Ezekiel 8:3 - Maung A Balita Biblia

³ Inyonat toy singa lima, insan to ak siningkat ed buek. Diad sayan pasingayew say ispiritu na Dios inyatagey to ak tan inyakar to ak ed Jerusalem. Inyakar to ak ed dalem na lolooban na puirtad baybay na Timplo a kawalaan na talintaon makapaspasnuk ed Dios.

Maung a Balita Biblia

³ Inyonat toy singa lima, insan to ak siningkat ed buek. Diad sayan pasingayew say ispiritu na Dios inyatagey to ak tan inyakar to ak ed Jerusalem. Inyakar to ak ed dalem na lolooban na puirtad baybay na Timplo a kawalaan na talintaon makapaspasnuk ed Dios.

Ezekiel 8:3 Referans Kwoze

Deuteronomio 32:16

Lapud impangigalang dad saray arum a diriyos angimon so Katawan; akapasnuk lapud saray ginagawa ran kaogsan.

Ezekiel 11:1

Inyatagey ak na ispiritu na Dios, insan to ak inyakar ed nibokig a puirta na Timplo. Anengneng kod mad abay na puirta iray duamplo tan liman lalaki a pati si Jasanias a lakin anak nen Azur tan si Pelatia a lakin anak nen Benaya, a sikaran duay pangulo na bansa.

Ezekiel 5:11

“Ontan sirin, legan a mabilay ak a Dios—sikato yay salita na Katawan a Dios—andi-panangasiy pangipolisay kod sikayo lapud dinotakan yoy Timplok diad panamegley na saray kaogsan tan makapaingungot a ginagawa to.

Daniel 5:5

Kabebekta walay pinmayawar a limay too, insan nansulat ed palitada na padir na palasio, diad pakawawandagan na ontan lan liwawa na saray lamparaan. Anengneng na ari imay mansusulat a lima.

Ezekiel 40:2

Diad sayan pasingayew say Dios inyakar to ak ed dalin na Israel tan inggaton to ak ed toktok na atagey a palandey. Diad bandad arap ko, anengneng koy grupo na saray paalagey a singa ra sakey a siudad.

Ezekiel 11:24

Diad sayan pasingayew, inyatagey ak na ispiritu na Dios tan impawil to ak ya inyakar ed Babilonia a nibantakan mi. Insan naandi la may pasingayew.

Ezekiel 2:9

Anengneng koy liman onaarap ed siak, tan sankabembenan toy nilokut a babasaen.

Deuteronomio 32:21

Lapud saray talintaoy diriyos da pinapetang day olok; pinaimon da ak lapud saray ipapasen dan diriyos da, saray aliwan peteg a diriyos. Kanyan ikanak so sakey a paganon bansa a mamapetang na olo ra; paimonen ko ra lapud sakey a bansan makulang-kulang iray totoo to.

Deuteronomio 6:15

No mangigalang kayod arum a diriyos, ondalang a singa apoy so pasnuk na Katawan ed sikayo tan sigput to kayon pateyen, ta say Katawan a Dios yo a kaolup yo et maimon.

Deuteronomio 5:9

Ag ka ondadakmomo, ni mangigagalang ed saraya, ta siak, say Katawan a Dios mo et maimon ak. Dusaen ko ray mamosul ed siak tan saray kabyangay boleg da ya anggad kumatlo tan kumapat a kailalakan.

Deuteronomio 4:24

lapud maimon tan singa manliub ya apoy so Katawan a Dios yo.

Exodo 20:5

Ag ka ondadakmomo odino mangigagalang ed saraya, ta siak, say Katawan a Dios mo, et maimon ak. Dusaen ko ray mamosul ed siak tan saray kabyangay boleg da ya anggad kumatlo tan kumapat a kailalakan.

Saray Gawgawa 8:39

Kasakbit da, imbatik na Ispirituy Katawan si Felipe. Ag la anengneng na samay yunuko, tan maliket a linma la.

Daniel 10:18

Inegnaan to ak lamet, et binmiskeg ak.

Daniel 10:10

Insan walay liman angegnad siak, intagey to ray limak, tan impatalimukor to ak; manggiwgiw ak nid saman.

Ezekiel 8:5

Inkuan na Dios ed siak, “Sika a toon ompatey, nengneng kad baybay.” Ninmengneng ak, et diad asingger ed altar ed abay na lolooban na puirta anengneng koy talintaon makapaspasnuk ed Dios.

Ezekiel 7:20

Nen saman inkikinon da ray mararakep ya alahas da, balet inkakana da rad panggaway makapaingungot iran talintao. Lapud saya impagmaliw na Katawan a makarimdimla iray balituk tan saray pilak da.

