Ezekiel 9:2 - Maung A Balita Biblia

² Tampol a sinmabi ray anemiran lalaki ya akaarmas a nanlapu rad puirtad paway diad bandad baybay na Timplo. Kaiba ray lakin akakawes na linen a sankaawit toy sakey a pansulatan. Dinmago ra tan nanalagey irad abay na gansan altar.

Maung a Balita Biblia

² Tampol a sinmabi ray anemiran lalaki ya akaarmas a nanlapu rad puirtad paway diad bandad baybay na Timplo. Kaiba ray lakin akakawes na linen a sankaawit toy sakey a pansulatan. Dinmago ra tan nanalagey irad abay na gansan altar.

Ezekiel 9:2 Referans Kwoze

Ezekiel 10:2

Say Dios kuantod samay toon akakawes na linen, “Lakad nanleetan na saray dalig a walad silong da ra may pinalsa tan panom na ngalab iray limam. Insan mo itayak ed intiron siudad iray ngalab.” Binantayan kon linma.

Levitico 16:4

Insan say Katawan inter to ray onggendan a totontonen. Kasakbayan ya onloob ed Sankasantosan a Pasen si Aaron, nepeg a manames tan isolung to ray kawes na pari: say linen a kawes tan pantalon a potut, say balkes, tan say turban.

Puyan 15:6

Pinmaway a nanlapud timplo ira may pitoran anghil a sankaawit da ray pitoran salot. Akakawes iray malinis tan masilesileng a lino, tan say pagew da abalkesan na balituk.

2 Saray Arari 15:35

Balet ag to dineral iray paganon pasen a panangigalangan, kanyan intuloy na saray totoo so nambagat tan nampool na insinso ed saraman a pasen. Si Jotam so angipaalagey ed Puirtan Baybay na Timplo.

Jeremias 26:10

Nen saray pangulo na Juda nadngelan da no antoy agawa, nangganat iran linma ed Timplo manlapud palasio tan inmirung irad pasen da diad Balon Puirta.

Jeremias 25:9

‘Tawagen kon amin iray totood baybay tan say aripen kon Ari Nabucodonosor na Babilonia. Pibakalen ko ra sumpad sayan bansa tan amin a manaayam dia tan amin a kaliber-liber ton bansa. Deralen ko ya anggad angga yan bansa tan saray kaabay to, paolyan ko ran aderal-deral ya anggad angga, makapataktakot tan makapasinagem iran nengnengen.

Jeremias 1:15

lapud tatawagen kon ondago ray amin a bansa ed baybay. Saray arari ra ilira ray trono ra diad saray puirta na Jerusalem tan diad kaliber-liber na saray arum a siudad na Juda.

2 Saray Awaran 27:3

Si Jotam so nanggawa na Puirtad Baybay diad Timplo tan dakel so ginawa ton kimey ed padir na siudad na Jerusalem diad pasen a tatawagey Ofel.

2 Saray Awaran 4:1

Nanggawa si Ari Solomon na gansan altar a samploran mitro a kuadrado tan limaran mitroy kaatagey to.

Exodo 40:29

tan diman ed arap na kurtina inlira to may altar a panagpoolan na saray bagat. Dimad tapew na altar insaklang toy bagat a popoolan tan say bagat a trigo, onung na ingganggan na Katawan.

Ezekiel 9:3

Insan say kagalangay Dios na Israel inmatagey a nanlapud saray kirubin a kawalaan ton gendat, insan dinmere ed lolooban na Timplo. Say Katawan tinawag to may toon akakawes na linen tan inkuantod sikato,

Ezekiel 9:11

Insan pinmawil imay lakin linen so kawes to tan inkuantod Katawan, “Sinumpal ko ray ganggan mod siak.”

Daniel 10:5

Tinmangay ak, et anengneng koy sakey a lakin akakawes na linen tan akabalkes na pinon balituk.

Daniel 12:6

Say sakey ed sikara tinepet tod anghil a manalalagey ed bandad tulo tan akakawes na linen, “Kapigay itonda na sarayan makapakelaw a nagagawa?”

Jeremias 4:6

Itoro yoy dalan ya ompogtad Sion! Batik kayod pasen ya arawid kaatapan! Ag kayo la manaabala! Say Katawan mangipasabi na segsegang tan baleg a deral a manlapud baybay.

Ezekiel 8:3

Inyonat toy singa lima, insan to ak siningkat ed buek. Diad sayan pasingayew say ispiritu na Dios inyatagey to ak tan inyakar to ak ed Jerusalem. Inyakar to ak ed dalem na lolooban na puirtad baybay na Timplo a kawalaan na talintaon makapaspasnuk ed Dios.

Amos 9:1

Anengneng koy Katawan a manalalagey ed abay na altar. Ingganggan to: “Maso yo ray toktok a lusek na Timplo, pian nayegyeg so pundasion. Igeba-geba yod kaoluan da ray totoo. Pateyen kod bakal iray nakdaan a totoo. Anggapod sikaray makaarawi; anggapoy anggan sakey a makabatik ed sikara.