Ezekiel 8:10 - Maung A Balita Biblia

¹⁰ Kanyan linmoob ak tan ninmengneng ak. Nipintad padir iray oleg tan saray arum a marotak ya ayayep onung ed ganggan; nipinta met iray arum a bengatlan gagalangen na saray Israelita.

Maung a Balita Biblia

¹⁰ Kanyan linmoob ak tan ninmengneng ak. Nipintad padir iray oleg tan saray arum a marotak ya ayayep onung ed ganggan; nipinta met iray arum a bengatlan gagalangen na saray Israelita.

Ezekiel 8:10 Referans Kwoze

Saray Taga Roma 1:23

Anta igalang da komun so ag ompatey a Dios, igagalang da ray talintaoy toon ompatey, saray talintao da ray manok, o ayayep ya apatiray sali, o onkokorung ya ayayep.

Exodo 20:4

“Ag mo igagawaay sikan dili na talintao odino antokaman a kaolibay na bengatlan walad tawen odino walad tapew na dalin odino bengatlan walad danum diad dalem na dalin.

Jeremias 16:18

Mamidway belat so dusan iter kod sikara, lapud kasalanan tan kaogsan da; dinotakan day dalin ko na saray talintaon anggapoy bilay a singa bangkay, tan pinano ra na saray tila-tilan diriyos.”

Jeremias 3:9

tan ag to ibabaing yan gagawaen to. Dinotakan to so dalin, tan akilawanan diad panamegley na impangigalang tod saray bato tan saray kiew.

Deuteronomio 14:3

“Ag yo kakanen iray bengatla a say Dios impasen to ran marotak.

Deuteronomio 4:18

ayep man a korung-korung odino sira.

Isaias 44:13

Sokaten na iskotur so sakey a poter na tibokel a kiew. Igolis to na tisa ed samay kiew iray nepeg ton gawaen. Kitikitan tod satan na saray kagawaan to, gawaen ton sakey a kaparpara na sakey a guapon laki, ta ilira tod dalem na abung to.

Jeremias 44:4

Ag ak tinmondan angibaki na saray aripen kon propita ya angibagad sikayon ag yo gagawaen yan makapangingungot a bengatlan kabkabosul ko.

Jeremias 44:21

“Nipaakar ed saray bagat a sikayo tan saray lalaki yo, saray arari yo tan saray pangulo yo, tan saray totood bansa, ya insasaklang yod saray baley na Juda tan diad saray dalan na Jerusalem—abaloan yon ag amta o alingwanan ira na Katawan?

Ezekiel 8:9

Inkuantod siak, “Loob ka ta nengneng moy maoges tan makapaingungot a gagawaen da.”

Ezekiel 8:11

Wadman iray pitomplon pangulo na saray Israelita, pati si Jaazanias a lakin anak nen Safan. Sankabembenan na balang sakey ed sikara so parlangan na insinso tan manatagey so asewek na insinso.

Ezekiel 11:12

Nakabatan yo a siak so Katawan, ta diad pangoonur yod saray ganggan na saray kaabay yon bansa, susumlangen yo ray ganggan tan saray bilin ko.”

Ezekiel 23:14

“Linmereg lan linmereg ed inkaimmoralidad to. Naayat ed saray imahin na saray manonan opisyal a taga ra Babilonia, a nikorti rad padir tan apintaan ira na ambalbalanga, abaliberan na marakep ya abel iray awak da tan walay konwarin turban ed kaolowan da.

Deuteronomio 4:16

ompan mankasalanan kayo diad panggawa yoy talintaon kaparpara na antokaman, laki man o bii,

Deuteronomio 4:23

Manalwar kayo ta ompan nalingoanan yo so impisipanan ed sikayo na Katawan a Dios yo. Onur yoy ganggan to ya ag kayo manggagawa na antokaman a talintaoy dios,

Deuteronomio 4:25

“Anggan abaybayag kayo lan manaayam ed saman a dalin tan awalaan kayo la na saray anak tan apo, ag kayo mankakasalanan diad panggawa yoy antokaman a talintaoy dios. Maoges ya ed arap na Katawan, tan sikatoy makasengeg na pampasnuk to.