Ezekiel 3:14

Linmoob ed siak so mabiskeg a pakayari na Katawan, tan diad pangaawit ed siak na ispiritu, akapasnuk ak tan ansakit so linawak.

Ezekiel 3:12

Insan intagey ak na ispiritu na Dios, tan nadngel kod nibeneg ko so maksil tan manungol a bosis a kuanto, “Nadayew komun ed tawen so kagalangan na Katawan!”

Jeremias 32:34

Inyan da ni ingen ed dalem na Timplo a nipaalagey ed ngaran ko iray talintaon kabosul ko tan dinotakan day Timplo.

Jeremias 7:30

“Nanggawa na sakey a kaogsan iray totoo ed Juda. Inyan dad dalem na Timplok iray karimdimlak a talintaoy diriyos da, kanyan dinotakan da.

Saray Salmo 78:58

Pinasanuk day Dios lapud saray paganon pasen a panangigalangan, tan pinapetang dan maung so olo to lapud saray talintaoy diriyos da.

2 Saray Arari 21:7

Inyan tod dalem na Timplo so talintao nen diosan Asera. Onya so inkuan na Katawan ed kinen David tan si Solomon a lakin anak to nipaakar ed sayan Timplo: “Diad Jerusalem ed sayan Timplo so pasen a pinilik ed amin da ray lugar na labinduan tribu na Israel a pangigalangan ed siak.

2 Saray Arari 16:14

Walad leet na balon altar tan Timplo so gansan altar a nisaklang ed Katawan, kanyan impaiyalis nen Acaz ed baybay na balon altar.

2 Saray Arari 2:16

tan kuanda, “Limamplo kami dian mabisbiskeg a lalaki. Abuloyan mo kamin onla, ta anapen miy amom. Angangko inyakar ed arawi na ispiritu na Katawan, insan to intilak ed sakey a toktok na palandey, odino diad sakey a patar a pasen.” “Andi, ag kayo oonla,” ebat nen Eliseo.

1 Saray Arari 18:12

Antoy amtak no kataynan ko dia et awiten ka na ispiritu na Katawan ed pasen ya anggapoy mikabat? Insan mo ibagak ed kinen Acab a wadya ka tan ag to ka narumog, pateyen to ak. Nepeg mon nunoten a gagalangen koy Katawan nanlapu lad impanogaw ko.

Josue 24:19

Inkuanen Josue ed saray totoo, “Balet ompan ag yo nayarian a panlingkuran so Katawan? Sikato so masanto a Dios tan ag to pirdonaen iray kasalanan yo. Maimon a Dios

Exodo 34:14

“Ag kayo mangigagalang ed arum a diriyos ta siak a Katawan et maimon ak a Dios.

Exodo 20:4

“Ag mo igagawaay sikan dili na talintao odino antokaman a kaolibay na bengatlan walad tawen odino walad tapew na dalin odino bengatlan walad danum diad dalem na dalin.

Ezekiel 1:1

Siak, si Ezekiel a pari a lakin anak nen Buzi, et kaibak iray kaparak a Judion nibantak ed Babilonia. Diad kumaliman agew na kumapat a bulan na kumatalomplon taon na panaayam mi ed gilig na Ilog na Kebar, linmokas so tawen, et akanengneng ak na pasingayew a nanlapud Dios. (

Ezekiel 10:3

Nen linmoob manalalagey ed niabalaten na Timplo ira may pinalsa, insan pinano na lorem imay patiod dalem.

Ezekiel 37:1

Aliknak so pakayari na kiwawalay Katawan, et inala ak na ispiritu to tan inlira to ak ed patar a napno na saray pokepokel.

Ezekiel 43:5

Inyatagey ak na ispiritu na Katawan, insan to ak inyakar ed samay patiod dalem, a diay akanengnengan kon napno na kagalangan na Katawan so Timplo.

Ezekiel 43:8

Saray arari inyabay dad puirta na Timplok so puirta na palasio ra, kanyan padir labat so nanleetan mi. Lapud saray makapaingungot a ginagawa ra, impelag dad kababaingan so masanton ngaran ko, kanyan diad gaway pasnuk ko dinederal ko ra.

Ezekiel 9:2

Tampol a sinmabi ray anemiran lalaki ya akaarmas a nanlapu rad puirtad paway diad bandad baybay na Timplo. Kaiba ray lakin akakawes na linen a sankaawit toy sakey a pansulatan. Dinmago ra tan nanalagey irad abay na gansan altar.