Ezekiel 9:9 - Maung A Balita Biblia

⁹ Inmebat so Dios, “Baleg a tuloy so kasalanan na saray totood Israel tan Juda. Nampapatey irad inerman a pasen na dalin na Israel tan pinano ray Jerusalem na amin a kaogsan. Ibabaga ra a siak a Katawan et inkaindan koy bansa ra tan ag ko ra nanenengneng.

Maung a Balita Biblia

⁹ Inmebat so Dios, Baleg a tuloy so kasalanan na saray totood Israel tan Juda. Nampapatey irad inerman a pasen na dalin na Israel tan pinano ray Jerusalem na amin a kaogsan. Ibabaga ra a siak a Katawan et inkaindan koy bansa ra tan ag ko ra nanenengneng.

Ezekiel 9:9 Referans Kwoze

Ezekiel 8:12

Tinepet na Dios ed siak, “Sika a toon ompatey, nanenengneng moy maamut a gagawaen da ray pangulo na saray Israelita? Mangigagalang iran amin ed sakey a kuarton napnoy imahin. Inkuanda ya ibabaraan: ‘Ag itayo nanenengneng na Katawan! Inkaindan to so bansa.’”

Say Libro nen Job 22:13

Balet tetepeten mo, ‘Antoy amta na Dios? Asaniban na lorem—panoy pakapansintinsia tod sikatayo?’

Ezekiel 7:23

“Agewgew ya amiy bengatla—pateyan ed amin a sokung na bansa tan napno na inkaruksa iray siudad.

Jeremias 2:34

Say kawes yo atalaksikan na dala na saray totoon mairap-bilay tan anggapoy kasalanan, aliwan say dala na saray totoon linmoob a mantakew ed abung yo. “Balet anggaman onya ray ginagawam,

Isaias 29:15

Pangaskasiyan iray totoon mangyaamut ed Katawan na saray plano ra! Maamut a gagawaen da ray getma ra, tan abaloan da ya anggapoy makanengneng ed sikara o makaamta na saray gagawaen da.

Saray Salmo 94:7

Kuanda, “Ag itayo nanenengneng na Katawan; ag itayo nanaimano na Dios na Israel.”

Saray Salmo 10:11

Say toon maoges kuantod sikaton dili, “Anggapoy pibabali na Dios! Inlikdem to ray mata to, kanyan ag to ak balut nanengneng!”

2 Saray Arari 21:16

Pinatey nen Manases iray amayamay a totoon anggapoy kasalanan, kanyan adelap na dala so daladalan na Jerusalem; sayan ginagawa to et kaaruman na samay impangilagyat ton angigalang ed saray talintao iray totood Juda, kanyan impankasalanan to rad Katawan.

Lucas 11:50

Kanyan napelag ed saray totood sayan panaon so dusa na impamatey ed saray propita, nanlapu lad impamalsay mundo.

Ezekiel 8:17

Say Katawan inkuantod siak, “Sika a toon ompatey, nanenengneng mo man? Saray totoo ed Juda et ag ni ra apenek ed panggagawa ray amin a makapaingungot a bengatlan anengneng mo dia tan say impangikayat da na golo ed intiron bansa. Ag ni ra apenek kanyan linma ra diad dalem na Timplo tan pinaloor day pasnuk ko. Nengneng mo no panoy pamapabaing dad siak diad anggaay nayarian dan pamasakit.

Jeremias 22:17

Balet, sika, anggapoy arum a pampipilalekan mo no ag say pankaabigan mon dili; papateyen mo ray anggapoy kasalanan, tan maruksay pamapairap mod saray totoom. Say Katawan so nansalita.

Isaias 1:4

Nadudusa ka, sika a makasalanan a bansa, sikayon marotak tan maoges a totook! Ikokotep ka na saray kasalanan mo! Impolisay moy Katawan a masanton Dios na Israel tan imbeneg mo.

2 Saray Arari 24:4

nagkalalo lad samay impamatey tod saray totoon anggapoy kasalanan. Ag napirdona na Katawan si Manases lapud saman a ginawa to.

Deuteronomio 32:5

Balet aliwan matoor kayod sikato, aliwa kayon manepeg a totoo to; makasalanan tan managpalikdo kayon bansa.

Deuteronomio 31:29

Amtak a kayariy ipatey ko saray totoo et magmaliw iran maoges tan ipolisay day imbabangat kod sikara. Et diad onsabin panaon nadalan ira na deral, lapud pampasnuken day Katawan diad panggawa ray isesebel to.”

Isaias 47:10

“Anggapoy kapagaan mo ed panggagawam na kaogsan; abaloan mon anggapoy makanenengneng ed sika. Pinalikdo ka na kakabatan tan pakatalus mo, tan inkuanmod sikan dili, ‘Siak so Dios— anggapo lay arum a singa siak.’

Saray Tagleey 1:5

Nampalabo ray kalaban to; sikato lay walad silong na pakayari ra. Paniirapen na Katawan, lapud amin ya amayamay a kasalanan to; Anggan saray ogogaw adakep ira tan sikaray inaawit na kalaban da.

Habacuc 1:4

Maletey tan anggapoy kana so ganggan, tan ag balut natotombuk so katonungan. Lalamesen na saray totoon maoges iray matonung, kanyan napipikewet so inkatonung.

Sofonias 1:12

“Diad satan a panaon mangala ak na lamparaan, ta sokimaten koy Jerusalem. Dusaen ko ray totoon singa ag ompatepatey tan mataletalek a kuandad sikaran dili, ‘Ag manggawa na maung odino maoges so Katawan.’