FILIPOS 1:6 - Maung A Balita Biblia

⁶ Ag ko panduaruwaan ya isumpal na Dios so inggapo tod sikayon maung a gawa, anggad isabi na Agew nen Jesu-Cristo.

Maung a Balita Biblia

⁶ Ag ko panduaruwaan ya isumpal na Dios so inggapo tod sikayon maung a gawa, anggad isabi na Agew nen Jesu-Cristo.

FILIPOS 1:6 Referans Kwoze

FILIPOS 2:13

ta say Dios so mangiiter ed sikayoy panlabay tan pakayarin manggawad linawa to.

TAGA-EFESO 4:12

Ginawa to ya a pangiparaan tod amin a totooy Dios ed panlingkur da, pian ombolaslas so iglisia, say laman nen Cristo.

1 Pedro 5:10

Kasumpal na panirap yon magano, say Dios a sobul na amin a panangaro tan sikatoy anawag ed sikayon minabang ed andi-anggaan a kagalangan to, diad panamegley na pikakasakey ed Cristo, et pagmaliwen to kayon ayadyari, pabiskegen, tan paeleten to kayo.

Saray Salmo 138:8

Sumpalen mon amin iray insipan mod siak; Katawan, andi-anggaan so panangarom. Sumpal mo pay kimey ya inggapom.

1 CORINTO 1:8

Antabayen kayoy Dios anggad kaonuran, pian anggapoy pakadusaan yo no Agew na Katawan tin Jesu-Cristo.

2 TESALONICA 1:11

Sikato yay makasengeg na lawas min pangipipikasid sikayo. Kekerewen mid Dios tayo a gawaen to kayon manepenepeg ed bilay ya anawagan tod sikayo. Iyabuloy to komun, diad panamegley na pakayari to, a nagamuran yoy amin a maung a pilalek yo tan nasumpal yoy amin a kimey a bungay pananisia yo.

Saray Hebreo 10:35

Ag yo sirin papakapoyey linawa yo, ta balbaleg so tumang ya awaten yon iter to.

Juan 6:29

Inmebat si Jesus, “Niay pagagaway Dios ed sikayo: manisia kayod imbaki to.”

FILIPOS 1:10

pian napili yoy sankamaungan ed amin a bengatla. Diad ontan nasabian kin malinis tan anggapoy pakabalawan no Agew nen Cristo.

Saray Hebreo 12:2

Ag tayo nepeg ya alisay mata si Jesus a sikatoy nanlapwan tan pansumpalay pananisia tayo. Lapud liket a manaalagar ed sikato, ag to imbaing so ompatey ed krus, tan akayorung natan ed nikawanay trono na Dios.

1 TESALONICA 1:3

Diad arap na Dios tan Ama tayo, nanunotan miy kimey yon bungay pananisia yo, say pamapasya yon mankimey lapud panangaro, tan say malmalet ya ilalo yod Katawan tayon Jesu-Cristo.

Filemon 1:21

Ag ko panduaruwaan, legan kon isusulat ya, a gawaen mo ray kekerewen kod sika, tan amtak a pasolukan mo ni ingen.

FILIPOS 1:29

Ta naitdan kayoy pankanawnawan manlingkur ed Cristo, aliwa labat a diad panisia yod sikato, no ag dia met ed panirap yo para sikato.

2 TESALONICA 3:4

Say Katawan so mangiiter na panmamatalek mid sikayo; ag mi panduaruwaan a gagawaen yo, tan ituloy yon gawaen iray ingganggan mid sikayo.

COLOSAS 2:12

Ta nen abinyagan kayo, nipompon kayon kaiba nen Cristo tan inmoli kayod bilay a kaiba to, lapud pananisia yod pakayariy Dios, ya amaolid bilay ed Cristo.

2 CORINTO 7:16

Agaylay liket ko, ta nagnap a napanmatalkan ta kayo!

Saray Gawgawa 11:18

Nen nadngel da ya, intonda ray pantetetel da tan indayew day Dios. “No ontan sirin,” inkuanda, “initday Dios met iray Hintil na pankanawnawan magbabawi ed saray kasalanan da, pian nagamuran day bilay!”

Saray Gawgawa 16:14

Sakey ed saray nandengel ed sikami et si Lydia a taga Tiatira tan managlakoy granati ran abel. Mangigagalang ed Dios yan bii. Nilokasan na Katawan so kanunotan to, pian asikasoen toy ibabaga nen Pablo.

TAGA GALACIA 5:10

Lapud pikakasakey tid Katawan, maniilalo ak ya ag mangomay kanunotan yo nipaakar ed saya, tan maniilalo ak met a dusaen na Dios so anggan siopa a toon manggugunigon ed sikayo.

2 Pedro 3:10

Balet onsabin singa sakey a matakew so Agew na Katawan. Diad satan ya Agew, naandipat iray katawenan a katekep na makmaknul ya ungol. Napoolan tan natonaw iray bitewen, say agew, tan say bulan; naandipat so mundo, pati amin a logan to.

2 CORINTO 9:4

Ta ompan wala ray milan taga Macedonia ed siak et naalmoan dan ag kayo akaparaan, nabaingan kamid satan—ag ko ibagay pati sikayo—ta mapalaloy panmamatalek mid sikayo.

2 CORINTO 2:3

Kanyan sinulat ta ki ni, ta ag la pigan napaermen ak na saray totoon nepeg a mamaliket ed siak. Ta manisia ak a say liket ko liket yo met ya amin.

2 CORINTO 1:15

Mailalo ak ed saya, kanyan implanok ya onona a bisitaen ta kayo, pian nadobliay liket yo.

FILIPOS 2:12

Kanyan, inararon agagi, bangta maonur kayo lawas nen kaiba yo ak, nepeg a lalon maonur kayo natan ya andid tan ak ed sikayo. Mankimey kayon katekep na takot tan giwgiw anggad nagnagnap lay kilalaban yo,

FILIPOS 2:16

legan yon ipupulong ed sikaray salitan mangiter na bilay. No onyay gawaen yo, nayarian ta kin ikinun no Agew nen Cristo, ta ag adarak iray sagput tan kimey ko.