tan pinmetang so impansasangsangan da. Kanyan nampapaknaan da ya ibaki ed Jerusalem ira di Pablo tan Bernabe tan saray arum ya agagin taga Antiokia, ta itepet da yan gotgotan ed saray apostol tan saray mamatakken diman.

Saray Gawgawa 6:1

Ag abayag, nen ondarakel la ray mananisia, saray Judio a Grigo so salita ra et nanriklamo ra sumpad saray Judion nianak lad man. Napapaolyanan ira konoy bibiin balo ed sikara diad inagew-agew a panagbunog na pambilay.

1 TESALONICA 5:13

Iter yod sikaray sankabalgan a panamagalang tan panangaro lapud kimey a gagawaen da. Gawa yon mareen so panoolup yo.

Saray Bilang 14:27

“Kapigay itondan manriklamo sumpad siak ira yan maoges a totoo? Alabas lay nadngel kon riklamo ra!

2 CORINTO 12:20

Mapaga ak, ta ag la pigan no onla ak ditan, et narumog kon nidoma kayod labay kon kipapasen yo tan nidoma ak ed labay yon kipapasen ko. Ompano narumog kon walay pankokolkolan, paniimonan, pampepetangay olo, pansisibletan, pampapaogesan, pantatalabutoban, pampapaatageyan, tan panggogolowan.

Saray Gawgawa 15:39

Ampetang so impansangsangan da, kanyan nansian iran dua. Intagar nen Bernabe si Marcos tan binmaliw iran linmad Chipre.

Saray Gawgawa 15:7

Kayariy andokey a sangsangan, inmalagey si Pedro tan inkuanto, “Agagik ira, kabat yo a diad simpuk tayo, say Dios pinili to ak nen saman a mampulong ed saray Hintil na Maung a Balita, pian narengel da tan manisia ra.

Marcos 14:5

Inlako la komun na masoluk a talon lasus a dinario, insan inter ed saray mairap-bilay so nanlakoan!” Ontan lay impambalaw dad samay bii.

Mateo 20:11

Kapangawat da, nanriklamo rad samay ankankiey kaubasan.

Probirbio 13:10

Say panagpaatagey panlalapwan na gunigon. Magmaung niy onkerew na simbawa.

Marcos 9:14

Kasempet da, anengneng day amayamay a totoon akamokut ed saray disipulon atilak. Misasangsangan iray iskriba ed sarayan disipulo.

Lucas 5:30

Ngoro-ngoro ray Pariseo tan saray iskriban kabyangan da. Tinepet dad saray disipulo nen Jesus, “Akin et mangakan tan oniinom kayo a kaiba yo ray sumisingil na buis tan saray makasalanan?”