FILIPOS 1:15 - Maung A Balita Biblia

¹⁵ Tua ya ipupulong na arum si Cristo lapud pangiimon da tan labay day manggolo, balet ipupulong na arum lapud maung a getma.

Maung a Balita Biblia

¹⁵ Tua ya ipupulong na arum si Cristo lapud pangiimon da tan labay day manggolo, balet ipupulong na arum lapud malinis a getma, no ag ingen maung a getma.

FILIPOS 1:15 Referans Kwoze

FILIPOS 2:3

Ag kayo manggagaway antokaman lapu labat ed siblet yo o lapud labay yoy mampasirayew; mampaabeba kayo ingen tan ipasen yo ray arum a totoo a maung ira nen say sikayon dili.

2 CORINTO 11:13

Tila-tila ra tan ya “apostol”, manlilingo ra labat tan mialalig iran apostol nen Cristo.

2 CORINTO 4:5

Ipupulong mi a Katawan si Jesu-Cristo; ag mi ipupulong so laman min dili. Aripen yo kami lapud kinen Jesus.

2 CORINTO 1:19

Ta say Anak na Dios a si Jesu-Cristo ya impulong mi di Silvano tan Timoteo et aliwan “On” natan et kabebekta “Andi,” no ag ingen sikatoy “On” na Dios,

Mateo 23:5

Labay da labat ya ipanengneng ed saray totoo iray amin a gagawaen da. Nengneng yoy kakabaleg na pilaktiria a pangiinan day bersikuloy Masanton Sulat ed muling da! Nengneng yo met so ontan lan karokey na palagaygay na kawes da!

1 Timoteo 3:16

Anggapoy makapangibori no panoy kabaleg na niamut a katwaan na rilihion tayo. Sikatoy pinmanengneng a sakey a too, pinaneknekan na Ispiritu a sayan too et maptek, tan anengneng na saray anghil. Nipulong ed nandoroman bansa, sinisia na saray katoowan, tan niatagey ed tawen.

TAGA GALACIA 2:4

Balet talagan labay a pasegat lawari na saray arum a totoon mankonkuanan ya agagi tan akilimuglimug irad sikami, pian nasiim day kawayangan ya inter nen Cristo Jesus ed sikami. Labay dan paaripen kami,

2 CORINTO 12:20

Mapaga ak, ta ag la pigan no onla ak ditan, et narumog kon nidoma kayod labay kon kipapasen yo tan nidoma ak ed labay yon kipapasen ko. Ompano narumog kon walay pankokolkolan, paniimonan, pampepetangay olo, pansisibletan, pampapaogesan, pantatalabutoban, pampapaatageyan, tan panggogolowan.

1 CORINTO 13:3

Anggaman ya iter kod saray mairap-bilay iray amin a kayaryan ko, o ibagat koy laman kon papoolan, no anggapo balet so arok, anggapoy kaabigan a niiter to yad siak.

1 CORINTO 1:23

Balet no nipaakar ed sikami, ipupulong miy Cristo a nipasak ed krus, sakey a bangat a diad saray Judio et pakatumbaan tan diad saray Hintil et anggapoy kabaliksan.

Saray Gawgawa 11:20

Balet wala ray pigaran mananisian taga Chipre tan Cirene ya akasabid Antiokia tan impupulong day Maung a Balitan nipaakar ed Katawan a Jesus ed anggan saray Hintil.

Saray Gawgawa 10:36

Saray Israelita so angiteray Dios na salita to. Sikaray angiteran toy Maung a Balita, a mangiter a kareenan diad panamegley nen Jesu-Cristo, a sikatoy Katawan na amin a katoowan!

Saray Gawgawa 9:20

Linmoob ed saray sinagoga tan nampupulong a tampol na nipaakar ed kinen Jesus. “Sikatoy Anak na Dios,” inkuanto.

Saray Gawgawa 8:35

Ginapuan nen Felipe so nansalita; manlapud sayan partiy Masanton Sulat, impaliwawa toy Maung a Balitan nipaakar ed kinen Jesus.

Saray Gawgawa 5:42

Inagew-agew, diad Timplo tan diad saray kaabungan, intuloy day nambabangat tan nampupulong na nipaakar ed kinen Jesus, say Cristo.

Saray Gawgawa 8:5

Linmay Felipe ed siudad na Samaria tan impupulong tod may Cristo.

Saray Taga Roma 2:8

Balet baleg a sanuk tan pasnuk so ondapod saray masiblet tan manangibeneg na katwaan, ta totombuken day dalan na kaogsan.