Ezekiel 8:6 - Maung A Balita Biblia

⁶ Inkuan na Dios ed siak, “Sika a toon ompatey, nanenengneng moy nagagawa? Nengneng moy makapaingungot a gagawaen dia na saray totood Israel, iyaarawi da ak lan iyaarawi ed santuariok. Makanengneng ka ni na lalon makapabaing nen saya.”

Maung a Balita Biblia

⁶ Inkuan na Dios ed siak, Sika a toon ompatey, nanenengneng moy nagagawa? Nengneng moy makapaingungot a gagawaen dia na saray totood Israel, iyaarawi da ak lan iyaarawi ed santuariok. Makanengneng ka ni na lalon makapabaing nen saya.

Ezekiel 8:6 Referans Kwoze

Ezekiel 5:11

“Ontan sirin, legan a mabilay ak a Dios—sikato yay salita na Katawan a Dios—andi-panangasiy pangipolisay kod sikayo lapud dinotakan yoy Timplok diad panamegley na saray kaogsan tan makapaingungot a ginagawa to.

Ezekiel 10:19

Imbuskag day payak da tan manlapud dalin tinmikyab irad tagey legan ak a mamabantay, tan akilad sikara ira may dalig. Tinmonda rad nibokig a puirta na Timplo, tan walad tagey da imay kagalangan na Katawan.

Ezekiel 8:9

Inkuantod siak, “Loob ka ta nengneng moy maoges tan makapaingungot a gagawaen da.”

Ezekiel 11:22

Tinmikyab ira may pinalsan mabilay tan akilad sikara ira may dalig. Walad tagey da so kagalangan na Dios na Israel.

Ezekiel 8:14

Kanyan inyakar to ak ed puirtad baybay na Timplo tan impanengneng tod siak iray bibiin aakisan day impatey na dios a Tamuz.

Jeremias 32:34

Inyan da ni ingen ed dalem na Timplo a nipaalagey ed ngaran ko iray talintaon kabosul ko tan dinotakan day Timplo.

Jeremias 26:6

No ituloy yoy ag mangonur ed siak, gawaen kod sayan Timplo so singa samay ginawak ed Silo tan saray amin a bansa ikana ray ngaran na sayan siudad a sakey a samba.”

Jeremias 23:11

Say Katawan kuanto, “Anggapoy Dios da iray propita tan saray papari; apesgaan ko ran manggagaway kaogsan ed dalem na Timplo.

Jeremias 7:30

“Nanggawa na sakey a kaogsan iray totoo ed Juda. Inyan dad dalem na Timplok iray karimdimlak a talintaoy diriyos da, kanyan dinotakan da.

Jeremias 7:17

Ag mo ta nanenengneng so gagawaen da ed saray siudad na Juda tan saray dalan na Jerusalem?

Jeremias 3:6

Nen si Josias so ari, inkuan na Katawan ed siak, “Anengneng mo so ginawa na Israel, saman ya aliwan matoor a bii? Diad balang atagey a pokdul, tan diad silong na balang malambut a kiew nagmaliw diman a singa marotak a bii.

Probirbio 5:14

Ag abayag, naplag ak ed kababaingan diad arap da ray katoowan.”

Saray Salmo 78:60

Inkaindan toy tulda tod Silo, say tuldan nanayaman tod pegley tayon totoo to.

Jeremias 11:18

Impaamtad siak na Katawan so pankokomplut na saray kalaban ko.

Ezekiel 8:7

Inyakar to ak ed lolooban na pation walad bandad paway, insan to impanengneng ed siak so sakey a melag ya abut ed padir.

Ezekiel 14:6

“Natan sirin, ibagam ed saray Israelita so ibabagak, siak a Katawan a Dios: Magbabawi kayo tan taynan yo la ray makapaingungot a talintaoy diriyos.

Ezekiel 18:12

Sasaolen to ray mairap-bilay, mantatakew, ag to ipapawil so ipopotika na saray akautang ed sikato. Oonlad kawalaan da ray paganon altar, tan igagalang to ray makapaingungot a talintaoy diriyos,

Ezekiel 47:6

Inkuantod siak imay too, “Sika a toon ompatey, apiger mon imanoen ira yan amin.” Insan samay laki impawil to ak ed samay gilig na ilog,

Oseas 5:6

Iyaakar dan ibagat ed Katawan iray karniro ra tan saray baka ra, balet anggapoy kaabigan a nagogonggona ra. Ag da narumog so Katawan, ta tinaynan to la ra.

2 Saray Awaran 29:5

tan diman to ra akitongtongan. Inkuanto, “Sikayo ran Levita, linisan yo onung ed ganggan so sikayon dili tan say Timplo na Katawan a Dios na saray lalaki yo. Ekal yo ray amin a makarotak ed Timplo.

Ezekiel 8:13

Insan inkuan na Katawan ed siak, “Nanengneng mo ni ran manggawa na saray lalon makapaingungot nen satan.”

Ezekiel 10:18

Insan samay kagalangan na Katawan tinmaynan ed samay lolooban na Timplo tan linmad pasen diad tagey na saramay pinalsa.

Ezekiel 11:23

Insan samay kagalangan na Dios tinaynan toy siudad tan amaarap ed pasen a nibokig na siudad.

Ezekiel 43:8

Saray arari inyabay dad puirta na Timplok so puirta na palasio ra, kanyan padir labat so nanleetan mi. Lapud saray makapaingungot a ginagawa ra, impelag dad kababaingan so masanton ngaran ko, kanyan diad gaway pasnuk ko dinederal ko ra.