Ezekiel 9:5 - Maung A Balita Biblia

⁵ Insan nadngel kon inkuan na Dios ed saramay arum a lalaki, “Tombuk yod siudad tan mampatey kayo. Anggapoy pipirdonaen yo; ag yo kakasiay siopaman.

Maung a Balita Biblia

⁵ Insan nadngel kon inkuan na Dios ed saramay arum a lalaki, Tombuk yod siudad tan mampatey kayo. Anggapoy pipirdonaen yo; ag yo kakasiay siopaman.

Ezekiel 9:5 Referans Kwoze

Ezekiel 5:11

“Ontan sirin, legan a mabilay ak a Dios—sikato yay salita na Katawan a Dios—andi-panangasiy pangipolisay kod sikayo lapud dinotakan yoy Timplok diad panamegley na saray kaogsan tan makapaingungot a ginagawa to.

Ezekiel 24:14

Siak a Katawan so nansalita. Sinmabiy oras a siak so onggalaw. Ag ko palabasen iray kasalanan mo odino kasian odino abageyen ta ka. Nadusa ka lapud saray ginagawam.” Say Katawan a Dios so nansalita.

Ezekiel 9:10

Balet ag ko ra kasian; gawaen kod sikaray ginawa rad arum a totoo.”

Ezekiel 8:18

Nalikna ra so biskeg na pasnuk ko. Ag ko ra pirdonaen odino kasian. Anggan oneyaeyag iran onkerew ed siak na tulong, ag ko ra dengelen.”

Ezekiel 7:9

Ag ta kayo pirdonaen odino kasian. Dusaen ta kayo lapud saray makapaingungot a ginagawa yo, pian naamtaan yo a siak so Katawan tan siak so manudusad sikayo.”

Ezekiel 7:4

Ag ta ka pirdonaen odino kasian. Dusaen ta ka lapud saray makapaingungot a ginagawam, pian naamtaan mo a siak so Katawan.”

Isaias 22:14

Say Katawan a Makapanyarin-amin a Dios a dili et akisalitad siak tan inkuanto, “Legan dan mambilay, ag balut napirdona yan kaogsan a ginawa ra. Siak, say Katawan a Makapanyarin-amin a Dios, so nansalita.”

Isaias 5:9

Nadngel kon ibabaga na Katawan a Makapanyarin-amin, “Amin da ra yan ankakabaleg tan mararakep a kaabungan et naderal ira tan ag la ra natoowan.

1 Saray Arari 18:40

Ingganggan nen Elias, “Erel yo ray propita nen Baal; ag kayo mamapabatik na anggan sakey ed sikara!” Inerel da ra, insan inyakar nen Elias iran amin ed Kolus na Kison tan diman to ra pinapatey.

1 Samuel 9:15

Diad agew kasakbayan na insabi nen Saul, say Katawan inkuantod kinen Samuel,

Exodo 32:27

tan kuantod sikara, “Say Katawan a Dios na Israel igaganggan to kayon amin ya isalokbit yoy ispada yo tan manliber kayod kampo manlapud sayan puirta ya anggad sananey, tan patey yo ray agagi yo, saray kakaaro yo, tan saray kakaabay yo.”

Isaias 13:18

Pateyen dad pana iray tobun-balon lalaki. Ag da kasian iray ogogaw.

Jeremias 9:21

Linmoob ed saray bintana tayo so patey tan nilooban to ray palasio tayo; pinagit tod saray dalan iray ogogaw tan saray lalakin tobun-balo diad saray tindaan.

Ezekiel 9:4

“Lakad intiron siudad na Jerusalem, ta markaan moy muling na balang sakey a toon maermen tan magunigon, lapud amin a makapaingungot a nagagawad siudad.”

Ezekiel 9:6

Patey yo ray matakken, malangwer a lalaki tan bibii, saray ina, tan saray anak. Balet ag yo didiwiten so siopaman a walay marka to ed muling. Igapo yo diad Timplok.” Kanyan inggapo rad saray pangulon manalalagey diman ed Timplo.

Ezekiel 43:3

Sayan pasingayew et singa samay pasingayew ya anengneng ko nen sinmabi so Dios ya aneral ed Jerusalem, tan samay pasingayew ya anengneng kod gilig na Ilog na Kebar. Insan ko intiblak ed dalin.