Ezekiel 8:1 - Maung A Balita Biblia

¹ Nen kumaliman agew na kumanem a bulan na kumanem a taon na inkibantak mid sananey a bansa, saray pangulo da ray nibantak a taga ra Juda et manyodyorung iran kaibak ed abung ko. Kabebekta linmoob ed siak so pakayari na Katawan a Dios.

Maung a Balita Biblia

¹ Nen kumaliman agew na kumanem a bulan na kumanem a taon na inkibantak mid sananey a bansa, saray pangulo da ray nibantak a taga ra Juda et manyodyorung iran kaibak ed abung ko. Kabebekta linmoob ed siak so pakayari na Katawan a Dios.

Ezekiel 8:1 Referans Kwoze

Ezekiel 20:1

Nen kumaplon agew na kumaliman bulan na kumapiton taon na inkibantak mi, wala ray pigaran pangulo na saray Israelita a dinmagon mangipanon ed siak na nipaakar ed linawa na Katawan. Inmirung ira ed arap ko.

Ezekiel 33:31

Kanyan saray totook mantitipon iran ondengel na ibagam, balet ag da susumpalen so ibagam a gawaen da. Walad bibil da ray salitan napnoy aro, balet itutuloy day panagagom da.

Ezekiel 14:1

Pigaran pangulo da ray Israelita so dinmagon angipanon ed siak na nipaakar ed linawa na Katawan.

Ezekiel 14:4

“Natan misalita kad sikara tan ibagam so ibabagak ed sikara, siak a Katawan a Dios: Balang Israelita ya inter toy puso tod saray talintaoy diriyos tan aabuloyan to ran iwanwan dad kasalanan, insan onlan mangipanon ed sakey a propita, makaawat na ebat a manlapud siak—ebat a kanepegan na saray amayamay a talintao to!

Saray Gawgawa 20:33

Ag ko inagom so pilak, balituk, o kawes na siopaman.

Malakias 2:7

Nepeg ya ibangat na saray papari so tuan pakapikabat ed Dios. Nepeg ya onlad sikaran mangamta na linawak iray totoo, lapud sikaray ibabaki na Katawan a Makapanyarin-amin.

Ezekiel 40:1

Nen kumaplon agew na balon taon a sikatoy kumaduamplo tan liman taon na inkibantak mid arum a bansa tan sikato met so kumalabinapat a taon na inkadakep na Jerusalem, aliknak so pakapanyari na kiwawalay Katawan, insan to ak inyakar ed arawi.

Ezekiel 37:1

Aliknak so pakayari na kiwawalay Katawan, et inala ak na ispiritu to tan inlira to ak ed patar a napno na saray pokepokel.

Ezekiel 32:17

Nen kumalabinliman agew na ononan bulan na kumalabinduan taon na inkibantak mid arum a bansa, say Katawan akisalitad siak.

Ezekiel 31:1

Nen ononan agew na kumatlon bulan na kumalabinsakey a taon na inkibantak mid arum a bansa, say Katawan akisalitad siak.

Ezekiel 29:17

Nen ononan agew na ononan bulan na kumaduamplo tan piton taon na inkibantak mi, say Katawan akisalitad siak.

Ezekiel 29:1

Nen kumalabinduan agew na kumaplon bulan na kumaplon taon na inkibantak mi, say Katawan akisalitad siak.

Ezekiel 26:1

Nen ononan agew na…bulan, nen kumalabinsakey a taon na inkibantak mi, say Katawan akisalitad siak.

Ezekiel 24:1

Nen kumaplon agew na kumaplon bulan na kumasiam a taon na inkibantak mi, say Katawan akisalitad siak.

Ezekiel 3:22

Aliknak so pakayari na Katawan tan nadngel kon kuantod siak, “Alagey ka tan lakad patar. Mitongtong ak ed sikad man.”

Ezekiel 3:14

Linmoob ed siak so mabiskeg a pakayari na Katawan, tan diad pangaawit ed siak na ispiritu, akapasnuk ak tan ansakit so linawak.

Ezekiel 3:12

Insan intagey ak na ispiritu na Dios, tan nadngel kod nibeneg ko so maksil tan manungol a bosis a kuanto, “Nadayew komun ed tawen so kagalangan na Katawan!”

2 Saray Arari 6:32

Insan angibakiy sakey a toon mangalad kinen Eliseo. Legan to ya, kaiba nen Eliseo ed abung to iray pigaran mamasiken na Israel ya ombibisitad sikato. Kasakbayay insabi na samay imbaki na ari, inkuanen Eliseo ed saramay mamasiken, “Saman a managpatey na too et angibakiy mamotul na olok! Kasabi to dia, italak yoy puirta tan ag yo palolooben. Manomtombuk ed sikato so ari.”

Ezekiel 7:27

Manermen so ari, naekalan na ilalo so prinsipi, tan onggiwgiw ed takot iray totoo. Dusaen ta kayo lapud amin a ginagawa yo, tan sintinsiaan ta kayo onung na impansintinsia yo ed saray arum a totoo. Diad saya naamtaan yo a siak so Katawan.”

Ezekiel 8:2

Tinmangay ak, et anengneng kod sakey a payawar so singa sakey a toon apoy. Manlapud balangbang to a mampaleksab singa apoy so laman to, tan manlapud balangbang to a mampaatagey mankidyam a singa gansan pinasileng.

Ezekiel 33:22

Diad samay labi kasakbayan na insabi to, aliknak so biskeg na pakapanyari na kiwawalay Katawan. Nen sinmabi may too ed samay kaimbwasan, impawil na Katawan ed siak so pakapansalita lamet.

Ezekiel 30:20

Nen kumapiton agew na ononan bulan na kumalabinsakey a taon na inkibantak mid arum a bansa, say Katawan akisalitad siak.

Ezekiel 32:1

Nen ononan agew na kumalabinduan bulan na kumalabinduan taon na inkibantak mid arum a bansa, say Katawan akisalitad siak.